高鐵香港段討論專區

或者咁講，italk係我地呢班被認為「河蟹人」唯一可以留在技術層面暢所欲言、以事論事的地方，
其他討論區大都已經被反高鐵或反功能組別或反特區政府或反貧富懸殊的人佔有，
以比例計，支持高鐵的forum真係少之又少，係唔係想全香港都反晒，係唔係想香港自豪的多元化就此消失？

無論某些人是否同意，社會上的確就係有人支持現有的高鐵方案，
不論比重多少都係有（至少我家中絕大部分人都在沒有我游說下支持），
大家著眼點唔同，其他論點你估我地唔知咩？
只係在不同人心目中，不同論點有不同價值，
即使支持高鐵者都分：放眼長遠回報、認為現有交通不足、尊重立法會程序等各個論點。
例如我最著緊的係做人講過既野要算數唔可以反口覆舌，即使係決定錯誤，後果都應該由決定者負責。
好似有人呃你錢，後來佢話良心發現喎，畀返錢你，但你以後會唔會再借錢畀佢？你會唔會再信佢？

反對現有方案者，我至少可以歸納為：
不滿太貴、不滿諮詢不足、不滿太倉促（倉促同諮詢不足並非等同）、不滿現行政制、
希望香港長遠改變發展模式、考慮成本效益認為現有交通已經足夠、心底裡對大陸抗拒等各種論點，
唔知有冇歸納漏，反對者唔喜歡聽支持者的意見，好正常，但冇人迫你去聽去睇。

終於得閒搵：
想慳錢呀？假如錦上路高鐵站附近發展成咁樣，同埋269C繞經，我咪支持囉：

http://maps.google.com/maps?f=q&source=s_q&hl=en&geocode=&q=%E9%AB%98%E9%90%B5%E6%A1%83%E5%9C%92%E7%AB%99&sll=25.011612,121.214905&sspn=0.017734,0.027595&ie=UTF8&hq=%E9%AB%98%E9%90%B5%E6%A1%83%E5%9C%92%E7%AB%99&hnear=&t=k&z=16

相反，市內高鐵總站就會係：
http://maps.google.com/maps?f=q&source=s_q&hl=en&geocode=&q=%E9%AB%98%E9%90%B5%E5%8F%B0%E5%8C%97%E7%AB%99&sll=25.046026,121.525869&sspn=0.035458,0.055189&ie=UTF8&hq=%E9%AB%98%E9%90%B5%E5%8F%B0%E5%8C%97%E7%AB%99&hnear=&ll=25.048008,121.517372&spn=0.008378,0.013797&t=k&z=16

「高鐵」，只此一家。

原帖由 GX7685 於 2010-1-21 01:52 發表
你都幾搞笑,一o的你地覺得行唔通ga方案就叫做唔係方案!!
大家對比ja~我只係一個普通市民,唔識去講點起點做!!錦上路同西九,
係我呢個普通市民眼中大家都係西鐵沿線,
我只知道搭西鐵由西九[柯士甸]到錦上路只要20分鐘左右
係我眼中ga高鐵,我只知一大節係重覆於西鐵,究竟好簡單一條數快10分鐘
可減少約一半錢,係政府諗都冇諗過[佢話佢有啦!!]
你地ga論點就係啱?我地提ga就係錯,就係盲目反

我只知道搭地鐵荃灣線由荔景去中環尖沙咀只要20分鐘左右
係我眼中ga西鐵、東涌線同機場快線,我只知一大節係重覆地鐵,
西鐵、東涌線同機場快線只要起到荔景就OK
究竟好簡單，相差10分鐘，可減少約一半錢o既方案,政府諗都冇諗過

原帖由 DIH 於 2010-1-21 09:20 發表
或者咁講，italk係我地呢班被認為「河蟹人」唯一可以留在技術層面暢所欲言、以事論事的地方，
其他討論區大都已經被反高鐵或反功能組別或反特區政府或反貧富懸殊的人佔有，
以比例計，支持高鐵的forum真係少之又少，係唔係想全 ...

觀點歸觀點，技術歸技術，其實我知唔少巴士迷甚至鐵路迷都反對高鐵
起係西九龍，因為佢地同一眾反高鐵既人一樣，都係對搭高鐵需求近乎
0。老實講大家不難發呢度言論支持高鐵既，絕大多數都係需要北上工幹
或者對國內交通運輸有興趣既人。其實有唔少停留在香港本土既巴士迷
及鐵路迷都唔出聲。

我見唔少討論區其實都以支持高鐵為主，可能就係因為當反對派做咁多野
，支持派就倒番轉頭上網講多些。

其實任何方案都有各自好處及壞處，我覺得其實唔應該以偏蓋全。其實有
唔少版友在其他討論中，字裡行間暗示自己反高鐵，例如669憶等於倒錢落
海等，我唔會話佢地錯，因為任何方案都有各自好處及壞處。但我的確失
望既係，一單普通既交通發展竟然如此變到政治新聞，這我相信係一般交
通研究及愛好者不願見到的。

原帖由 053h4 於 2010-1-21 10:38 發表
最後, 沙中線, 黃大仙同南土瓜灣號稱自己用唔著, 咁係唔係反對理由啊?
用得著咁簡單, 理應咨詢大會次次意見一面倒

我識有人話，其實如果早知迪士尼會如斯田地，佢都會
反對果陣時政府出錢起迪士尼及地鐵線，因為佢都係起左但
唔會搭。迪士尼已經衰左，佢唔想廣深港高鐵再係迪士尼翻
版。

或者咁講，廣深港高鐵，可能只係令到更多市民知道，原來
政府有出錢支援港鐵公司/九鐵建築地鐵。當更多人知道原來
地鐵係咁起果陣，會多左人反對起鐵路真係唔奇。

原帖由 GX7685 於 2010-1-21 01:52 發表
你都幾搞笑,一o的你地覺得行唔通ga方案就叫做唔係方案!!
大家對比ja~我只係一個普通市民,唔識去講點起點做!!錦上路同西九,
係我呢個普通市民眼中大家都係西鐵沿線,
我只知道搭西鐵由西九[柯士甸]到錦上路只要20分鐘 ...

呢個正正是唔少香港人既心態。

當自己無論如何都唔會搭高鐵果陣時，起去錦上路同埋西九龍其實
無分別，但錦上路平均每人俾小d，咁一般市民當然支持啦！

我識有巴迷有同樣心態，既然佢自己唔會搭高鐵，永不返大陸(影車!?)
，佢認為無論起去邊都好，政府都唔應該出公帑，反而乘客應該用者
自付，會合理好多。

[ 本帖最後由 2A_DL13 於 2010-1-21 14:30 編輯 ]

原帖由 053h4 於 2010-1-21 14:36 發表


樣樣有早知, 咁就個個發達啦
講真, 好似迪士尼線咁, 當時要用十億, 建制派話夠買300部巴士做接駁, 唔洗起地鐵

講真, 重大基建, 有時係唔係睇幾年咁少先係問題
好似西鐵咁, 究竟應唔應該起, 2003同2009問同一個問 ...

話口未完港珠澳大橋又有人去申請司法覆核
如果搞到最後香港段起唔成或者拖多十年八載就好笑

原帖由 a_drew 於 2010-1-23 22:56 發表



話口未完港珠澳大橋又有人去申請司法覆核
如果搞到最後香港段起唔成或者拖多十年八載就好笑

西湖十景有斷橋殘雪
香港十景有斷橋棄城

可幸今早「政壇新秀訓練班」的年輕人都有各種不同意見。