睇下美國加州點sell高鐵；再睇下香港政府??

原帖由 Kaix 於 2010-1-7 14:39 發表
d宣傳片好傻好天真，乜數據都冇，請個人話好快好方便有乜說服力?? 膚淺到不得了，
賣點又單一，一味商務商務商務、自由行自由行自由行，睇完連高鐵其實係乜都唔知，
環保呢?? 本地交通壓力呢?? 不過就算佢去提，以香港政府宣傳片一貫風格，
咪又係請個人用弱智式語氣話「高鐵好環保架！」或者「高鐵仲好環保添！」

咁我地又有咩法？上面有站友話政府對巿民唔使問責，呢個都係原因之一，
但係我會覺得，政府有關官員，以至大部分香港人，活在香港的教育制度下，
根本對未來缺乏vision，無perspective，好多人根本唔知自己做緊咩、點解要咁做。

我話晒都叫做晌加州前後住過十個月，呢幾個月報緊美國學校PhD programs，對於
美國教育制度如何培養人才，可謂略知一二，呢樣野我覺得絕對有關。

美國雖然野雞學校大把，課程淺過香港唔少，學生學術水平又差過香港；但係top schools
以至各個專業，競爭隨時係香港的十幾倍。例如，我個field的top 20 PhD programs的admission
rate係少過10%，medical school、以至clinical psychology，甚至medical residency，隨時
係50個人爭一個位。以上情況之下，肯高瞻遠矚的青年人，自然要學懂以一個相當articulate的
方法sell自己，方可與其他人競爭。

in particular，大學入學、grad schools/professional schools，以至大部分professional job application，
都要applicant寫personal statement或者statement of purpose，申請人要成功展露出自己的vision，
自己點解要apply果個program/果份工，對未來人生的展望，先有機會被consider。多重寫SoP的
訓練之下，自然產生一批充滿抱負，自己對自己的計劃、想法相當清楚，兼且懂得說服別人
爭取支持的年青人才。

邊似得香港，雖然入大學率得18%，但係幾時要50個人爭一個位？淨係睇成績，會考9A/10A如果唔
晌interviewer面前講粗口就大學咩科都入到，成功之途太簡單喇；我成日都覺得，
如果香港玩美國式制度，我身邊應該無咁多人入到medical school。

咁美國當然都有社會運動（我見識唔少，我exchange果間學校就係上幾個月有人掟燒緊既木入校長
官邸抗議加費果間），但係人地基本上係做足資料搜集，識得點去convince人，邊似得香港呢班
社運份子，我尊重佢地的理想，但係佢地明顯係眼高手低，連自己爭取緊d咩，點解要爭取，分分鐘
都唔清楚。

香港d人爬社會階梯咁容易，唔使reflect自己點解要做一件事，自然唔會諗點去convince人，
點去精益求精、做到最好，分分鐘連推銷高鐵果班人，叫佢地坐低一粒鐘靜思，
都未必諗到自己點解要sell高鐵，莫講話諗到一個（對一般巿民來講）convincing的reason點解要起高鐵啦。

