九鐵車廂電視直播接200多宗投訴

[ref=403885]ksmbh[/ref]  在 2005-10-26 21:48 發表:



巴士車廂噪音經投訴後而家已經大有改善,
但東鐵就真係嘈到訓唔到,
搞到我返早工一定要坐靜音車廂.

唔好講佢個電視啦, 個報站 d 聲有時都幾刺耳o下~;)

[ref=403955]cruisesnet[/ref]  在 2005-10-26 22:31 發表:

西鐵除左兩三抽車之外
其他既電視都好大聱.

我係quiet car度都可以好清楚地listen到電視講什麼,,,,,,,

好影響我訓覺+溫書呢..
so我覺得電視應該再整細聲d

你係咪在冇乜人搭o既時段搭西鐵呀?

我日日都搭西鐵, 幾乎每抽車都坐過好多次, 都唔覺得
電視聲線過高, 反而有部分路段行車o既噪音仲覆蓋
晒電視聲音, 真係想聽新聞都聽唔到。

[ref=404012]kkt[/ref]  在 2005-10-26 23:04 發表:



我唔係咁o既意思
我只係覺得而家香港人投訴
係為投訴而投訴
對人不對事
吹毛求疵

建設性o既投訴係arm的
正你所言
對該機構有改進o既地方
但如果投訴係為左上述o既原因
我唔覺得唔會對該機構有得著囉

好多時
d人明知唔arm，唔合規矩
就投訴唔作彈性處理
如果個個都係咁
咁定規矩幹麼?

冇錯, 有唔完善o既地方當然要講出o黎, 但係有 d
明知冇可能做到o既o野都要攞o黎講就無謂。

早排西鐵收到個投訴, 話西鐵o既班次同輕鐵o既
班次唔吻合, 所以要求西鐵或且輕鐵調整
班次。試問雙方o既班次點樣先滿足到大家呢?
去過廁所已經差一分鐘啦, 行路快慢又差一分鐘。
唔通要每班車在個西鐵站停足幾分鐘咩?

回番正題, 我覺得西鐵o既聲線可以接受, 可能係
好少人o既時段先會出現嘈吵o既情況。如果可行
o既話, 車長可以按不同時間調較廣播聲量。

我覺得電視聲浪可以接受
不過近期經常播放的「我願意」香口膠廣告
實在不能接受
應該將該段廣告調細聲一點

[ref=404033]fw1321[/ref]  在 26-10-2005 11:13 PM 發表:



你係咪在冇乜人搭o既時段搭西鐵呀?

我日日都搭西鐵, 幾乎每抽車都坐過好多次, 都唔覺得
電視聲線過高, 反而有部分路段行車o既噪音仲覆蓋
晒電視聲音, 真係想聽新聞都聽唔到。

我坐東鐵，一過畢架山隧道時，係完全聽唔到既。
整體黎講，音量係適合既。

以我既觀察，乘客係感興趣，即使他們正在閱讀免費報紙，如聽到感興趣的，都會抬頭觀看的。如，iraq既酒店爆炸，神6著陸，足球賽事等等。

係新聞更新方面，算做有既。
如我返工之時(6~7am)，係昨晚新聞。做工初段(頭2小時)，會轉做cable早晨，加入天氣，財經，社評等。
而後段(尾2小時)，會播出跟進後的新聞，及一些新的新聞。如宣佈黃仁龍做律政師，新聞直線播出時間約1:30pm。

[ref=403963]kkt[/ref]  在 2005-10-26 10:37 PM 發表:


我覺得作為服務大眾的公共交通
係要為大眾服務
當然
有人要休息、訓覺
有人要看電視
都係一種權利
既然你覺得公共交通工具嘈
訓唔到覺
你可以坐小眾o既交通工具，如的士
叫司機熄左所有音響設備
就有覺好訓啦

「唔鐘意聽，乘客可以去搭的士」
試想象下田北辰或者陳祖澤向公眾講呢番說話
會引起甚麼樣的反響

公共交通工具的責任係運載乘客
並提供一個合理的乘車環境（僅此而已）
合理係包括一個寧靜的車廂
而提供新聞資訊或有聲廣告
在我的理解
已經超越「合理服務」的範圍
某程度上屬不合理的服務
只不過交通基構都美其名稱之為「增值服務」而已
若果這類服務不影響選擇不接受服務的乘客（例如在車站增設便利店）
當然沒有爭議
但有聲電視卻會影響所有乘客

現在乘客已經退而求其次
只係要求將有聲電視音量降低至合理水平
已屬相當大的讓步
但你總不能說「有人喜歡看」所以應該繼續播
另一方面叫不喜歡看的人去搭的士
這是甚為霸權的做法

其他乘客有口講野不能控制
但諸如 Roadshow 或「新聞直線」
並非必然要出現在車廂內
因此閣下的論點並不成立

[ Last edited by ahbong on 2005-10-27 at 00:14 ]

當你試過一早六點幾搭東鐵既時候,你就會好清楚
佢會有幾嘈.同樣夜晚一樣係聲浪過大.
試過晌西鐵既靜音車箱係聽到隔離既電視聲,咁你
話佢大唔大聲喇??

[ref=404110]ahbong[/ref]  在 2005-10-27 12:04 AM 發表:



「唔鐘意聽，乘客可以去搭的士」
試想象下田北辰或者陳祖澤向公眾講呢番說話
會引起甚麼樣的反響

公共交通工具的責任係運載乘客
並提供一個合理的乘車環境（僅此而已）
合理係包括一個寧靜的車廂
而提 ...

YEP.要公平既就要50% quiet car