高鐵香港段討論專區

原帖由 s3n354 於 2010-1-18 17:45 發表

今次最恐怖係有班中學生振振有詞地用專業聯盟, 蘋果日報, 獨立媒體d所謂角度黎反高鐵,
D大人仲話佢地有獨立思考能力, 上左一堂好重要既通識課
原來俾人洗腦, 反政府就係有獨立思考能力

我真係好擔心 ...

不論支持高鐵(西九龍)、高鐵(錦田)、高鐵(落馬洲)、甚至反對高鐵，都各自各有自己理據
，每種理據都有佢既道理，唔可以話邊一些錯。

我覺得最大問題係一些反高鐵團體不斷搵左些已經錯誤或者舊既數據去誤導市民，呢個
先係最大問題。

「每人平均俾一萬，但俾左之後自己唔會搭高鐵返大陸」呢個已經係好好既理由令中學生
一齊反高鐵，你諗下有幾多中學生會返大陸先啦。正如唔知邊度講，佢地寧願去東京
，都唔去北京。

原帖由 2A_DL13 於 2010-1-19 08:32 發表


不論支持高鐵(西九龍)、高鐵(錦田)、高鐵(落馬洲)、甚至反對高鐵，都各自各有自己理據
，每種理據都有佢既道理，唔可以話邊一些錯。

我覺得最大問題係一些反高鐵團體不斷搵左些已經錯誤或者舊既數據去誤導市民，呢個
先係 ...

其實有關論點都存在問題...同一論點, 本討論都有版友去用...

第一, 自己唔用, 是否等於反對去起呢....是否應該從社會利益出發呢

第二, 好多人好輕易地講出, "每人出一萬蚊", 但事實上, 政府財政來源又知唔知?
而再實際上, 一個中學生, 根本就未交稅, 何來有出一萬元? 相反, 政府每年在教育
的開資, 相信都遠超高鐵5年工程平均了的每年費用..

如果再用返第一點去睇, 我做緊野, 要交稅, 但唔會再讀書, 我又係唔係要反對
政府教育開資? 原因就係因為我自己都唔會用..?

第三, 好多人好斷言將來一定唔返大陸, 我就唔知點解可以咁肯定...先唔好講自己
興趣, 其實好多工作都已經要返大陸, 邊個可以講將來一定唔用高鐵?

無錯, 好多野無分對與錯, 但討論往往好易出現謬誤....當然我唔會期望中學生有咩獨特
見解, 亦唔會期望有好好的論據

原帖由 3ASV196 於 2010-1-19 08:54 發表


其實有關論點都存在問題...同一論點, 本討論都有版友去用...

第一, 自己唔用, 是否等於反對去起呢....是否應該從社會利益出發呢

第二, 好多人好輕易地講出, "每人出一萬蚊", 但事實上, 政府財政來源又知唔知?
...

或者佢地口中，應該係用者自付呢套原則，
但社會唔係話樣樣野都得，唔係既社區問題更多/難進步

題外話: 中華民國立法院委員又再打交, 如果香港未來變成敢, 真係無眼睇.....
http://www.youtube.com/watch?v=GVyN0i5_OTk
http://tw.news.yahoo.com/article/url/d/a/100119/17/1z1of.html

[講極都唔化,重要用o的好似好有理由ga說法去講,服哂]

原本有好多好多未解決ga民生問題,在於咁耐以來,
香港政府所謂ga投資~完全係高估哂回本值
好啦,好似家陣o個迪士尼咁,年年都要放水補貼,
有冇政府官員行出黎負責啊!!又話起左可以吸引多o的人黎
喂!你連自己樂園都未收支平衡,點樣話哂人聽因為你o個樂園令來香港旅遊人數多左啊
反來高鐵問題~我一直都係講緊,洗呢筆係應該,但唔係咁多o羅,好似以上例子~邊個可以
行出黎保證高鐵唔會好似迪士尼咁先,明明有方案減成本,唔理~好!!
家陣你當我地去左澳門啊,買大細啊!!
唔該唔好再用o個o的咩要進步就要付出ga理論啦
有論點話有機會失敗,就會變左退步!!

p.s.我又想問下上面板友,政府起左好多基建,樣樣都話對香港整體經濟有幫助,
      你地舉例係到今時今日,幫左香港o的咩[e.g.迪尼,8幹]
     我自己都會話,香港唔算得係咩啊![人地外國係咁e搵兩個[兄弟]都搞到你地香港人身家都冇埋!!]