原帖由 238X 於 2010-1-7 15:58 發表

現實上邊有可能咁筍，
可以唔拎所有人經濟前景做賭注就可以改變現有制度？

或者喺佢哋眼中，香港人連經濟前景都無乜

或者係佢地眼中，只要講經濟就係罪惡，所有人都唔應該考慮經濟前景問題。

我贊同樓主o既見解, 香港o係推銷工作上的確馬虎!
就今次高鐵事件, 我都當佢過左去了, 無乜必要再拗。
最緊要係從錯誤中汲取教訓, 我地日後仲有好多大型工程規劃中, 到底佢地係咪應該起, 點樣起, 市民從來都係低度參與, 我地接收到o既通常都只係 "政府就xx 現正進行規劃, 預計xx年動工, xx年完成"。二三十年前市民教育水平低d, 經濟又起飛緊, 通常都唔會點理, 但今時唔同往日, 就住一單工程, 市民會期望從多方面表達意見, 無論係城市規劃, 工程, 經濟, 保育, 我地都多左自己o既意見, 並且想政府加以考慮。
就好似而家構思緊o既香園圍口岸, 唔知大家有冇留意, http://www.lt-hyw-bcp.com.hk/chit/home.htm, 動用100億同起口岸同一條10公里長o既新公路, 又係淨係諮詢區議會同鄉議會, 我已經發現有報導話有村民反對, http://www.hkatvnews.com/v3/shar ... atvnews_123394.html, 感覺上同高鐵事件有d 相似! 往後仲有其他規劃如深港機場鐵路, 機場第3跑道, 第2條青馬橋, 屯門西部通道等等, 到而家政府都係保持低度o既曝光, 只顧自己設計規劃或齋同當區人諮詢, 我諗咁已經係過時o既做法了。
我覺得藉住高鐵事件, 好應該檢討下大型工程(或者宏觀d 講, 所有重要o既政策)o既規劃/諮詢制度。(如果政改成功, 一切都會有改變, 但無謂扯得太大, 暫且放下不談) 有美國返來o既朋友話人地o事無大小都會開聽證會, 並且係真係想聽意見個隻, 而唔係我地個d 假諮詢, 必要條件當然係一個肯面對人民o既主事者同一群理性畀意見o既民眾。市民可以趁聽證會質詢主事者, 而主事者亦應該藉機會宣傳有關項目, 或者聆聽市民o既聲音而作出修改。香港市民而家對社會事務唔關心唔係天生o既, 而係制度上根本無我地份, 出唔出聲都無分別, 但如果我地o既聲音都係會被聽到, 我諗不少人都會積極起來, 縱使仲有少量o既反社會份子, 佢地o既支持群眾都會大為減少, 因為理性反對個班已經表達到意見, 並且獲得接納。
當然, 以香港呢個唔係民選o既政府, 佢打橫行都得, 做唔做諮詢都一樣, 自然少理民間聲音, 係咁二做下roadshow, 整d 爛鬼模擬video, 到咁上下就同社運份子打下文宣戰, 再到最後一刻出重人手搬人收地, 一樣做到野, 但我地已經進化了, 呢d 幾十年前個套唔該掉落馬桶沖走佢啦!

本人對各位網友的言論，都覺得言之有理．本人只想補充的是，政府應早早把所有已有的數據在現有的傳播平台公開諮詢．另外，傳媒也不應過分節錄資料，讓所有市民知道計劃．

一點離題：香港實在非常需要盡快落實公營電視廣播，讓大家更集思廣益．

原帖由 053h4 於 2010-1-7 18:46 發表


首先, 而家係推行政策上的問題, 同政改都唔會有必然關係
(當然, 而家係天生原罪假設)

而推行政策上, 唔係話搞幾次聽証會就掂
好似沙中線d聽証會咁, 幾次都唔多人, 咁係做唔到"被咨詢"

而現時都好, 任何人都可以 ...

當然, 就連我本人叫做咁關心交通, 難道又可以單單交通新聞都去跟到足咩?
一個成熟o既諮詢/聽證除左要主事者交代足理據外, 仲要一班有足夠 "資歷" o既監督者(watchdog) 去提出適切o既質疑,
可惜本地watchdog 系統唔成熟, 政黨流於政治化, 技術人士又通常受人二分四, 無獨立o既判斷。

我覺得宣傳功夫落到港鐵上, 通常都死o左九成。港鐵網頁o個o的講工程的, 簡單到暈, o的相細張到死, 今時今日仲可以 post o的 300*200 pixel o既圖, 十年前都嫌細張啦。不過近年係好返少少o既, 至少o的相大張o的。而家最豐富係立法會網頁, 但o個o的文字多, 太專業, 文件對像唔係俾公眾的, 其實唔太算數, 只不過係好過冇。

眼見其他項目, 好似啟德、將軍澳、灣仔中環填海、添馬艦等等, 又整獨立網頁, 圖文並茂, 又搞公眾工作坊、諮詢、俾幾個方案人o地揀揀下。其實呢o的項目推廣唔差得過美國高鐵個好多。但點解去到港鐵度就乜都冇? 連政府自己都懶理? 係因為時間緊迫? 係因為本身都驚講得太多更多把柄俾人反?

其中唔搞乜乜車站設計比賽有個原因係話車站太複雜太專門, o的概念設計作品未必合用, 搞來o徙氣。但除o左比賽唔搞, 好似添馬艦、中環填海咁o係o的探知館搞個大型少少o既展覽都唔得? 整個模型仔睇下西九站咩樣唔得? 所謂港鐵o既巡迴展覽只係幾塊爛展板?

所以唔駛同美國高鐵比宣傳, 同香港其他項目比, 香港高鐵都輸晒。

[ 本帖最後由 syp 於 2010-1-7 23:40 編輯 ]