五區總辭

九龍東嫻姐一選, 梁家傑渣都冇得淨, 除非搵大班出黎....
港島區蔡蔡子如果唔改變主意, 就會係金撈忠同tanya之爭, 咁公民黨易贏好多.....
老實講, 民主黨成日驚屎驚屁, 泛民贏3席我覺得絕對唔難, 九西如果民建聯派人, 分分鐘係中港冇, 咁就睇住毓民點罵到佢暈....
新東, 田少出黎, 長毛的確係危d, 劉江華100000票都玩殘, 新西方面, 我覺得維持到六四之比, 大舊唔成問題

原帖由 SunnyJacky9094 於 25/11/2009 23:13 發表
九龍東嫻姐一選, 梁家傑渣都冇得淨, 除非搵大班出黎....
港島區蔡蔡子如果唔改變主意, 就會係金撈忠同tanya之爭, 咁公民黨易贏好多.....
老實講, 民主黨成日驚屎驚屁, 泛民贏3席我覺得絕對唔難, 九西如果民建聯派人, ...

唔係單純咁計數無問題就真係無問題。

另外，因為一 D 社區事務既理由，如果陳偉業辭，
我唔會投佢，甚至可能動員識既人唔投佢。

原帖由 SunnyJacky9094 於 2009-11-25 23:13 發表
九龍東嫻姐一選, 梁家傑渣都冇得淨, 除非搵大班出黎....
港島區蔡蔡子如果唔改變主意, 就會係金撈忠同tanya之爭, 咁公民黨易贏好多.....
老實講, 民主黨成日驚屎驚屁, 泛民贏3席我覺得絕對唔難, 九西如果民建聯派人, ...

其實即使肯定3席都可以選返返黎, 都唔可以叫"贏3席", 而實際上是無啦啦"輸2席"吧,
因為原本泛民係5席, 我想這是這方案最大問題的地方..就是點都唔會"贏", 最多打和拎
返五席, 更有機會輸....

而直言, 經過今次事件, 除左民主黨, 相信公民黨及社民連的支持度都有影響, 因為部分
泛民人士都頂唔順佢地的做法, 甚至係市民對整體現有泛民人士的工作能力成疑, 再用
最新情況去睇, 總辭的風險其實都增加左....

另外, 要大班出返黎, 似乎無乜機會吧...

[ 本帖最後由 3ASV196 於 2009-11-26 07:47 編輯 ]

我只會將總辭理解做一個純粹為左嘩眾取寵ge行動
何況咁樣"嘩眾"能唔能夠"取寵"都好成疑問
至少我對於呢種手法已經感到相當煩厭

我唔係話唔同人唔可以有唔同意見
只不過以而家泛民呢種格局
內裡各門派都有自己ge盤算
係無辦法形成一個強大ge反對勢力
我覺得泛民需要ge唔只係整合
而係合組一個反對黨出黎
雖然實則無乜可能

陰謀論：我甚至認為由建立社民連起，毓民係受人所托，故意分化泛民。

本來相安無事，無啦啦整單總辭，又在各黨未有共識前私自行動，
你想做烈士，都無權拉埋人陪你做烈士。

佢地會唔會錯判形勢錯得咁緊要？
你想玩鋪勁，選民唔想同你玩鋪勁喎，
2012雙普選，稍為有知識都知只係空喊口號啦，2010都就到喇，
除非推翻整個特別行政區制度，搵人做臨時港督再搞普選，咁就得～
但這是沒有可能的，駐港解放軍總部就在金鐘。

提出總辭，一開始就係對泛民極為不利的決定。

香港人deserve有普選，但可以睇到大部分香港人都唔係急於一時，
又或者可以話已經灰心，03.7.1搞就得，而家過晒氣喇。

呢種無論實質上係輸定贏
但係立場上都站於不敗之地ge方法
其實係全世界ge反對黨都慣用ge技倆
民進黨亦精於此道

總辭只係一小撮自稱民主嘅人嘅把戲，但玩得一啲都唔民主，反而係反民主。

而且，未來兩屆立法會直選與區議會功組各加五席，根本係現時唯一可通往民主嘅道路，
泛民主派人士所謂擔心兩部分都得益少過建制派，點解？係因為建制派支持者比你地多，
如果真係崇尚民主嘅，就應該學會心悅誠服，而唔係扭計要一個有利你地多於對方嘅方案。