90後代的年青人,實在太反叛

原帖由 OTIS401 於 2009-12-3 17:38 發表


名校學生...分分鐘同Band3的學生有得fight...

有時Band 3學生的品格會好過名校生，成績可能無得比，但是好多Band 3 老師都盡心盡力教好學生而不計學業成績

原帖由 YC 於 2009-12-6 21:20 發表

只跟小朋友說"衝出馬路是不對的"該小朋友當然不會理睬吧，因為小朋友不明白為何這樣做是不對的，試試跟該小朋友說"衝出馬路身體會被車胎轆成多截，頭會被轆爆"會不會比光說"衝出馬路是不對的"更能警惕小朋友不可衝出馬路 ...

人生經歷永遠係最佳學習機會，如果唔能夠比佢親身經歷，講佢知事情真實私嚴重後果亦係一個好方法，如果小朋友經歷「衝出馬路」的後果係會比家長打一身，佢所學到的只會係「無家長在場才可衝出馬路」及「當權者可按個人喜好打人」。

原帖由 samky20192 於 7/12/2009 16:40 發表

如果小朋友經歷「衝出馬路」的後果係會比家長打一身，
佢所學到的只會係「無家長在場才可衝出馬路」及「當權者可按個人喜好打人」。

我細個都唔係咁學嘢...
如果咁都唔得，唔通真係任個細路被車車死咩！？
而家啲人有無常識架...

原帖由 samky20192 於 2009-12-7 16:40 發表


人生經歷永遠係最佳學習機會，如果唔能夠比佢親身經歷，講佢知事情真實私嚴重後果亦係一個好方法，如果小朋友經歷「衝出馬路」的後果係會比家長打一身，佢所學到的只會係「無家長在場才可衝出馬路」及「當權者可按個人喜好 ...

閣下之言即係要教個仔唔好未婚生仔,唔好吸毒,唔好做壞事
就先要比佢試下親身經歷未婚攪大人個肚,親身去索k,親身打劫
衰左再從中吸取教訓,以後唔敢?
咁我地香港需要更多的更生中心/勞教所多過學校喇.

原帖由 samky20192 於 2009-12-7 04:40 PM 發表


人生經歷永遠係最佳學習機會，如果唔能夠比佢親身經歷，講佢知事情真實私嚴重後果亦係一個好方法，如果小朋友經歷「衝出馬路」的後果係會比家長打一身，佢所學到的只會係「無家長在場才可衝出馬路」及「當權者可按個人喜好 ...

這言論本末倒置,要教懂孩子明白事理,有時用極權也是迫不得已,這樣佢地先識驚,因為佢地知道一犯錯必然會
受到父母嚴厲責罵,所以同樣的犯錯不會再犯,但要小心別讓這經歷成為他們的童年陰影,否則會影響他們日後
的成長和性格,同時係叫他們不要以身試法,原因唔使我多講

[ 本帖最後由 ATR83 於 2009-12-7 22:41 編輯 ]

原帖由 cn2661_2d32 於 2009-12-6 20:52 發表
極認同閣下觀點
我細個年代.駁咀.兜巴星.扭買玩具.兜巴星.冇大冇細又係兜巴星
食飯唔叫人,夾送唔夾自己前面果舊.食淨野,食相差,比人用筷子fit到嘔.
開門唔敲門,人地幫左手唔講唔該又聽星.
結果點.咪做左我班同輩入面 ...

認同你的講法，細路仔胸無墨水，只係靠痛去知錯，當然我唔係話要佢地斷手斷腳，但適當的痛係緊要，我細個時真係買架Tomica父母都要左唸右唸，但因為咁我學會o左珍惜買返來的車仔，以前車仔一跌落地下就好心痛，因為花o左唔會再有第二部，點同依家的細路咁，買返去送比佢又唔鐘意，一係第二日就爛哂，但d家長又肯即刻買過架比佢先抵死，我唔明d家長係想哂命定真係令d細路好....

