建築物消防系統問題數條

原帖由 OTIS401 於 2010-1-23 14:58 發表


咁你認為點解仲會裝先?

商鋪果D濕濕碎，頂多只係弄壞收銀機果D電器
但其他的地方(例如設備房)又唔同，果D係控制車站、甚至係整個地鐵的安全
一壞就隨時整個地鐵系統down哂都似
所以要用另一方式滅火(即係用BTM) ...

整個地鐵系統down哂唔係單純無車塔，而係會有列車被困隧道，而且唔只一列，
同時會引發漏電、停電及水浸，到時可能會引發有過萬人被困隧道的大災難...

地鐵站根本就係一個有高壓電力設備及有大型機電設備運轉的地方，就算係商場
內的機電設備房都不會裝設消防花曬

[ 本帖最後由 samky20192 於 2010-1-28 01:13 編輯 ]

1. 如果消防花灑因意外爆頭導致灑水, 需唔需要通知消防處?
意外爆頭導致灑水，除非有Direct Link及有人報警，理論上消防處係唔會有人知道爆頭。
如果系統需要暫停運作超過二十四小時, 係要向消防處通知「掛牌」，與及要提供
臨時設施。「掛牌」目的係令當區消防局如果知道該處所出現火警警報，會派出額
外資源去該處所。

2. 消防花灑有冇可能因日久失修導致滴水?
當然會。但通常係喉管配件接駁位滴水。

3. 為何消防花灑水鐘既面積會比一般火警鐘大?
一般消防佬叫那個做「水鐘」(Water Alarm Gong)，因為係用水的流動來令到鐘響，而
不是其他樓層內的火警鐘採用220V或24V來推動，因此會比較大。

4. 係咪大廈內任何一個消防花灑爆頭都會令消防花灑水鐘響?
係。如果係濕喉系統，其實整個消防花灑內係有水，遇上爆頭會出現「跌磅」行泵及令
到水鐘響及大廈內其他220V或24V鐘響。而一般室內用的花灑頭係68攝氏度，而垃圾槽
內係57攝氏度。不同操作溫度的花灑頭係會用不同顏色的酒精代表。

5. 為何地鐵站只會於商舖範圍安裝消防花灑, 而非商舖範圍唔會呢?
6. 消防花灑有冇可能裝係住宅室內 或 住宅走廊?
香港的Sprinkler System係跟據英國防損委員會(Loss Prevention Council)、設合香港環境
及消防處長接納的標準而進行安裝及設計。另外消防處有一份「最低限度之消防裝置及設
備」的守則來協助進行相關系統的設計。商業大廈與住宅是兩款不同的系統，一般來說住
宅係唔會有花灑系統，因為有EVA消防車會直接去到大廈的入水位，而一般住宅都係「一
盅兩件」的設計，即係一個喉轆加兩條Fire Hydrant。

有關「最低限度之消防裝置及設備」可在消防處網站下載。

如有錯漏，歡迎指正。

[ 本帖最後由 Alex_Tsang 於 2010-1-29 23:25 編輯 ]

可能係Emergency Vehicular Access (緊急行車通道)

原帖由 Garfield 於 2010-1-23 11:02 發表

既然火警與水災都係咁大鑊, 咁點解地鐵站商舖範圍仲會安裝花灑呢?

你不如唸一個非常簡單的問題，係一個地鐵站咁大的範圍，一間舖起火時即刻爆頭救火會快d定去拉喉轆救火快d？我唔係話喉轆冇用，而係邊個可以快d救到火的問題

一般家居離喉轆近，所以就唔使自己裝頭

想請教師兄，如果有分高低Zone的消防系統來講，係未只會有低Zone先會用係必要時到消防駁喉的水，高Zone就只會用天台缸壓落去的水，而消防駁喉的水就唔會上到天台缸？THX!!

任何濕式系統, 都係會有水在喉管內, 高ZONE系會有中途泵加壓來補足
系統上的不足. 不可能要等消防車來才有水.

水務署網站內有消防供水系統標準圖則, 有興趣師兄可去參考.