ＭＴＲ有什麼令你覺得是最難受的？

好多人評擊''睇風景''e個point,

我承認係有d幼稚,
但我細過真係因為咁而唔坐地鐵,

事實上,自己好響住東京都的通勤鐵路,
JR山手,中央,中央総武,京浜東北,湘南新宿liner等最多通勤客利用的線路
都全線地面有景睇,
環觀全球的城市通勤鐵路,屬難得一見

原帖由 樂仔〞 於 2009-12-24 11:03 發表
最唔掂我覺得係個班次
尋日過一過海 , 搭西鐵轉荃灣線
西鐵落到去送車尾 , 點知下一班原來係月台尾等入站
荃灣線落到去見迫唔想上 , 下一班唔洗 1 分鐘入站 , 金鐘仲要停車等前車開 ..
如果送哂呢 2 班車尾又要 ...

鐵路頂多只係繁時拖卡，而且下班車至多5-6分內一定黎到。

以大部份巴士線的班次計，繁時一拖卡要等2-4個字係等閒事。
就算唔計巴士拖卡，有幾多條線做到送車尾後5-6分內有車到？

話鐵路車費貴，無風景睇等等都算丫
鐵路繁時拖卡，難以預時間都可以係壞處，真係...

旺角東站月台也是......
又暗、又侷、通風又不足，好心龜鐵係翻新大堂同時翻新埋個月台去啦

識揀為可以好涼爽
往羅湖／落馬洲 2 號月台第二、三、五、六、九、十二卡有冷氣出風位，好涼爽

原帖由 樂仔〞 於 2009-12-24 11:03 發表
最唔掂我覺得係個班次
尋日過一過海 , 搭西鐵轉荃灣線
西鐵落到去送車尾 , 點知下一班原來係月台尾等入站
荃灣線落到去見迫唔想上 , 下一班唔洗 1 分鐘入站 , 金鐘仲要停車等前車開 ..
如果送哂呢 2 班車尾又要 ...

講班次，我唸鐵路一定好過巴士多多聲

論密度，鐵路最密可以1,2分鐘一班，巴士又有幾多條線做得到？
鐵路最疏既時候，都係約10分鐘一班，呢個亦相信已經密過唔少巴士線大部份時段既班次，或者咁講，巴士10分鐘一班，已經算係密車

唔少人批評西鐵線、東涌線疏，但如此班次出現在巴士的話，相信已好多巴士迷話密

論穩定性，無疑鐵路都係有唔穩定既時候，尤其東鐵線。但同巴士相比，唔知邊個穩定性好？巴士會受大量外在因素，如天氣、路面情況(是否有塞車、封路、修路、燈位、其他道路使用者.....)、司機駕駛習慣、車型、乘客上落流量影嚮，miss一班車後，等十幾二十分鐘(甚至更長時間)，跟著一黎兩三拖卡唔係出奇事，鐵路的話，除非訊號故障，否則最唔穩定極，都不過係等5,6分鐘先有車，然後再下一班車就1,2分鐘就到，而且幾乎只有一條東鐵線會有此情況

巴士如果遇上車或人(司機)是旦一樣壞左(車入廠了，司機病了)，巴士公司有時更會無聲無息地收車，如果本身已不是頻密的路線，隨時呆等半個鐘以上，我試過有次o係美林總站等82K，原定17:10開車，站長話架車壞左，17:10既班次冇左，著我地唔使等！真係唔知中途站等車既人點算！同埋唔知o個部壞車一日走幾多轉，當日到底有幾多班次受影嚮！

如果鐵路有同樣情況：等超過半個鐘，第日仲唔上晒全港報紙A1？

(補充：以上是針判重鐵而言，輕鐵我不清楚)

最後，連太快到目的地都可以批評為缺點 ，我唔知係有人講緊反話，定係巴士迷既水準真係如此

[ 本帖最後由 mckhgc 於 2009-12-24 20:16 編輯 ]

原帖由 KMB-ATE1 於 2009-12-24 13:57 發表
旺角東站月台也是......
又暗、又侷、通風又不足，好心龜鐵係翻新大堂同時翻新埋個月台去啦

唔好意思，如果講o係旺角一帶等車的話，我唸旺角東港鐵站個月台，環境差極都好過o係街邊等巴士囉，尤其彌敦道一帶

成日話逼，講真巴士又一定唔逼？
真係逼o係上黎，唔知逼巴士定逼鐵路較為冇咁辛苦？自己唸下邊樣行車較穩定啦
想唔逼，只有小巴、村巴可以做到，不過可能又會有人唔抵得佢地搶左九巴生意

原帖由 93A_S3_6:30am 於 2009-12-24 12:34 發表
好多人評擊''睇風景''e個point,

我承認係有d幼稚,
但我細過真係因為咁而唔坐地鐵,

小朋友唔鐘意搭地鐵因為無景睇呢個係好正常
但以呢個原因定為地鐵既缺點就真係有點兒那個...
你諗下，大個左之後，你仲會唔會因為地鐵無景而唔揀地鐵？
怕且到時你都未必再去睇風景...

原帖由 Kaix 於 2009-12-24 08:36 發表
鬆動又話大白象，擠迫又嘈喧巴閉

仲有：
鐵路擠逼就叫辛苦、唔好搭；巴士擠逼就叫線王、成功、受歡迎

鐵路唔近自己屋企就叫鐵路唔方便；巴士唔近自己屋企就係自己問題，批評巴士公司？「你剩係識落自己樓下搭車架？下下要點到點，唔使理巴士公司夠唔夠車行、巴總夠唔夠坑位架？」.........

鐵路要轉車，就叫轉黎轉去麻鬼煩(雖然我亦同意多年來，鐵路發展對某地區係極不公平，令某地區要轉車既機會大大提高)；巴士要轉車就叫應份，如果有轉乘優惠唔收足兩次錢，就更加講到要轉車係理所當然咁

[ 本帖最後由 mckhgc 於 2009-12-24 14:45 編輯 ]

我分為三類

列車 : 唔知慳電定慳乜野，車廂的通風 / 空調都係麻麻地，唔係載得多人都好焗，熱天搭車甚至係無冷氣的感覺

車站 : 車站商舖愈開愈多，奈何一般地下車站空間有限，成個大堂都愈來愈迫，非付款區的通道收窄，多少少人行過都水洩不通。公司收入係會多左，不過有無為乘客的舒適著想 ? 又有無考慮過車站的人流容量 ?

廣告 : 「心繫生活每一程」，諗起個電視廣告都作嘔，車站職員有基本禮貌，搵人幫手既時候唔係闊佬懶理就夠啦 ! 又要乜野「關心開心」既服務，根本無意思，一眾乘客日日路過都唔得閒 feel 到咁多野，況且車站繁忙起上黎都顧唔到咁多顧客服務