ＭＴＲ有什麼令你覺得是最難受的？

原帖由 流星☆雨 於 2009-12-25 04:38 發表
一時掛住批評ＭＴＲ唔記得在要ＰＯＳＴ係Ｒ１ＳＯＲＲＹ用港鐵線比較既話，東涌線班次真係幾弊下（不過比起巴士當然係ＶＥＲＹ　ＧＯＯＤ）下繁仲要有青衣特車，分分鐘要等兩班車有時放學過左青衣之後經常見到有一堆細路追逐＝　＝沙甸魚方面，又一個幾難忍既問題特別係坐長途（例 ...

我就唔明東涌去大圍點解唔搭E42? 你搭o既例子咁唔合適, 說明唔到地鐵有幾唔好喎,

我又舉個唔太合適o既例子, 由長發去到灣仔搭地鐵連行連等車都係45分鐘, 兼且有得du 埋$2, 成人八達通只需$9.2, 但有日我身痕想去搭下948, 車費已經貴, 要$16, 但有得坐, 諗住舒舒服服, 點知, 由上車到落車用左70 分鐘! 有位坐又點, 耐到蟻懶咁, 累我返工遲到, 我寧願o係東涌線做15分鐘沙甸魚, 搭948又遇上個轆神, 係咁畀後面班車過埋頭, 到唔正站位又唔開門, 係o係路邊安全情況下要求佢都唔開個隻, 激到死!
用以上例子我夠可以鬧巴士又貴又慢, 司機態度又唔好, 但咁o既指控有意思咩? 對由長青一帶去中上環一帶o既客來講948係佢地o既恩物, 只係唔適合由長發去灣仔, 下次我咪揀返合適o既交通工具咪得囉
朋友, 鬧人好容易, 但唔該要合情合理。

西鐵6.5分鐘在非繁時吾疏,58系哩D時間同樣要等7-8分鐘, 上繁3分鐘又吾見你講?論密度,58系都係4分鐘;論班次穩定度,西鐵班次起馬可以預算,58系好多時吾知嘜野原因,間吾中要等10分鐘。

至於你舉出其他不滿,其他板友有詳細的解答,解釋亦合理,吾駛再花唇舌。坦白來講,無關痛癢的問題真令人睇到悶及浪費時間。

原帖由 mikl 於 2009-12-25 00:16 發表
2. 班次離譜（西鐵綫大部分時間都是6.5分一班，58M/58X更密）
...

如果西鐵綫的班次叫離譜（日間班次為 3 - 6.5分鐘一班），咁大部份新界西巴士線的班次，只能夠用極之離譜去形容了。

而且當西鐵綫開 3 分鐘一班的時候，部份巴士線的班次比西鐵綫疏4-5倍（268B同一時段開12-15 分鐘一班），而閣下所講的 58M/58X，經番查九巴網頁資料後，我發現兩線班次全日均較西鐵綫疏。不過我認為算死草計呢幾分鐘既班次，根本就點唔中巴士服務既死穴，一個大塞車，巴士開 1 分鐘一班都無用啦，好似琴日屯門公路大塞車，累我爸爸遲左兩個鐘先收工，聖誕夜想全家早點一齊吃飯都被破壞。冬至當日，朋友乘 265B 回天水圍做節，又被元朗公路四車相撞拖累，結果又係成圍抬人等佢一個，我跟她說，大時大節坐西鐵一定無錯。

[ 本帖最後由 ahbong 於 2009-12-25 12:23 編輯 ]

昨日屯公兩度於不同時段單方向發生嚴重交通意外,四點幾往九龍方向出現貨車翻側,晚上十點幾往屯門方向就5車連環相撞,最近屯公差吾多每日繁忙時間都塞及隔2-3日就有交通意外,導致嚴重的交通擠塞,鐵路未必需要頻密班次及行車時間比另一種交通工具節省好多的策略先對某地區既人有吸引力,服務穩定性哩個因素已足夠令鐵路有一班人支持,我同意路面因素永遠係巴士的弱點,在兩者班次及時間上分別不大,就可以解釋點解西鐵在南環線通到紅磡後,可以拎到一班為數不可以說少既屯門客

原帖由 流星☆雨 於 23/12/2009 08:53 PM 發表
看見有帖子討論坐ＭＴＲ還是巴士的問題也就開此帖了


在我眼中
ＭＴＲ令我覺得最難受的離不開三個問題

首先﹐車廂太吵（有時還會有小孩子在追逐）　我用電話聽音樂開到最吵（有戴耳塞聽的），那些噪音還是聽的很清楚
其次﹐經常沒座位坐，而且 ...

流星☆雨，你令我很難受!

我只想講,合併以來,除左有時過少一兩次閘,每程平得一個幾毫外,對我真係無咩好處,
但就將前地鐵既車廂車站月台既逼人焗促搬到黎九鐵線

原帖由 homan0323 於 2009-12-24 20:00 發表
嚴格來講,成個討論似為針對港鐵為目的,睇番大部分批評,俾我覺得係為左針對而搵一個理由,既然諗一個理由證明港鐵服務點樣吾好,不如諗下點樣為我地生活帶來吾少方便及帶來各方面的效益,好過繼續進行哩D毫無意義批評;哩種風氣可能損害italk「理性討論」的形象,哩個精神係大家需要一齊去維持。

兩鐵合併既原意係為咗進步
但係今時今日既鐵路乘車環境,比以往未合併/上市前倒退好多步
就以東鐵黎講,合併前後既車廂環境係有顯著差別
現時既東鐵車廂係明顯悶熱過九鐵時代好多
而地鐵上市前後既車廂環境,又係有明顯差別架

如果話以前做唔到,而家都仲未做到,咁仲可以叫人體諒
但而家個問題就係以前做得到,而家就明顯退步,唔肯做
呢個好明顯係不為也,而非不能也
點解舉出呢個實實在在既不為問題,就要俾人話無理取鬧、呢個係無知言論？
呢D又係咪叫理性討論呢？

原帖由 superbus 於 2009-12-25 15:11 發表
兩鐵合併既原意係為咗進步
但係今時今日既鐵路乘車環境,比以往未合併/上市前倒退好多步
就以東鐵黎講,合併前後既車廂環境係有顯著差別
現時既東鐵車廂係明顯悶熱過九鐵時代好多
而地鐵上市前後既車廂環境,又係有明顯差別架

唔係話刻意反你
只不過，我真係唔係好覺你所提及既車廂環境
係合併前後有好顯著既差別...

合併後減左價 梗係多左人啦

同意
列車一樣咁焗
大學站一樣咁熱
旺角東、太和站一樣咁焗
東鐵綫九龍塘至大埔墟、粉嶺至羅湖一樣要淋雨
只係紅磡站光咗咁解

[ 本帖最後由 bananasims 於 2009-12-25 22:38 編輯 ]