KTL脫班問題

問題重點，反而是在黃大仙站上，該站有過多乘客上車，
部份最早上車乘客明是轉荃灣線，又不願站到車廂內，以免在太子或旺角站轉不到車，
而後方有大量人海衝入車廂內，將不少要在九龍塘落車的乘客迫到車廂最入面，
至於車門邊，大部份都是在黃大仙站迫上來的轉車客。

初時小弟不知道此情況，結果成為受害者，
到九龍塘站時，要在車廂最入處撞開車門邊的乘客，再同時撞開東鐵轉車乘客，才能成功到月台。
最後唯有無奈地企近車門，或是索性走到第七或第八卡，才能成功落車。

此問題，正是列車到九龍塘站後，出現嚴重延誤的原因，
因為車上有不少乘客根本離不開車廂，而月台及車廂內有大量乘客不願讓路。
不過轉東鐵／返學乘客，惟有企近車門，形成惡性循環，
最大受害的反而是樂富站乘客，根本無空間供他們上車。

至於樂富站的乘客，不仿考慮到第七或第八卡，因為黃大仙站人潮主要集中在二至五卡，
基本上七、八兩卡仍有大量空位。

[ 本帖最後由 dennis28a 於 2010-1-27 15:12 編輯 ]

原帖由 DR1666 於 2010-1-26 22:30 發表

樂富站點解咁恐怖, 其實可以理解
當繁忙時間大部分乘客都是往西走的時候
西行列車由九龍灣站開始多人
經過彩虹, 鑽石山
去到黃大仙剛好塞滿一個車廂
(其實已經去到 "夾沙甸" 地步)

正確上而言，早上繁忙時間，觀塘線列車西行人流如下（以第 4 卡為例）：
調景嶺站（處理將軍澳區返工／返學客），此時車廂不太滿，
油塘及藍田站，大量港島／屋邨乘客上車，車廂有 6~8 成滿，
直到九龍灣，大部份返工客在觀塘至九龍灣落車，車廂大多只有 3~4 成滿，
九龍灣往彩虹一段，反而是西行線最少人的路段。
彩虹站開始，人流增加，直到鑽石山站，車廂大約有 5~6 成滿，
到黃大仙站時，整卡第 4 卡有 8 成都是人。

問題主要是黃大仙站除了黃大仙邨外，尚有慈雲山、竹園的轉車客上車，
所以沙中線根本有必要盡快興建，將大量人流分流到東行線上。

[ 本帖最後由 dennis28a 於 2010-1-27 15:22 編輯 ]

原帖由 dennis28a 於 2010-1-27 15:09 發表
至於樂富站的乘客，不仿考慮到第七或第八卡，因為黃大仙站人潮主要集中在二至五卡，
基本上七、八兩卡仍有大量空位。

都無乜用..(早繁黎講)
我有時朝早見有十幾個人行去7/8卡上都上唔到
相反下繁第7/8卡就比較少人,車頭就迫到沙甸魚咁

[ 本帖最後由 Gx6903.. 於 2010-1-27 15:48 編輯 ]

香港人係衰架! 明明自己好遲落車,又唔肯行入D;搞到D早落車既人逼晒去裡面。自己為自己著想,成日驚落唔到車!
而且,D人係唔俾人落車先,係要逼......逼到冇位企都仲要逼,真係好冇禮貌!

車程延誤、開幾次門,就係因為呢兩批人!!!

如果係咁，開設油麻地←→彩虹區間車
應該可以解決部份問題吧...

聽聞有時開彩虹去中環既班次

原來黃大仙站既人流係集中喺第二至五卡
咁我上次第一卡上唔到車都應該好正常