ＭＴＲ有什麼令你覺得是最難受的？

原帖由 HE7921 於 2009-12-23 22:41 發表


成事既話我想690,692唔摺都要大減班.....

地鐵嘈音問題關690/692減班咩事？

原帖由 93A_S3_6:30am 於 2009-12-23 21:39 發表
另外,無風景睇亦係main pont,
竟然冇人講 ...

我細個果陣真係會因為無風景睇而唔鐘意坐地鐵

依家大個喇，最憎就係：
- 繁時要強迫做沙甸魚兵團，除非所有道路都已經癱瘓，否則我呢段時間寧死莫搭市區線
- 99%無位坐，就算有位都係硬凳，仲要做三文治入面個餡(冬天尤其嚴重)
- M-stock行車非常嘈吵，無奈我搭親觀塘線都係M-stock居多
- 自從康城開站後的「3+1」古怪班次，搞到返工好難預時間，朝早走左架要等成五分鐘先有車都試過

但係點憎都好，我都係朝朝返工搭地鐵
鬼叫我返工果頭搭巴士唔就腳咩

原帖由 ASV63 於 2009-12-23 21:06 發表
擠迫、距離我屋企遠、貴、有99.99999999999999999999999999...%的機會冇得坐、焗熱、對巴士'無禮'(經常搶巴士客)、莽顧乘客安全、愛出風頭(e.g. 搭昂坪360，自然科考試100分)......
總之多到成世都未講得哂！...

其實PR對一間大公司黎講係好基本
個人覺得閣下提及MTR NP360呢種宣傳手法算係怡到好處 (以生動口號帶出服務重點)
愛出風頭呢d反而講九巴就切合少少
(九巴成日又鍾意整色整水, 又水晶站牌又盛,
冇新車投入服務時又成日搵報紙幫佢"賣廣告",
講傑出車/站長, 講到自己服務好好, 係全港最好既巴士公司gum款, 拎哂彩頭
但係實際服務水平參差又唔見佢務實改善, 依然故我)

除左東/西鐵線之外
其實港鐵冇位坐, 企一陣都到站落車

其他呢, 就有待各位補充

原帖由 HE7921 於 2009-12-23 22:41 發表


成事既話我想690,692唔摺都要大減班.....

我諗因為想一程過而搭巴士既人比因為怕地鐵嘈而搭巴士既人多好多
要690/692摺或者大減班,怕且都要等將軍澳線直通中環之日
(不過690同692既班次已經好疏,所以一旦再受大衝擊,
690因為仲有山上客,頂多變繁時服務,692怕且都接得)

[ 本帖最後由 gn3509 於 2009-12-24 01:05 編輯 ]

好多point...巴士都有wo...
嘈音、kiss、剪指甲....

原帖由 ASV63 於 2009-12-23 21:06 發表
對巴士'無禮'(經常搶巴士客)

如果巴士公司係爭氣既話都唔會搞到今時今日如斯田地啦下話

老實講，搭得鐵路預左無位坐，而家小弟搭西鐵線，無論天水圍上車去紅磡，抑或尖東上車返新界西，都係預左無位坐，所以無位坐並已經唔係咩咁難受。

最難受係部份車站設計，同埋無公民意識的乘客，例如大部份唔識先落後上既乘客，同埋搭扶手電梯阻住後面既人，仲有港鐵站既音樂。

原帖由 dbat98D 於 2009-12-23 21:31 發表
多我唔想講, 齋見到巴士迷我已經唔想搭巴士取其他交通工具

咁既原因唔搭巴士，
好多人都唔駛搭巴士了。

有時部分鐵路迷都好難頂。
咁又唔見你話唔搭鐵路？

港鐵我最反感係繁時既荃灣線，
真係迫到不得了。
同埋市區綫喺地底我認為好無安全感。

[ 本帖最後由 N38 於 2009-12-24 08:25 編輯 ]

原帖由 superbus 於 2009-12-23 22:41 發表

逼都唔係問題,最大問題係車廂又熱又焗
每次坐親地鐵,總係會成身出哂大汗
真係要有人焗暈入醫院先會逼到地鐵改善

同意 ...

個陣係又逼又焗 , 去到荔枝角站已經有人爆粗罵地鐵

- 要行上行落
- 車廂好迫
- 大部分線車廂入面望唔到街景