高鐵香港段討論專區

原帖由 dbat98D 於 2010-1-18 05:37 發表


你睇下蘋果日報每日嘅報導, 基本上係將整個香港
分化到兩極, 但奈何香港人只信佢地嘅報導....
原則上, 香港係一個兩個政府狀態, 特區政府掌權, 但
市民聽命於蘋果.... ...

之前係facebook 討論高鐵環保問題, 有朋友仲用錦上路方案同我嘈,
我就叫佢睇明報講及有關方案不行可的論點, 但佢回我:

"提醒你, 現在的媒體, 除了蘋果, 大概沒有一家在這個問題上不靠邊站,
因為政府現正對不同機構做動員, 這正是我工作面對的重要一部份."

另外, 一講d人暴力行為, d人又會回應:

" 喺facebook見到好多撐高鐵嘅人所謂"理性"嘅討論, 佢地嘅arguement
何嘗不是充滿bias? 佢地對反高鐵嘅人何嘗不是充滿偏見? 佢地倚賴嘅資迅
何嘗不是某傳媒嘅片面之辭? 呢一d人有冇真係喺現場目睹成件事? 我欣賞
反高鐵人士嘅勇敢, 呢班"理性"嘅人唔該唔好一扭開電視睇"精華片段"就信
到十足十... "

基本上, 真係無得好講, 我唔會話傳媒係完全可信, 亦唔會預期新聞片段係完全
反映所有事實, 但我地亦唔可以選擇性失明吧, 明明有暴力行為, 就話什麼背後
的事無人知.....明明有point 的社評, 就因為立場問題俾人話唔睇, 我仲俾"提醒"
真係啞了....

[ 本帖最後由 3ASV196 於 2010-1-18 07:54 編輯 ]

原帖由 3ASV196 於 2010-1-18 07:53 發表


之前係facebook 討論高鐵環保問題, 有朋友仲用錦上路方案同我嘈,
我就叫佢睇明報講及有關方案不行可的論點, 但佢回我:

"提醒你, 現在的媒體, 除了蘋果, 大概沒有一家在這個問題上不靠邊站,
因為政府現正對不同 ...

打橫黎講，
依家既人一代比一代反叛
忠言逆耳都不在講

某程度可說是一種有關精神的發揚光大
不過，好肯定既，就係呢d人，係社會/世界上，真係未必容得落佢地
一個硬幣，都有兩面啦

又或者，他們想係現實建構他們共同的世界都唔定。

不過，呢d都要時間去論證，
而現階段只能講危急關頭，"不要怕，只管信"
唔需要同你理性，講道理，
因為我已經踏在道德最高地..

原帖由 053h4 於 2010-1-17 23:17 發表

其實, "獨立思考"的前提係理性辯論, 或自己找資料, 仔細分析所有觀點做決定
今次事件上, 我個人覺得, 主流傾向只係"獨立""思考", 即獨立少眾自己思考
忘記了睇多D其他資料同數據

因此, 感情可以被放大, 而影響被跨大, 部份更加係老作

真係要討論, 正反都拎D強而有力的理據去檢論, 咁一定會越辯越明

問題係佢地一開始，無仔細分析過available的資料，就對政府有偏見同不信任（呢樣野可以理解），
甚至潛意識認為相信政府提供的資料就係「欠缺獨立思考」。之後果堆民間團體對政府資料提出質疑，
佢地就信到十足，咁仲有咩好講？

例如，有幾多人真係信大角咀會搞到塌樓？？

我剛剛睇過107力景出果本80後反高鐵既書，入面提到佢地
既立場是高鐵直頭唔應該起去香港，總站應設在落馬洲，好似
而家既羅湖火車站咁。

入面引述唔少80後既引文，指出佢地唔想廣深港高鐵直入香港
，覺得咁樣會令香港"中國化"，甚至有人指出香港已經同中國關係
太密切，應該減少香港與中國的聯繫。

原帖由 LN9267 於 2010-1-18 01:01 發表


反高鐵人士説會繼續抗爭。

不過,我覺得這次事件會令到日後政府再提出大型基建時,將會寸歩難行。

我覺得未必，如果將來起港珠澳大橋，一定會有好多人支持。
反對既，可能只會係信德、金光、巨龍、新創建...

原帖由 2A_DL13 於 2010-1-18 10:01 發表
我剛剛睇過107力景出果本80後反高鐵既書，入面提到佢地
既立場是高鐵直頭唔應該起去香港，總站應設在落馬洲，好似
而家既羅湖火車站咁。

入面引述唔少80後既引文，指出佢地唔想廣深港高鐵直入香港
，覺得咁樣會令香港"中國化" ...

其實呢d人應該移民, 而唔係反高鐵...

其實什麼叫"中國化"呢, 香港本身就係中國人社會, 亦係中華人民
共和國的一部分....咩叫關係太密切? 本身根本就是密切吧....

原帖由 LN9267 於 2010-1-18 00:05 發表

現在很多人爭政府工,都是因為政府工有保障。

有一點很費解,以前CE/AL放榜後考生要面對出路問題,但沒有太大社會聲音;現在也是如此,為甚麼會令青少年覺得沒有出路呢? ...

近排有一集《新聞透視》（定係《星期二檔案》？），有提到其中一個原因，係因為當年移民潮，令到當時青年人急速上位，
呢班人而家40歲左右，肯定霸住自己個位唔放，令到20、30歲青年人有排都無得升。

當然，而家的社會，低下階層的人想爬社會階梯，並無中產以至有錢人容易，且有惡化趨勢；
但係以我所見，今次參與反高鐵運動的人，好多都係準專業人士，甚至初出茅廬的專業人士（雖然我都知道而家好多so-called專業競爭都好大，
好多人都覺得無前景）

原帖由 3ASV196 於 2010-1-18 10:11 發表

其實呢d人應該移民, 而唔係反高鐵.....

問題係，保持香港的獨立個性，以及「香港之所以為香港的特質」，正正係佢地的vision……

原帖由 2A_DL13 於 2010-1-18 10:04 發表

我覺得未必，如果將來起港珠澳大橋，一定會有好多人支持。
反對既，可能只會係信德、金光、巨龍、新創建...

港珠澳大橋已經拍板。

果陣反而又無咁多人反呢條大橋（雖然果陣社會運動都未發展到而家咁個樣），但係
我個人認為，港珠澳大橋相比起高鐵，至少有多好多合理理由，特別係環保，可以質疑。

原帖由 053h4 於 2010-1-18 00:15 發表
其實, 而家青年人面對的問題同過去唔同
心態又唔同
而解決方法都係唔同

應該話, 過去讀書無咁多, 傾向接受低學層次的工作, 而家學識高, 驚覺學歷係無用
(唔好插我, 問我點解要有學巳致用的心態)
當然, 我都係年輕人....唔係好得幾多

但係，某程度上，我覺得已經擁有的人（特別係大學生），好多時唔識得點去珍惜。我見到學生質素每況愈下。

所以，其實我係反對大學教育進一步普及化，精英主義有時候其實係好事。
（講左呢番說話，我好快會俾人批鬥成「既得利益者」，雖然事實上我係）