五區總辭

原帖由 3ASV196 於 2009-11-28 09:03 發表

不過我唔認為中國會因為政制而影響發展....因為現在"發展"
係主要講緊商業上的發展, 外地資金的流入, 從商言商, 政制
系統相信唔會係最大考慮....最重要反而係社會穩定

因為如果政制發展過急, 可能會令中國這13億人口的國家不穩,
反而真正令到發展受阻及外資離開, 所以呢個問題可以係兩睇....

1. 政制又係咪真係唔會影響「經濟發展」呢？欠缺一個健全的政制和法制，
始終會影響營商環境。睇下珠三角班港商點樣俾班官玩就知。

2. 所以上面班人咪穩定壓倒一切囉。你想查下四川有冇豆腐渣工程？河南省
賣血黑幕？煤礦爆炸有冇人為因素？我咪捉你去坐監囉，又唔係班人選出來，
使鬼對人負責？

原帖由 3ASV196 於 2009-11-28 09:16 發表

其實如果真係行動, 我諗定議題真係要好小心..如議題
堅持要係2012, 咁如果我支持2017o既, 投唔投泛民好?
(只是假設)

如果佢地真係搞變相公投，策略上根本唔應該去set死年份，而係應該要求有一個真正民主，
不設功能組別、不設提名門檻的方案。

早排唐英年晌電台上面講咩「普選唔一定無功能組別」，泛民又唔識捉住呢句砌佢，認真失策。

原帖由 S3BL100 於 2009-11-28 12:11 發表


1. 政制又係咪真係唔會影響「經濟發展」呢？欠缺一個健全的政制和法制，
始終會影響營商環境。睇下珠三角班港商點樣俾班官玩就知。

2. 所以上面班人咪穩定壓倒一切囉。你想查下四川有冇豆腐渣工程？河南省
賣血黑幕？煤礦 ...

唔否認以上, 所以我都講係"兩睇" 只是我想帶出,政制有影響營商 (我上面只是講
"政制系統相信唔會係最大考慮", 留意返, 我無講過完全無影響wor),  但唔係首要考慮,
睇下以時發展最快的亞洲國家, 中國, 越南等, 政制上都唔係民主, 亦好多問題, 但亦睇唔
到好大阻礙d外資加入(除非係北韓, 好似未開放一d國家, 就大影響)....所以要睇下從咩角度
去睇, 如果唔係, 只是口同鼻拗, 另一方面意見又可以反駁返以上, 咁睇返近10年, 中國又
商業發展得唔好MA? 增長相信比好多地方都好WOR....所以邊一方影響大d, 其實好難討論...

[ 本帖最後由 3ASV196 於 2009-11-28 12:32 編輯 ]

原帖由 KC3555 於 28/11/2009 02:28 發表

要中國有真普選，香港必須要普選...

呢句好可圈可點。我唔敢斷言應該邊個有普選先，
但現實上有可能係相反情況，即係中國普選先過香港
普選 (就好似有 D 巴士線好快轉全冷，某 D 好早加
冷嘅線好遲先全冷一樣。香港而家就好似一條車數中
等嘅半冷熱線，而中國就係一條非常多車嘅全熱線或者
只係啱啱掟咗一兩部冷落去)

今日一d新聞...

我用明報, 因為見蘋果都真係幾選擇性報導..完全避左電台"對戰"..

社民連：先否決政改後總辭 回應失否決權憂慮 提讓步建議
http://hk.news.yahoo.com/article/091128/4/feb8.html

司徒華陶君行電台對罵 大動肝火 翻退黨恩怨
http://hk.news.yahoo.com/article/091128/4/feba.html

聽眾勸架：勿再狗咬狗骨
http://hk.news.yahoo.com/article/091128/4/febb.html

------------------------------------------------------------------------
其實都估唔到, 真係會出現當面對罵...@@ 情況搞到咁,
好難再去咩合作, 不過事件可以睇返, 社民連一向以言行
激烈, 其實這是否真的實踐緊"民主自由"?

如"智慧與年齡成反比"等言論, 是否真係適當? (雖然已經有人代為
道歉, 但可惜, 唔係當事人自己講)

過往, 呢d過份言論主要針對政府/建制派, 可能好多人覺得無
咩野, 甚至只是政府/建制派d人抵死, 但今次輪到有一d言論,
係針對住泛民其他議員及人士, 就令到對方, 甚至社會都有更
大的反彈了.....

