反港鐵西港島線(全球最貴鐵路)大聯盟

原帖由 OTIS401 於 2010-1-18 17:29 發表


老實講即使我不是西區人，甚至一年都只去過幾次香港島的人
都覺得西區的交通不太方便...
不過地鐵都應該唔會慢過叮叮吧...
叮叮幾十個站先出到中區，但地鐵四個站就得
再加上不受地面的交通情況限制... ...

5X,18P,A12,904夠晒方便西區居民啦...反觀現時香港去大陸閒閒地都用成個鐘,仲要上去駁車,真係好唔方便.

哈，真的「認真就要輸了」

話唔定o黎緊仲有
反輕鐵單卡大聯盟，反 B10M 歧視殘疾人士大聯盟

---
回正題，有冇西區板友可以答下西區居民等o左呢條鐵路幾多年 ?
知道答案，我諗你（指反西大聯盟）都唔好意思反人o地啦。

[ 本帖最後由 kyc87d 於 2010-1-18 17:38 編輯 ]

原帖由 FBI2 於 2010-1-18 17:33 發表


5X,18P,A12,904夠晒方便西區居民啦...反觀現時香港去大陸閒閒地都用成個鐘,仲要上去駁車,真係好唔方便.

等條繞道起好先再講la....

如果返大陸快過來往香港各區，咪好好笑?

講明先，我自己亦都係一個西環居民，仲要0係一個
已經住0左係度廿二年0既老街坊。

首先樓主話西環有大量替代交通嘛？係，你講得0岩
，我屋企樓下的確0係有電車、紅小，同埋一大堆城
記巴士可搭，但你有無諗過，而家西環0既交通係幾
咁「扭舊」，平日繁時，我係舊海傍 D 站上車，都
已經要罰企；去到石塘咀0個陣就更加唔使諗，一定
大把人0係上唔到車。至於回程亦都唔好得去邊，等
車隨時等到你對住個師傅 !@#$%^&*()。

好喇，就算真0係俾你逼到上車，你無半個鍾都去唔
到中環。點解？你睇中上環塞成點先講啦......而家甚
至於連西環自己都0係塞得好緊要，日日卑路乍街同
鹹魚欄都塞到打哂交。如果咁都叫有效率0既話，唔
好意思，我唔覺。

而你話西港島線起0係半山係親近富豪嘛，好話喇，
0係電車路地底咁多公共設施，咁又點做鑽挖呢？如
果用 cut and cover 去起0既話，我諗到時成個西環咁
多居民同埋商戶第一件事就0係唔會放過你。因為而
家你咁做，係等同割斷成個西環0既大動脈，整癱西
環0既交通（唔好同我講用干諾道西，呢條路早係97
年已經升0左呢，而家已經係無地方再去安置咁多個
巴士/小巴站同重鋪電車軌），舖頭亦都會因為掘路
而搞到無生意。你要記住，呢D 唔係只做幾日0既重
鋪路面咁簡單，而係要做五年0既鐵路工程。你係電
車路搞 cut and cover 0既話，就真係將西環「被人以
電鑽在身體到處鑽孔，血花四濺」喇......

而且西港島線0個三個站已經決定0左0係電車路同埋
大道西起出口啦......咁你仲想點？

之後你仲要話西港島線0係破壞緊西環0既本土交化
，咁我又好想知，除0左兩幢已經接受0左賠償而搬
走哂0既唐樓，同埋一堆已經搵到替代品0既公共設
施之外，仲有邊 D 0野係要拆？MTR 早前已經講明
鑽挖0係唔會影響到地面建築物，咁0既話隧道沿途
0既大廈唔會受影響啦......但如果你硬係要話西港島
線0既隧道工程，好似西鐵起高架路軌咁大影響0既
話，OK，我無0野好講。

最後，你仲提到「大財團進駐將這傳統社區推倒，
換成倒模式屏風住宅、平台大商場」，乜你唔知當
年 MTR 為0左快D 將個工程上馬，而放棄係泳池同
埋舊警察宿舍度發展上蓋項目咩？唔好同我講甚麼
縉城峰、寶雅山、唯壹、長嘉工業大廈重建同埋西
環大樓重建，都係 MTR 地產項目呀......

我講0既就係咁多，如果唔 like 而要大手扣我分兼
port 到我永停0既話，講隨便。

原帖由 kyc87d 於 2010-1-18 17:36 發表
哈，真的「認真就要輸了」

話唔定o黎緊仲有
反輕鐵單卡大聯盟，反 B10M 歧視殘疾人士大聯盟

---
回正題，有冇西區板友可以答下西區居民等o左呢條鐵路幾多年 ?
知道答案，我諗你（指反西大聯盟）都唔好意思反人o地啦。 ...

遲D E400出街,到時可能又有人整一個"反兩軸雙層大聯盟"啦...
唉...而家時下的所謂"80後",係又反,唔係又反,反高鐵班友,似反共多過似反撥款....好彩我們的政府仲有班保皇黨頂住,否則香港遲早學到台灣咁---玩完!

原帖由 nettim 於 2010-1-18 18:25 發表
不過地鐵都應該唔會慢過叮叮吧...
叮叮幾十個站先出到中區，但地鐵四個站就得
再加上不受地面的交通情況限制...


市內大型鐵路通勤列車(容我用這名詞，"火車""地鐵"太general/只是前公司名簡稱"並不代表部車本身) 的速 ...

地鐵繁時咁多人強行入車廂，都唔知關幾多次門先開到車

社運分子會同你講, 香港唔需要發達, 香港只要"慢慢發".

其實呢班人要慢慢發的話, 應用!移民去非洲比較合適.