以前d專家搞到依家唔少年青人唔見棺材唔流眼淚，好可悲，班專家明唔明某些年青人最終坐監的時候，都分分鐘會被獄警攞住支棍來教，咁點解唔係細個教好佢地？再者我唔明點解要有咁多組織去幫依家班中學生，有VTC同IVE問題唔大，因為以前都有，但使唔使再有咁多組織去扶住班學生？唔通班學生唔使獨立咩？佢地的父母又唔使負責任ga？

[ 本帖最後由 E60 於 2009-12-8 01:36 編輯 ]

原帖由 samky20192 於 2009-12-7 16:40 發表


人生經歷永遠係最佳學習機會，如果唔能夠比佢親身經歷，講佢知事情真實私嚴重後果亦係一個好方法，如果小朋友經歷「衝出馬路」的後果係會比家長打一身，佢所學到的只會係「無家長在場才可衝出馬路」及「當權者可按個人喜好 ...

咁唔通等佢死o左之後先話比佢知有咩唔o岩？你唔明咩叫教仔，教仔的最終目的係令好多事情可以預防，而唔係見棺材時至做的

[ 本帖最後由 E60 於 2009-12-8 01:32 編輯 ]

我意思係「人唔跌過唔知痛」，係安全情況下吸取經驗係最好的，當然最聰明的方法係吸取別人的經驗，例如從報章報導事件引伸代入到自己處境，當要配合已有的經驗加上想像力，轉化為自己的知識；最重要係建立正確價值觀，體罸的確有一定成效，但副作用亦不少，不要忘記「學習」的主要方式係「模仿」+「經驗」。

原帖由 samky20192 於 2009-12-8 01:41 發表
我意思係「人唔跌過唔知痛」，係安全情況下吸取經驗係最好的，當然最聰明的方法係吸取別人的經驗，例如從報章報導事件引伸代入到自己處境，當要配合已有的經驗加上想像力，轉化為自己的知識；最重要係建立正確價值觀，體罸的確有一 ...

呢個諗法太過陳義過高
能夠assume每個細路/任何細路係咁聰明識得由人地衰左的經驗學習
我問你.呀媽當年實有講過唔好點點點,因為會咁咁咁架.
呀媽點解呀你又知? 呀仔.呢d係經驗.

咁之後你有冇即刻領悟左學左?如果有我都比你嚇親.
我真係唔信由細到大呀媽同師長講句話咁係唔得架.我經驗話我知.你就會聽
就算係咁,呢件唔係好事
我地祖先話我地知,唔好去學飛,因為會跌死.我呀爺個呀爺話我知的
咁你就咁聽話,一句經驗就學左. 從此人類就冇發明過飛機同降落傘.
聽話唔係全係好事.反之有好多時係思想疆化. 其他人的經驗唔係一定岩的.
所以,人係要係自己經驗,不斷失敗成功中學習.
打仔: 4歲想衝出馬路, 比老豆打左鑊, 唔想比人打但又唔明點解唔衝得馬路,算,以後唔衝.到14-5歲終明左原來會比車撞.
講道理:想衝出馬路,呀媽話呀仔咁係唔岩的.危險. "危險?乜來架?食唔食得架.好玩wor",跟住細路係天生好奇的.聽日又去試過.點知5歲都過唔到.學都冇機會學.

同埋.你覺得細路會識係報紙睇時事知到吸毒會比人拉所以唔做得咩.
一來e+的細路唔會睇時事.學校逼你訂明報咪又係丟到屋企一堆.
唔好太過孔子思想咁"性本善論".人唔係話邪惡,但天生係好奇.就會去挑戰,權威又好,去攀山涉水又好,都係好奇的挑戰
你冇可能一句:經驗來架.唔岩架.會死架. 咁你就一世咁聽話.

所以,係細路未有能力由道理去理解乜叫危機,唯一可逼切地將佢地帶離危險,就係打佢.

[ 本帖最後由 cn2661_2d32 於 2009-12-8 10:10 編輯 ]

原帖由 cn2661_2d32 於 2009-12-8 10:09 發表

...
所以,係細路未有能力由道理去理解乜叫危機,唯一可逼切地將佢地帶離危險,就係打佢.

最重要係打完之後唔好令佢受到嚴重傷害，事後要有適當輔導，比佢知道錯在那裡，同埋打的目的是出於善意...只要控制得宜，這樣塑造一個人確比教導有效。