社民連呢d言行, 再一次引起關注, 呢d表達的模式, 是否香港
真正想要的民主聲音呢? 希望社民連及其支持者, 認真諗下...

呢個世界, 唔應該要靠惡, 靠一d攻擊, 先叫有道理吧...

另外原來有關新建議只是黃毓民建議, 唔係社民連, 長毛似乎唔同意....

[ 本帖最後由 3ASV196 於 2009-11-29 13:55 編輯 ]

原帖由 3ASV196 於 2009-11-29 12:24 發表
今日一d新聞...

我用明報, 因為見蘋果都真係幾選擇性報導..完全避左電台"對戰"..

社民連：先否決政改後總辭 回應失否決權憂慮 提讓步建議
http://hk.news.yahoo.com/article/091128/4/feb8.html

司徒華陶君行電台對 ...

以我所見，社民連的既定立場就是惹火言辭，
甚至可以話係奉旨鬧人，唔鬧人就唔係社民連，
所以叫佢地修改做法，同叫佢地收檔無異。

佢地只會話，唔偏激就會令政府得寸進尺，
然後用呢點威迫利誘人地支持佢，唔支持就話你係走狗，
即使你同意立場但不同意做法，都係奴才。

例如，「長毛」可以有柔情一面，但「社民連長毛」就要掟蕉鬧人係狗。

明白他們的戲碼沒有？
同佢地講道理係冇用的，因為佢地的立場就係政府廢，所以佢地唔講道理。
講道理的社民連就唔係社民連，正如走資的共產黨就唔係共產黨。

[ 本帖最後由 DIH 於 2009-11-29 14:51 編輯 ]

原帖由 DIH 於 2009-11-29 14:49 發表

以我所見，社民連的既定立場就是惹火言辭，
甚至可以話係奉旨鬧人，唔鬧人就唔係社民連，
所以叫佢地修改做法，同叫佢地收檔無異。

佢地只會話，唔偏激就會令政府得寸進尺，
然後用呢點威迫利誘人地支持佢，唔支持就話你係走狗，
即 ...

hahah..其實我明, 這是他們的根本立場/做法, 或者我
本身真係絕不能同意呢d言論及做法, 或是我真係想
佢地收檔.. aha

不過當然, 係這自由社會, 佢地可以係法律規限之下繼續
這樣的行動, 而我亦只會理性表達我對他們行為的不滿


另外:
梁國雄反對黃毓民讓步方案 (14:25)
http://inews.mingpao.com/htm/INews/20091129/gb71425i.htm

我都唔明, 點解唔傾好, 先出聲呢.....下下人人不同意見,
你有你講, 我有我講, 我都唔知搞緊乜.....

[ 本帖最後由 3ASV196 於 2009-11-29 18:09 編輯 ]

對於泛民能否有效地透過傳媒把自己的理念讓廣大市民知道我是有保留的︰一來泛民沒有自己的宣傳機器，二來在現有的選舉活動指引下，廣播機構須按照「公平時間」原則對待各候選名單，所以只要建制派到時派出多張名單參選，那麼泛民的曝光時間就會被攤薄。

另外怎樣的結果才算成功呢？超過兩個議員重返立法會，抑或是支持泛民的總票數過半？似乎泛民到現在對此仍未定義。(不過假若泛民最終成功，特區政府依舊可以置之不理。)

原帖由 3AD170 於 2009-11-29 21:38 發表
對於泛民能否有效地透過傳媒把自己的理念讓廣大市民知道我是有保留的︰一來泛民沒有自己的宣傳機器，二來在現有的選舉活動指引下，廣播機構須按照「公平時間」原則對待各候選名單，所以只要建制派到時派出多張名單參選，那麼泛 ...

泛民無宣傳機器....甘係大家覺得壹傳媒, 港台議事論事, 頭條新聞, 商台左右大局, 等等
偏泛民, 反建制唔算宣傳機器定覺得不足

再講, 若然係要撐自己支持嘅, 點講都係撐, 正如我一定投廢票一樣, 起碼盡左投票個責任