大家為什麼會成為巴士迷呢？（恭賀Ｂ２２版成立~）

首先恭賀此板成立
因為細個時見到D巴士好型，而我又中意巴士玩具
所以我就做左巴迷

以前細細個陣...每個星期日朝早同老豆飲完茶都會去坐66既熱狗之後周圍去

每次坐車都聽到吉蘭吉都把聲都覺得幾好聽....

之後就對D路線開始有興趣...

不過自從開始影車之後,就鐘意影相多D...

恭賀此板發帖節節上升！

幼稚園果陣因為經常從天后坐地鐵落上環所以漸漸對鐵路產生興趣。
後來偶然同屋企人坐巴士（重記得果架係中巴熱狗），當年未夠3歲，不過由於我生得高大，所以車長要我比車費......
可能就係呢段「巴士奇遇」，令到我後來就開始留意巴士。

以前細細個個陣...每次一跟父母出沙田個陣,係都一定要扭住佢地話坐83K出去
當時嘅83K重係冷熱混合,好懷念當時果批吉籣...
再加上以前跟住工人落街買餸,又好鐘意扭住工人停係廣源邨個條天橋
望住廣源巴總D巴士出入..

[ 本帖最後由 a55695569 於 2010-3-5 23:12 編輯 ]

如果陳自瑜冇出巴士書,Ken Fung冇開HKBDB.
我未必係度出post,更加未必對巴士咁有興趣

我好細個已經好鍾意d車,,
係小學,,有個同學同我傾巴士
之後做埋好朋友,,一齊研究巴士
日日去圖書館,,都係睇巴士書
去到而家,,由於太鍾意巴士,,
所以好多時候,,禮拜五放學/放大假
都會同我由小學到而家既好朋友去遊車河
有時仲會帶埋相機影相同錄聲=]
由於我太熟悉自己住個區既巴士路線
所以d同學有時迷路都會打黎問邊度有車搭番屋企-.-"

係啦,,有d野想問下各位巴士迷
唔知你地有冇睇版圖+地圖既習慣架呢?
我就有啦;]

原帖由 傷情路 於 2010-3-6 00:09 發表 http://hkitalk.net/HKiTalk2/images/common/back.gif
我好細個已經好鍾意d車,,
係小學,,有個同學同我傾巴士
之後做埋好朋友,,一齊研究巴士
日日去圖書館,,都係睇巴士書
去到而家,,由於太鍾意巴士,,
所以好多時候,,禮拜五放學/放大假
都會同我由小學到而家既好朋友去遊車 ...

我去香港嘅時候會拎住本版圖查，周圍坐車，真喺好有用架。

原帖由 DW8306 於 2010-3-5 23:16 發表 http://www.hkitalk.net/HKiTalk2/images/common/back.gif
如果陳自瑜冇出巴士書,Ken Fung冇開HKBDB.
我未必係度出post,更加未必對巴士咁有興趣

細細個已經鍾意睇地圖，所以識路線，三歲就帶唔太識搭巴士的祖母搭 21 號去太古城歡樂天地玩。
因為無相關知識，唔係好識分型號，整係識分有 d 巴士車尾凹左入去 (珍寶)，凹左入去的又有窄門闊門 (LF vs XF)，
同埋 19 號的巴士車頭凹左入去 (LX)，另外亦記得坐過有巴士的側牌係隻窗下面 (後來知道係 DD1)，
九巴的過海車就係三隻門 (但唔識分 3N/3BL...)

去到小學，維園有巴士城，老豆帶我去玩，先知道巴士都可以係興趣....
小學最尾兩年，唔再搭冠忠校巴，改搭 27 返學，開始真係認得 d 巴士點分。

去到中一，就用零用錢申請加入 B 會，咁岩我收到的會訊就係介紹巴士迷網頁，
當時好似連 BDB 都未成立，最記得就係 619 Bus Page....　無耐我就成日去
學校圖書館、星光(ISP)的免費上網、網吧(唔似而家咁雜)上網睇新開的 BDB，
當時仲係其中一個年紀最細的 BDB 會員...

巴士書我反而係靠睇 Mike Davis，陳生著作對我相對影響不大
我到而家都鼓勵巴迷應該睇 Mike Davis 書，必可增強巴士知識！

以前無無聊聊上網睇巴士相,睇下睇下自己上左隱,之後自己開如用手機影相
E+開如儲錢買部PRO CAMERA,
希望2012年影到熱狗最後的日子

原帖由 a55695569 於 5-3-2010 11:11 PM 發表 http://www.hkitalk.net/HKiTalk2/images/common/back.gif
以前細細個個陣...每次一跟父母出沙田個陣,係都一定要扭住佢地話坐83K出去
當時嘅83K重係冷熱混合,好懷念當時果批吉籣...
再加上以前跟住工人落街買餸,又好鐘意扭住工人停係廣源邨個條天橋
望住廣源巴總D巴士出入.. ...

廣源個巴總細到嘔電.....