[news]轉東方日報 港鐵深宵施工噪音擾民

原帖由 053h4 於 28-2-2010 12:44 發表


問題係, 真係有幾大嘈音先? 唔係有工程, 就一定有噪音
到呢一刻真係無人認真去測量過

如果只係極個別情況超標, 真係有必要嗎?

呢d 極個別情況係有必要

原帖由 thomash 於 2010-2-27 18:38 發表
我住馬線（橋只有兩側隔音屏障，沒封頂）沿線都會經常在自己的大廈看到馬線的深夜維修通告，
不過就從來沒有被驚醒過，可能是包夾路軌的隔音板起作用吧。
不知道觀塘線架空段有沒有（考慮）裝這種路軌隔音板？

參考圖片：
http://comm ...

如果你喺觀塘綫架空車站大堂，上面有車，成個站都震晒；同幾十年後嘅馬鞍山綫根本冇得比，如果你喺馬鞍山綫車站大堂，上面有車你根本唔會知

原帖由 053h4 於 28-2-2010 15:37 發表


有, 都可能係幾年先一次
最重要係, 可能係唔超標(原全無數據話港鐵工程真係超全法例許可上限)

有無必要先?

真係超標, 提早施工好過啦

即係你話如果超標 咁我咪答你有必要囉
唔係話我偏坦鐵路沿線居民
而係你試下想像一下
自己屋企前面有條鐵路o係度
果幾晚又例行維修一次
你頂唔頂得順 ?

順得哥情失嫂意
學葵芳葵興中間個段路咁囉

我諗緊, 觀塘線雖然起左超過 30 年
但照現今的技術/物料, 可以做少少減輕居民的滋擾係咪冇可能?
我不會完全否定加設隔音裝置係不可行的方法

原帖由 cky 於 2010-2-28 22:45 發表
我諗緊, 觀塘線雖然起左超過 30 年
但照現今的技術/物料, 可以做少少減輕居民的滋擾係咪冇可能?
我不會完全否定加設隔音裝置係不可行的方法

無話唔得, 不過條橋你見到可以加野的空間幾有限先得，連電線杆都係凸出橋外
要落隔音屏？容易啦，封觀塘道每邊兩條線，再加彩虹到油塘段封閉一年半載，起過條橋lor...仲好啦，同觀塘重建可以同部進行喇

o係鐵路/公路旁買樓/租樓住就應該預左出現呢個問題。

我住屯門都成日聽到d輕鐵...叮叮叮 啦..有時仲有氣笛啦...又有工程車維修都唔少嗓音啦
如果要投訴...咁我咪要日日去mtr拍抬??!!!
住得係個度就預左有嗓音啦....要方便就要有代價!!
唔想有嗓音...一係般...,一係自己加隔音設施..
投咩訴...不知所謂

[ 本帖最後由 ate_58x 於 2010-3-1 13:44 編輯 ]

原帖由 on11358 於 2010-2-28 23:05 發表
o係鐵路/公路旁買樓/租樓住就應該預左出現呢個問題。

莫講話MTR
住觀塘D 人成日與各種大中小車輛為伴
無理由咁簡單既道理都唔明掛