90後代的年青人,實在太反叛

回顧自己的年代,雖然唔係話大過90後代年青人好多,但猶記得當時有Game Boy已很開心,電腦更是不會去諗
正因為物質生活不太豐富,所以普遍來說,當時的學生大多努力讀書,到了今天,他們大多是各方的專才了

諷刺地,同樣是年青人,但出生在90後代的他們,物質生活富裕,什麼NDS,PSP,Wil,XBox360,Foxy等均是其至愛
父母要出外上班,彼此的價值觀非常不同,令他們愈來愈自我中心,目中無人,打開報紙,負面報道盡是與他們有關
或許有人會質疑我的觀點,我不會否認90後代中有部份年青人是勤奮向學、斯文有禮及循規蹈矩的。

只是,自己會有些感慨,90後代的年青人實在太幸福;是否也因如此,令他們變得更為反叛呢

很重要的一點，是他們沒有了「家教」。

正如樓主話齋，大部分家庭都係父母都要工作，
又或者另一個極端，父母都係爛賭鬼或癮君子，
子女從少缺乏家庭溫暖，缺乏道德教育，
一係收收埋埋變精神病，一係暴力傾向滿口粗言。

學校，本來是教好小童的最後防線，但學校因為教育政策不斷改動，
為避殺校，間間學校氣氛都係非常competitive，
當個個都係五歲做愛因斯坦，咁愛因斯坦的問題都係會在所有人身上出現。

如果我有細路，我一定要ensure父或母其中一個唔打工全職照顧，
或至少由祖父母級照顧及教導，最好當然係父母教。

[ 本帖最後由 DIH 於 2009-11-30 23:52 編輯 ]

原帖由 DIH 於 2009-11-30 23:50 發表
很重要的一點，是他們沒有了「家教」。

正如樓主話齋，大部分家庭都係父母都要工作，
又或者另一個極端，父母都係爛賭鬼或癮君子，
子女從少缺乏家庭溫暖，缺乏道德教育，
一係收收埋埋變精神病，一係暴力傾向滿口粗言。

學校，本來 ...

所以當樓主所講質素比較差既90後代年青人做左父母又生了仔女，只會不
斷出現惡性循環  反而學校就成了呢堆下一代比較好既學習場所。

我覺得主要原因係無人教，我所指唔係學校/家長既教導(呢樣係應份)，
而係黎自陌生人既教導，因為年輕人果陣心態通常都係熟人教既就唔聽，
三唔識七既人講既說話先會上心(例如做得唔好鬧/做得好就讚)，
而家普遍有閒事莫理既心態，人地個仔仲乜要教精佢，分分鐘俾佢個家長鬧返轉頭，
變左好多時年輕一輩就唔知原來o甘做係有問題(例如經常見到小朋友用商場免費上網既地方玩online game)。

[ 本帖最後由 on11358 於 2009-12-1 01:05 編輯 ]

原帖由 on11358 於 2009-12-1 01:03 發表
我覺得主要原因係無人教，我所指唔係學校/家長既教導(呢樣係應份)，
而係黎自陌生人既教導，因為年輕人果陣心態通常都係熟人教既就唔聽，
三唔識七既人講既說話先會上心(例如做得唔好鬧/做得好就讚)，
而家普遍有閒事莫理既心 ...

或者咁講,家教唔係先生家長教,而係整個社會風氣教導,而家
社會係唔容許跌碰,唔容許所謂傷害,但成長唔多唔少要跌過
先知何謂對與錯,正如學習行路一樣,唔跌過點會識行

八十年代出世基本上已經唔會遇到所謂天台屋木屋,物質開始
充裕,到九十年代出世個班父母賺錢最容易年代,每年加人工十
幾巴仙,唔似七十年代個班d父母都係要賺錢,但賺錢少,打幾份工,
d小朋友要靠鄰居照顧,形成七十年代出世個班都仲知何謂人情
世故,但去到八九十年代,賺錢請工人,或是太空人家庭,見既唔係
工人就係電玩,到而家呢代更加係電腦生產出來,只會識對住個
電腦,人與人距離越來越遠

我以前ive既中文阿sir講得岩...
所謂既NDS,PSP,Wii...etc遊戲機
之不過係現代人既一個隱形手扣而已

君不見父母用"手扣"扣住自已個細路,大個少少既就自已用個"手扣"扣住自已

個人覺得, 其實80年代的人都有其反叛, 例如終日流連街上, 作奸犯科, 打交當晨運......

原帖由 on11358 於 2009-12-1 01:03 發表
我覺得主要原因係無人教，我所指唔係學校/家長既教導(呢樣係應份)，
而係黎自陌生人既教導，因為年輕人果陣心態通常都係熟人教既就唔聽，
三唔識七既人講既說話先會上心(例如做得唔好鬧/做得好就讚)，
而家普遍有閒事莫理既心態，人地個仔仲乜要教精佢，分分鐘俾佢個家長鬧返轉頭，
變左好多時年輕一輩就唔知原來o甘做係有問題(例如經常見到小朋友用商場免費上網既地方玩online game)。

同意, 講開呢d小朋友商場上網玩game問題, 佢地不特止係玩, 重響度霸住部機玩超時, 見過有個小朋友玩類似iclassroom o個類互動學習遊戲網, 玩到夠鐘, login返繼續玩, 佢又可以玩多15分鐘, 重要係全程都唔擰轉個頭o隻, 個家長猛叫佢走又無反應, 最後個客服中心職員鬧先肯走。

我見到佢既問題都唔想特登話佢, 因為我驚佢會用埋粗口黎鬧我la (依家唔少d壞習慣有年輕化趨勢), 係剩係陌生, 有權力既人先可以教精佢, 無權力既人一定話你多管閑事。

依家d家長日忙夜忙, 無乜時間教仔女, 見工人同班fd真係重多過見屋企人, 佢地又唔會咁著重家庭教育既。d小朋友少左一兩個約束到小朋友既人物, 小朋友就多左自由, 久而久之價值觀變到同屋企人唔同, 亦都會從班fd度學壞, 變得反叛起來。

[ 本帖最後由 gsrc0525 於 2009-12-1 19:35 編輯 ]

原帖由 DIH 於 2009-11-30 23:50 發表
很重要的一點，是他們沒有了「家教」。

正如樓主話齋，大部分家庭都係父母都要工作，
又或者另一個極端，父母都係爛賭鬼或癮君子，
子女從少缺乏家庭溫暖，缺乏道德教育，
一係收收埋埋變精神病，一係暴力傾向滿口粗言。

學校，本來 ...

就算老豆阿媽全日響屋企
唔代表佢地教出黎既仔就係乖就係好
唔少大陸落黎既新移民,日日留響屋企
但你對住佢地既仔女,完全係想扯巴佢地

不過最大問題都係父母,根本好多人都唔識做父母
我之前響第二個帖講過,幾廿年前D細路做錯野,佢地父母係覺得羞恥
但今時今日D細路做錯野,好多父母馬上就推卸責任,賴呢樣賴果樣,一口話咗人地先
而家D父母既價值觀同上一代係完全背道而馳,基本上係變得毫無責任心
旨意佢地既仔女有家教,絕對係妄想

所以其實新一代人的問題，始作誦者是於七十年代出生的家長們。他們未曾經歷過香港的繁華盛世，自覺懷才不遇，就很自然的把這悲憤發洩在小朋友身上，希望他們望子成龍。正因為嘗過失敗，他們對這範疇相當著緊，過了火位，做成物極必反

推介閱讀：《港孩》