益智問題 - 點解唔可以坐73K, 78K 去終站過關?

小弟想問呢條益智問題好耐, 但又驚比人插

因為法例規定，除左過境人士，所有人入禁區都需要有入禁區紙。
如果你坐沙頭角/文錦渡快線，警察知你一定係去過境，所以唔會 check 你禁區紙。
但係當你坐 73K/78K 時，如果你無禁區紙，警察係唔會俾你過禁區閘，
因為佢無可能知道你一定係過關而唔會走去第二度，而且部車亦唔係直接去到關口。

不過其實如果你有沙頭角禁區紙，其實係可以坐 78K 去到山咀村轉沙頭角快線。
至於文錦渡，我就無聽過可以中途上車.....

原帖由 da54 於 2010-2-1 10:32 發表
因為法例規定，除左過境人士，所有人入禁區都需要有入禁區紙。
如果你坐沙頭角/文錦渡快線，警察知你一定係去過境，所以唔會 check 你禁區紙。
但係當你坐 73K/78K 時，如果你無禁區紙，警察係唔會俾你過禁區閘，
因為佢無可能知道 ...

你的解釋, 是否意指 因為 B系路線 是以管制站為總站, 即直接過到關口
就知道你是過境, 所以就唔駛查你有無有效證件

但另一個問題是, 這樣就有機會係有乘客在無旅遊證件下上了車, 去到關口就無過關
然後在禁區裡遊蕩, 例如好像開線之初時有行家在禁區內影相

這個問題又如何解釋

法例又給予什麼空間予 B系路線的車務人員去查證乘客有無有效證件

原帖由 12A 於 2010-2-1 10:42 發表


你的解釋, 是否意指 因為 B系路線 是以管制站為總站, 即直接過到關口
就知道你是過境, 所以就唔駛查你有無有效證件

但另一個問題是, 這樣就有機會係有乘客在無旅遊證件下上了車, 去到關口就無過關
然後在禁區裡遊 ...

無錯。

至於你的第二個問題，因為 B 系路線 (以及過境巴士的落客站) 都係位於管制站內，
基本上你的活動係受到執法人員監控，而你亦無乜可能經管制站走到管制站外其他禁區
區域，所以問題唔大。對於乘坐各條 B 系路線、直通巴士等的乘客，檢查證件的職責
就係邊境管制站由執法人員進行。

如果你係無旅遊證件及禁區紙而假扮過境旅客進入管制站遊盪，係可能會遭受檢控，
當然執法與否就另作別論。終歸究底，佢最重要都係想堵截邊界走私偷渡的活動姐....

[ 本帖最後由 da54 於 2010-2-1 11:06 編輯 ]

據2010年1月10日大公報報導，政府剛剛檢討邊境禁區的範圍，決定由今年起分階段開放其中2400公頃禁區，屆時山咀、香園圍、竹園、打鼓嶺、羅湖、料壆和下灣村等主要村落將會被剔出禁區範圍。（沙頭角墟仍然列入禁區範圍）

因該項禁區政策修訂，73K及79K的文錦渡及打鼓嶺總站預期會被剔出禁區以外，其中73K在禁區開放後的定位會成為關注重點，若果政府容許市民乘73K文錦渡總站下車後，步行往管制站過關，現時的班次有機會不勝負荷，而首當其衝受到衝擊的，將是上水至文錦渡口岸的過境巴士。

原帖由 CPY 於 2010-2-1 11:30 發表
樓主的問題四年前已經有人提出並有最少三頁的詳細討論、解答：

有沒有站友試過乘73K在羅湖道分站下車過關往內地？

隨著政府今年逐步開放2400公頃禁區，這個問題其實值得再度討論，因為一旦禁區開放實施，大部份之前的禁區，市民不再需要持禁區紙進入。
服務原有禁區的巴士路線會如何應對這個新禁區政策，值得我們關注。

但是根據放寬邊境禁區的計劃，所有邊境管制站將會維持禁區地位。
因此是否可以徒步進入文錦渡管制站仍然存有疑問。

其實文錦渡同沙頭角都唔似深圳灣咁用一地兩檢 , 就算成功搭 78K/73K 可以接近到兩個管制站 , 仍然需要一條類似皇巴咁樣的穿梭線帶你過關 ...

而家沙頭角快線都有做緊類似的功能 , 不過係沙頭角禁區限定咁 ~

原帖由 da54 於 2010-2-1 12:33 發表
但是根據放寬邊境禁區的計劃，所有邊境管制站將會維持禁區地位。
因此是否可以徒步進入文錦渡管制站仍然存有疑問。

離題一問,如果文錦渡,沙頭角村,羅湖的居民要返大陸, 係米一定要出上水轉火車?

[ 本帖最後由 iczer3 於 2010-2-1 13:00 編輯 ]