對新一代巴士迷感覺

同人溝道的態度及禮貌吾得,我吾反對巴士迷對自己興趣追求,亦覺得單憑圈內小部分人係公眾場合或網絡做出不合乎大眾要求的行為難以令大部分人對巴士迷輔以負面形象。新一代巴迷鍾意係網絡自成群組交流興趣,更多人會從網絡對巴迷建立一個形象。

你睇番D人對「巴敗」定義還包括網絡上討論風氣。在我而言,所屬群別參興罵戰或進行人身攻擊已是其中一D破壞哩個圈形象的「巴敗」行為;如果有心重新建立印象,除左現實中自我行為需要約束,網絡上言行及風氣亦要自我管制。

大眾吾係不接受巴士迷,係社會對道德有一套價值觀,就算吾係巴士迷,一個做出不合符社會道德標準既普通人同樣得到其他人的不歡迎及反感。

相比九十年代
而家影車真係完全唔同既境界

以前大家用菲林
影完最快都要一粒鐘先有相睇
影得好唔好....真係睇天意

有時候影完過幾日曬出黎
先發現有路人甲乙丙出現遮到正一正
都冇辦法，唯有睇下幾時再有機會影
曬相....好貴架....算啦

所以大家要影一張相
都會諗下度下等下
等緊既時候見到行家
都會吹下幾咀
--------------------------------
而家既朋友仔太幸福喇

相機, 影相係有益既活動, 父母有能力可以買俾子女絕對支持
影相, 影完唔駛2秒就知自己影左d咩
1分鐘影幾多張都唔會增加成本(相比菲林機)
影得唔好? simply delete it!

如果呢個世界既因果成正比既話
咁容易得到一張靚相理應而家影相既人相對輕鬆
會更加容易打成一片

結果係, 冇錯係會打成一片
不過就真係打出手果隻

唔係每一個人都咁幸福
可以擁有一部DSLR相機, 甚至DC
(小弟家貧, 到而家屋企都係得一部菲林傻瓜機)

我如果要出去影巴士
都只係可以用手機

手機既FUNCTION遠比DC/DSLR少
因為唔係一部專門用黎影相既機器
所以相對黎講, 用手機影巴士可謂限制多多

唔好話有人阻
就算架車乖乖地響個站度訓緊覺
泊到勁靚位
用手機影分分鐘都會出事

最慘既就係....如果有大機人同場影, 好可能我呢D低技術低儀器既人
會俾人問候全家人
仲會叫我小心D行街云云

我都唔明, 大家都係想做好同一件事0者, 你影到又開心, 我影到又開心
以前大家都係咁既心態

唔知幾時開始, 影巴士變成左一種競賽

我影得靚D, 哈, 贏左你
好開心
唉呀, 我影得唔好, 下次一定要影得靚過你

結果就係, 我要出盡千方百計去贏你
咩方法?大家心照啦

----------------------------------------
我係一個巴士迷
呢一個係事實
我唔會刻意隱瞞

我為咩要隱瞞我自己既正常興趣?
我為咩要為一D唔正常既人去影響我自己正常既消遣同精神寄託?

我明白每一個人都會有過於沉迷既時候
我冇咩??我都有
但係當有人話我知我有野唔岩, 尤其係有野做左會影響到自己既時候
我會聽

而家為人地好話下人, 叫人地唔好做一D危險既事
得到既係咩回應??!

「我既行為我自己負責....」
(真相係, 佢既行為會影響到其他人)
「你D衛道之士唔好出聲啦」
(我真係唔恨做衛道之士)
「我果D先係王道」
(我可以講咩??!)

已經唔計會即時得到粗口回應

心灰心淡係正常既
做好本份, 我就唔理了

我有D新朋友岩岩知我係巴士迷既時候
有D會話.....哦, 你係果D衝出馬路影巴士既人

到而家,
佢地有咩路唔識會問我
我帶左朋友去搭H2A倒數, D朋友會話"好彩你係巴迷, 知道有D咁好玩既野"

作為一個巴士迷
做好自己本份, 自律一D, 等一D負面睇巴迷既人可以正面番少少
我覺得, 已經為呢個圈做到少少既貢獻

N年前小弟響HKBDB
發起過一個「保護水牌小行動」
得到大家既積極回應

而家....唔好話水牌
保護到巴士迷既僅存形象已經功德無量

朋友們, 請大家一齊努力
做好本份吧!

