香港電車銅鑼灣至北角段歷史多問

銅鑼灣道以往係大坑道其中一部分, 大坑道底即今日電車總站位置. 1953年, 北角電車總站取代銅鑼灣總站, 西行銅鑼灣電車東延至北角. 改動原因係因為東區人口增加令筲箕灣電車非常擠迫, 電車公司希望新增北角電車去舒緩筲箕灣電車壓力.

舊銅鑼灣總站路軌於1955年拆除, 但仍保留渡線以便電車調頭.

1966年2月19日, 怡和街尾拖里調頭器啟用, 電車只要駛入渡線, 調頭器架線就會引導拖里自行調轉, 咁樣可以避免售票員響繁忙馬路中心用人手方式將拖里調轉, 保障售票員安全. 電車公司亦增設銅鑼灣短途班次.

1966年, 政府交通調查組建議電車公司增開銅鑼灣班次, 因為調查發現大量乘客需要由中環市中心前往怡和街一帶, 而增加跑馬地電車對解決問題毫無幫助. 電車公司惟有加強銅鑼灣短途班次, 引致大量倒叮出現.

1967年3月20日, 工務局改建樂聲迴處並增建電車總站. 當時電車如果要西行入站, 路軌配置上係要先稍為轉左, 然後先至轉右入總站, 迴旋半徑較以前大, 以便拖卡電車使用.

為配合銅鑼灣新總站落成, 電車公司新開以下新路線: 北角 => 上環街市 => 銅鑼灣 => 屈地街 => 銅鑼灣 => 上環街市 => 北角, 每6分一班. 本路線從北角 - 屈地街之間平均每6分一班, 銅鑼灣 - 上環街市之間平均每3分一班

上述新線再加上原有3條路線(堅城 - 跑馬地;  屈地街 - 北角; 上環街市 - 筲箕灣)每2分鐘一班後, 電車公司計算過, 上環街市至銅鑼灣平均每29秒就有一班車. 呢個行車方法雖然好受乘客歡迎, 但電車公司發覺又唔係話好好賺. 原因係新安排下短途服務大增, 但一般乘客坐短途多數只會坐三等買一毫子飛. 不過因為回車總算快左, 電車公司叫做可以密食當三番.

[ 本帖最後由 PB602 於 2010-2-21 23:20 編輯 ]

原帖由 PB602 於 2010-2-21 21:28 發表
銅鑼灣道以往係大坑道其中一部分, 大坑道底即今日電車總站位置. 1953年, 北角電車總站取代銅鑼灣總站, 西行銅鑼灣電車東延至北角. 改動原因係因為東區人口增加令筲箕灣電車非常擠迫, 電車公司希望新增北角電車去舒緩 ...

3月20日是動工日期還是啟用日期？

原帖由 PB602 於 2010-2-21 21:28 發表
1966年2月19日, 怡和街尾拖里調頭器啟用, 電車只要駛入渡線, 調頭器架線就會引導拖里自行調轉, 咁樣可以避免售票員響繁忙馬路中心用人手方式將拖里調轉, 保障售票員安全. 電車公司亦增設銅鑼灣短途班次.

請問拖里調頭器是怎樣運作的呢?能否說多一點?

先謝