[ 本帖最後由 GX7685 於 2010-1-20 09:55 編輯 ]

原帖由 GX7685 於 2010-1-20 09:49 發表
[講極都唔化,重要用o的好似好有理由ga說法去講,服哂]

原本有好多好多未解決ga民生問題,在於咁耐以來,
香港政府所謂ga投資~完全係高估哂回本值
好啦,好似家陣o個迪士尼咁,年年都要放水補貼,
有冇政府官員行出黎 ...

所以1970年代港英政府的簡約風，值得保留及推崇。
為什麼會有後來開山填海翻天覆地的玫瑰園計劃？

香港真係資本主義得過份，下下都講出錢呀回本呀，
如果呢個政府係收好多普及稅，例如高昂銷售稅（舉例：德國一般貨品大約收19%），
但筆錢又不能用在改善居民生活上，又向大商家傾斜，抵插。

而家，筆錢大部分唔係貧苦大眾畀的，但基建完成後貧苦大眾都可以用，
例如青沙只收$8，又例如港鐵雖然本土睇係偏貴，但倫敦東京等的地鐵更貴，
還有政府撥一舊錢畀港鐵，之後港鐵開始前九鐵系統學生半價（不確定兩者是否有關直接關係）。
係就係大家都有權出聲，政府可以及應該做得更好，但我個人覺得，呢個政府已經「算係咁」。

我就真係唔想學澳門喇。

資料性詢問：
迪士尼的收入，是否需要和港府分賬？定係佢自己袋晒？會唔會畀返一筆定額費用畀政府？
若迪士尼入場人次不理想，政府會否有直接經濟損失？

關於高鐵，如果政府唔係議而不決，如果一早決定使用專用通道，
07年拍板，撞正金融海嘯時招標，個造價又會低一截。
除此之外，若任何人本質上贊同高鐵的重要性，我可以講沒有方法會減到錢。
再者，港鐵要交租金畀政府，呢筆先至係「回本」的錢，而唔係車費收入。
即係話全香港所有搭港鐵的人，不論是否使用高鐵，都要為高鐵回本出一分錢。夠不公義未？

[ 本帖最後由 DIH 於 2010-1-20 10:38 編輯 ]

原帖由 GX7685 於 2010-1-20 09:49 發表
[講極都唔化,重要用o的好似好有理由ga說法去講,服哂]

原本有好多好多未解決ga民生問題,在於咁耐以來,
香港政府所謂ga投資~完全係高估哂回本值
好啦,好似家陣o個迪士尼咁,年年都要放水補貼,
有冇政府官員行出黎 ...

haha 新聞一出迪士尼, 閣下又有新論點wor

咁你認為新機場, 對香港經濟又有無幫助?
地鐵, 又有無幫助? 呢D都好難有直接數據ga la

你所講的回本, 你想是睇短期, 定睇長期?
睇係要幾耐? (8幹, 剛剛橋一段先通車)

我唔會講所有投資都係明智, 亦唔會所有都可以
回本, 是否回本, 亦要睇日後實際運作

高鐵, 你問我會唔會回本, 我都可以講, 短期都唔會,
但基建o既野, 有時點可以計, 唔好講收費, 唔收費仲
有東區走廊, 屯門公路, 汀九橋, 長青, 又是否回本?

就算地鐵ar, 之前如果單計鐵路營運, 都難於回本la...
用地黎補貼, 咪又一係另一類型的政府補貼..?
差在唔係直接用錢去講, 好多人唔覺之ma...

[ 本帖最後由 3ASV196 於 2010-1-20 10:53 編輯 ]

原帖由 DIH 於 2010-1-20 10:33 發表
關於高鐵，如果政府唔係議而不決，如果一早決定使用專用通道，
07年拍板，撞正金融海嘯時招標，個造價又會低一截。
...

其實相反睇, 如果金融海嘯, D人反對亦可能更大..

有睇D野好搞笑...D人話樓價高, 希望樓價跌, 但係樓價跌時,
其實好少人會買樓ga wor...

同樣, 金融海嘯時, 價可能低d, 但當d人對前景更無信心,
可能更唔想起鐵路住...