本人最近才加入巴士迷行列！
本人雖然年紀小，但是我對巴士有特別濃厚的興趣，本人最近都見到一班巴敗企出馬路影巴士相，我心想：他們只懂得顧及自己的意欲而不顧及自己的安全，人人都說：'安全第一'，但是巴敗通常都想：巴士第一！唔影巴士就唔安樂！
雖然d巴敗的確很討厭，但是有些就很有善。記得有一次，我去葵芳新都會廣場比賽的時候，遇到一位充滿愛心的巴士迷，他無私地付出很多時間和我說有關巴士的東西，頓時，我大大提升我想成為巴士迷的意欲，開始陸續登記做討論區會員，和你們一同交談、彼此合作，使我們能夠吸收更多有關巴士的資訊！

宜家滴小朋友打有唔打得 罵又唔罵得 都幾難管教下~~
生個頂心柴邊個都唔想~~

強列的認同...

以前都無咩見巴迷咁激,現今就大為不同..
之前有位人兄為左影虎年BW就唔理其他道路使用者既安全,不可接受.
任何人都唔應該行出馬路,更何况巴迷?
對自己條命都唔睇重,但遇上意外並不只是自己受害,其他道路使用者也會受影響.

至於那些用長鏡的某些巴敗,真系無野好講.
自己有長鏡好勁?
可不可以體諒下d無長鏡既''行家''呢?
有一兩句''唔該''都起碼好d.
但系有d系可以講幾句唔好聽既說話黎''趕人走''
先生,條路又唔系你,
借比你系比面你,
唔借系應該既..

系行家既就互相體諒下啦,雖測三唔識七,起碼有個共同興趣..

-----------
自己都感受其中..
兩年去70取消前,旅遊巴停車場果個位非常好影.
有d資深既巴迷攞長鏡黎影,
有人系前面(包括我),佢都可以唔發怨言.
有d就好客氣咁講''唔該''
可惜有d就叫我地前面既''死開''

巴迷間分别真的那麼大..

多言了,唔認同既唔好插我..

想講講現時巴士迷o係網上交流的風氣……

我見到有時有d巴士迷，o係討論區度做埋一d個人認為係吹毛求疵的行為
例如有時城巴派市區車行機場A線博覽館特車，就會有一班人出黎話「服務倒退」
當有人話「龍運仲衰」時，往往會導致雙方激烈辯論，甚至罵戰收場
大家試諗下，一般乘客最緊要係「有車搭」，睇完show就有車快快趣趣返屋企
除了巴士迷之外，有幾多人會care架車係唔係豪華車？
冇錯，機場A線服務有一定標準，就係要豪華車
不過請大家唔好忘記：非常時期用非常手段
豪華車數量已經唔係多，如果用晒黎清博覽館散場客，咁原本班機場客點算呢？
何況豪華車載客量較低，要快d清晒d客，派豪華車真係適合咩？
有d巴士迷就係太執著於所謂的「標準」，巴士公司不跟標準做事，或者用車有太大突破(例如最近某老牌紅隧線)，就會作出抨擊
所謂「規矩係死，人係生」，做人做事靈活一點，不要這麼僵化，好嗎？
以上博覽館A線只係用作舉例，亦只係冰山一角

另一方面，部份巴士迷自命站於道德高地，認為自己的見解能改善巴士服務，經常對巴士路線很有意見
經常表示要作出研討、建議，對某些巴士路線進行重組
看似滿口仁義道德，說這條路線效率「奇低」，那條路線客量「偏低」云云
這些巴士迷，往往藉著否定其他地區的需求，以凸顯自己居住地區的需求，要求自己所住地區能加強巴士服務
而其他區乘客受到佢地建議的重組影響，要行遠d改搭其他路線
或者由搭直接車變成要轉乘，佢地往往問：「有乜問題？」
自命站於道德高地，作出如此損人利己之行為，實屬不良風氣，亦容易引起衝突……

我知道有部份人會討厭我的見解，如果要扣分的請隨便
其實italk扣分機制亦顯示巴士迷網上風氣，不過都好多人講過，我唔再重覆