高鐵香港段討論專區

原帖由 053h4 於 2010-1-17 02:16 發表
但係"反高鐵"呢個的確係大會重點口號, 另外, 個別核心成員亦係全盤反高鐵
如果話外界誤解, 其實, 主辦單位有無責任呢?

唔先用二分法迫人歸邊係無法挑起全面ge階級鬥爭

anyway
我就訓喇
即管睇下聽日佢地係咪仲有咁好毅力堵塞中環

[ 本帖最後由 kychung 於 2010-1-17 02:27 編輯 ]

但係一開始時的確有人"突破警方防線"喎, 一開頭好亂?

原帖由 a_drew 於 2010-1-17 02:07 發表


唔知你傍晚有冇去現場! 司令台不斷強調自己係和平示威 (有D此地無銀)
不斷強調差人打人, 之後就搶鐵馬, 一上前就有胡椒噴霧招呼

- 若果真的有 "差人打人" , 點解無人影到/ 見到呀?

- 若果唔係示威者 (可以話係暴民) 搶鐵馬, 警察都唔會用胡椒噴霧啦.
(仲有警察係見呢班 "暴民" 搶到一段時間後才使用, 胡椒噴霧乃屬 "最低級武力防衛")


若果有人係有心 "做衰" 呢班人, 只要將 "宣稱和平示威" 同 "主動搶鐵馬推撞" 於同一畫面一左一右同時播出,
搞掂!

原帖由 B-KAA 於 2010-1-17 02:28 發表



- 若果真的有 "差人打人" , 點解無人影到/ 見到呀?

- 若果唔係示威者 (可以話係暴民) 搶鐵馬, 警察都唔會用胡椒噴霧啦.
(仲有警察係見呢班 "暴民" 搶到一段時間後才使用, 胡椒噴霧乃屬 "最低級武力防衛")


若果 ...

咁佢要自圓其說我都冇辦法
唔通我去搶咪話佢講大話咩
不過佢地成晚煽情、洗腦式講話又真係好討厭!

原帖由 hosito 於 2010-1-17 02:26 發表
但係一開始時的確有人"突破警方防線"喎, 一開頭好亂?

6點幾先開始亂, 有人衝同推鐵馬同打算衝入立法會!
一埋去就一批PTU埋去招呼佢之後示威者用大喇叭大哎開路同差人打人

反高鐵團體聲稱，他們聚集了超過一萬人；警方就指，高峰期立法會外有一千七百人集會。

我睇左成8個鍾 (17:00-01:00)仲少過尋晚, 1500人都畀多佢

原帖由 victor888 於 2010-1-17 02:06 發表

我相信他們當中是有些原意是支持建高鐵的，只不過造價高，令他們無法接受
但基於輿論的影響下，這些「支持但不要高價高鐵」的朋友就被打成「完全反對興建高鐵」的一群

我心目中的確是有這個想法，閣下同意與否，不到我管，小弟 ...

哈~ 小弟覺得現在社會經常被不同媒體 / 團體營造出「非黑即白」的對立面
小弟和 victor 兄一樣；相信，也樂於知道社會上也有一些能做冷靜分析、客觀描述的人士；
這樣的討論才有價值。

而且，不管正反立場，用和平集會去表達訴求的市民都是值得尊敬的
（更是香港言論自由的體現）


小弟之前「紅衛兵」之說，主要還是指那些刻意衝擊、挑釁警方等非理性行為；
他們的表現叫人失望，不僅破壞了集會的和平及理性的原則，對於事情也沒甚麼裨益。

原帖由 hosito 於 2010-1-17 02:26 發表
但係一開始時的確有人"突破警方防線"喎, 一開頭好亂?

呢班人可能係失控, 亦可能係大會要求下 "主動出擊" ... ...

不論如何, "暴力衝擊" 呢步棋行得大錯特錯, 亦失民心;
就算及後點樣宣稱自己係 "和平集會", "安靜地訓馬路" 亦不能挽救.


其實跟住應該點? 唔講啦,
淨係睇到呢 d "暴力衝擊場面" , 已經扣晒分啦!

其實政府下次搞基建，係立法會做咨詢個陣，最好整番幾個模型上去講解下D整體建築結構
淨係 powerpoint 同一大 堆paperwork，看似仲係差少少...

同埋政府亦都要落下區，既然有區議會的，就應該聯同 區議會 搞公聽會，搞到好似電視台牌照中期檢討公聽會個D，先會引起到共鳴

時代變，有時就算政府係某樣野被鬧到狗血臨頭，政府D官員都要厚D面皮落區聽下意見
今次我個人覺得政府比較失策既係有唔少野係俾議員chok 幾 chok先問到出黎，仲要係有D問題係俾唔到確實答案，呢下先大問題
有時我覺得雖然政府係立法會係夠票通過任何野，不過唔該佢地唔好當立法會係死 o既，然後當所有野係 take it for granted 的。

之前我都有回過 post 話關注 CRH 車輛的QC，因為呢批車係單程起碼行26 KM tunnel ，金屬疲勞一定唔會輕得去邊，所以我係好希望政府係對公眾有 個commitment 係 o係列車製造過程的監察。但我又唔係好覺有任何議員關注呢一點。唔好唔記得，MTR 自己都向南車買若干抽地鐵列車，呢個時候你唔監督住D QC，咁請問等幾時？