90後代的年青人,實在太反叛

其實現時有部份家長是過度溺愛孩子，不想看到孩子受罰受苦，做了錯事都只有姑息，又不讓他們經歷磨練，這樣自當對孩子的成長帶來阻礙，因為他們都成了溫室內的小花

樓上有網友說band 1生的秩序比band 3的更差，我深表認同。小弟現時就讀的學校也算是band 1，但默書出貓、蓄意不上學、出現小型開片等的情況也時有發生，而學生的學習動機，有部份相當強烈，但也有不少是毫不積極

多謝各位支持
我會覺得,他日呢班年青人成為父母時,佢地會唔識好好管教自己子女,因為過去的經歷,令問題無解決過
他們連自己都無做好傍樣,又怎有說服力去教導下一代呢
我唔敢講到時情況會點,現在講都好長遠,不過卻是值得探討的問題,否則,教育的意義在哪?
多言了

原帖由 samky20192 於 2009-12-7 16:25 發表


有時Band 3學生的品格會好過名校生，成績可能無得比，但是好多Band 3 老師都盡心盡力教好學生而不計學業成績

我唔否認有好多春風化雨既例子, 但我都想分享少少。

呢幾年我都有教下輔導班, 接觸過唔少band 3學生。
我聽得最多既係家長投訴, 個仔入左間咁既學校之後, 目中無人, 自高自大。
家長日叫學校老師幫手教下個仔, 一係俾人耍太極,
一係人地話自己工作忙壓力大幫唔到忙。
一年聽幾次呢D故仔, 我心諗, 係真既話都幾可悲。

你要明白, 好多家長真係學識唔深, 而家既細路係唔會聽佢地講。
咁你學校唔負一部份責任, 邊個負責？
老師唔出聲, 個細路返到屋企只會變本加厲︰
學校有degree個o靚妹老師都未話我, 幾時到你呢個低學識發言？
冇人修理下佢地既氣焰, 久而久之就邊個都唔聽。

近一兩年我不時要係自己個班強調自己讀某大學某科。
本身我係極討厭將呢D野當作身份象徵, 然後去認屎認屁。
但實在係迫於無奈... 因為要咁樣先鎮得住班人︰
係呀, 你學校唔話你, 我一樣有資格話你。

我上堂開下聲, 同班人講下道理, 幫佢地慢性洗腦,
聽番家長既feedback, 真係對屋企人有禮左, 我亦見到部份人謙厚左。
但我又從來唔需要花額外時間, 個班係兩個鐘,
我未試過係課堂以外既時間去講耶穌。
究竟闊佬懶理係因為會加重workload, 定係另外原因, 真係不得而知。
只係, 你當教育係純粹一份工作, 真係要請某些老師反省下,
係咪要年復一年任呢d情況發生。

一個教育制度, 教到班人要睇qualification去聽教, 我覺得已經係完全失敗。
尊師重道, 孝敬長輩, 呢D根本係你應份做既, 竟然淪落至此, 成何體統？

唔怪得晒學生ge
怪就係好多先生厄飯食,唔做好先生責任,
開宗明義自己係混兩餐教書, 冇心教書.藉口係同學生保持朋輩關係
遲到早走
呢d係學生有目共睹
最後呢d冇職業道德冇教學熱誠的枉為人師令學生唔尊重老師
亦令真正熱心教學的先生比人玩弄

我係名校打滾13年, 眼見一個又一個熱血教師/良師比校方管理層/學生玩走
管理層就係果班hea師......
小弟畢業後都仲係同幾個比人逼走/玩走的良師係老友.得閒飲茶
佢地都好感慨拿個心出來教下一代得如此下場,最痛心唔係下一代唔受教
因為學生識做人就唔洗佢地教
佢地痛心係d 唔敬業的先生同管理層的腐敗

[ 本帖最後由 cn2661_2d32 於 2009-12-18 03:33 編輯 ]

原帖由 ATR83 於 2009-12-17 20:32 發表
多謝各位支持
我會覺得,他日呢班年青人成為父母時,佢地會唔識好好管教自己子女,因為過去的經歷,令問題無解決過
他們連自己都無做好傍樣,又怎有說服力去教導下一代呢
我唔敢講到時情況會點,現在講都好長遠,不過卻 ...

不用說「他日」, 今天已有這些情況。

說話某日回母校搵以前班主任飲茶,
有年輕教員以極鄙視之眼神望向一眾舊生,
隱約見到該年輕教員口中念念有詞,
唇語內容大約為「咁多時間, 荒唔係讀書唔成」。

舊生回校找老師閒談兩句, 一為聚舊, 二以表敬意,
竟然要其他人多多聲氣, 說三道四。
如此婦人, 品德未全, 未知尊重為何物, 更談甚麼教育？

母校開校八十多年, 向來以純樸謙厚見稱,
乃係一眾老師以身作則, 潛移默化之功。
尤記得中學時出外參觀, 帶隊神父要一眾學生於鬧市中,
向巴士司機躬身致謝。每有機會, 必會提點談吐說話要得體大方。
學校以中下層學生為多, 不少同學家人粗口比說話還多,
但畢業後所見, 同學未必富貴榮華, 但言行風度俱佳, 對長輩定當恭恭敬敬。
若非一眾老師以過人情操, 不離不棄教化一班「蠻人」,
以名校之名, 只會使人無限自我膨漲, 成為典型港男港女。

近年的師弟態度驕橫, 正正是教育制度失敗,
只重形式上改革, 卻本末倒置, 忘卻教育的真諦。
如此一說, 我又懷念起母校當年的另類教育。

[ 本帖最後由 kwyeung 於 2009-12-18 17:31 編輯 ]

原帖由 samky20192 於 2009-12-9 01:41 發表


最重要係打完之後唔好令佢受到嚴重傷害，事後要有適當輔導，比佢知道錯在那裡，同埋打的目的是出於善意...只要控制得宜，這樣塑造一個人確比教導有效。 ...

好可惜而家如果個小朋友有幾條 "騰條印" (真正的 "騰" 字打唔到出黎, 為有用 e 個錯別字代替先) 比個先生發現的話
個家長真係有排煩, 分分鐘有官非 ......

最近我回港, 同時都有搵下 d 先生傾過
其實佢地壓力好大, 唔好以為教小學會比中學好

而家小學生真係......
叫佢抄書 = 太多功課 = 比家長告
罰企 = 虐待小朋友 = 比家長告

根本而家做先生又好, 做家長又好都係煩架啦
唔怪得香港出生率越黎越低 ~

out of topic回樓上
不過出生率低好好笑變左d人諗住養堆狗好過生仔.
其實d人年中帶狗去絕育睇病醫cancer糖尿同幫佢善終,仲貴過人.
我個friend隻狗糖尿,醫左13萬得個吉.
我個表姐仲好笑.諗住真係養兩隻狗過世.仔都廢事生.我呀姨即係佢呀媽都比佢激死.

其實真係如果唔係班磚家叫唔好打仔玩教化,同埋近廿幾年經濟好同一孩家庭多個個縱仔.
班細路點會咁難攪.

我係近20年的人.但我老豆思想係好古板果隻.同上一代教法冇乜分別(我係樓上講過)
所以我都好榮幸講我唔係少爺兵.
*讀大學身邊d同學連男都超裙腳都真係超無奈.