向港鐵反映紅磡站月台黃昏繁忙時間上落車的秩序

原帖由 ahbong 於 2010-2-23 23:18 發表

我真係唔明，上車乘客先讓車上乘客落車，點解等於 "叫月台的人等果一兩個人迫到出黎月台先開始上車"

我亦都唔明，咩叫 "俾10秒乘客落車已經好禮讓"，禮讓，係一種態度，唔係一個時限，過左預設既時限就唔禮讓，算咩禮讓？
唔好話俾幾 ...

地鐵會唔會好似東鐵咁, 一定等好多乘客上晒車先會打蝴蝶燈關門?
答案係唔會, 既然係咁, 排係頭一兩位的乘客自然會頂住後面成堆人,
排頭果幾個等到播PA播到就黎"DO DO DO"先上車,
(因為要等埋落車落得好慢的人都落埋車先開始上車)
後面咪隨時成堆人俾車門夾?
我自己係金鐘站都試過一次, 不過果次係成堆人落車(過對面轉港島綫),
排頭位的我都無奈等到差不多所有人落晒先攝到位係左門邊上到車,
我踏入車廂第一步時車門已關上(剛剛DO完就關門),
唯有眼白白睇住後面D乘客俾幕門夾囉~
(好彩佢都縮得快, 否則俾車門夾隨時受瘀傷)

之前有人投訴地鐵開門時間少, 港鐵回覆都講到明,
聽到DO DO聲就唔好繼續堆上車, 阻礙車門關閉&開出,
既然係咁, 讓人落車都有個限度係好現實的問題,
我都要顧下排係我後面的乘客的感受,
見到絕大部分乘客落晒車我就開始上車架啦,
落得太慢的乘客我多數唔理~
(就算你仲繼續企係月台頭位等人落車
都一樣隨時俾企係你後面的乘客推/撞入去)

當然樓主片段中的情況係唔會適用我以上的論述,
班人只係為左想爭位坐, 根本就唔係爭取係極為有限時間內上車,
尤其係總站, 東鐵每班車最少停成分鐘俾人上車,
如果唔夠時間俾月台上一早已經等緊車的乘客上車...根本係笑話~
只係有其他網民講起地鐵唔等客上車就關門走人,
我咪講地鐵客多人唔等大部分人落晒車先開始上車,
有一部分原因係同列車唔等人上車就關門走人的現象有關~

[ 本帖最後由 ES464470X 於 2010-2-24 07:45 編輯 ]

呢個根本就係長久問題，唔只紅磡站，大多數站都有o噎既問題
以前未有月台幕門，上車乘客都仲要企開D ，落車o既乘客都仲有少少位走下，依家有左幕門，個個都好似好鐘意聞下對門有幾香，其到埋一埋，一開閘就算冇向前推，落車o個D 乘客都已經冇位行，如果上車o既推前的話就更煩

每次去到繁忙時間，所謂o既1分十幾秒一班車，其實就做唔到，下下你要爭上車，我又落唔到車，浪費晒D 時間，停一個站都起碼兩分鐘，港鐵只求加密班次，唔諗下根本就係月台上落時阻慢晒D 班次...

早年去過一次台北，當地幕門以外o既一兩米先至會劃上排隊位置，一來D 會人排隊，二來D 唔可以隊埋度幕門度係咁聞，落車客又方便左，停站程序又暢順，個人認為港鐵好應該學習下...

我都會咁做，仲要起埋掙，佢一衝入來我就會兜野批埋去，等佢衝得咁開心吖喇！

原帖由 VA54-HN8897 於 2010-2-24 08:24 發表
早年去過一次台北，當地幕門以外o既一兩米先至會劃上排隊位置，一來D 會人排隊，二來D 唔可以隊埋度幕門度係咁聞，落車客又方便左，停站程序又暢順，個人認為港鐵好應該學習下...

以香港人既公民質素,咁搞同唔劃排隊位置冇分別