市建局決定將上環永利街剔除重建

原帖由 053h4 於 2010-3-17 13:30 發表
而建築署出張修葺令, 部份大廈都可以唔埋GA LAR

應該係屋宇署吧

我想問如果永利街真的決定保留
舊業主有冇心去做保養? 如果冇又要靠政府又係廢

見到大家講緊重建/復修o既問題, 想請教下大家, 點解西方大城市d 屋可以過百年都仲好地地, 但香港個d 50年就話唔安全要拆呢?
我有次同個法國同事講開o係香港買樓, 我話唔想買d 30年o既樓, 因為覺得舊舊地, 但佢話佢早幾年先o係巴黎買左個過百年o既單位收租, 佢完全無諗過舊o既問題, 我覺得呢個對比好有趣。
除左文化/保育因素, 係咪香港d 樓o既建築方法, 或者係維修方法導致佢壽命較短呢? 定係香港無制度規定業主要定時檢樓/維修?

原帖由 leochill 於 2010-3-18 18:11 發表
見到大家講緊重建/復修o既問題, 想請教下大家, 點解西方大城市d 屋可以過百年都仲好地地, 但香港個d 50年就話唔安全要拆呢?
我有次同個法國同事講開o係香港買樓, 我話唔想買d 30年o既樓, 因為覺得舊舊地, 但佢話佢 ...

因為以前好多咸水樓、短樁同偷工減料, 仲有好多一路都唔保養搞到咁短命!!

講舊，香港有可能最舊的建築，唔係唐樓，唔係殖民地風格或乜乜式建築，而係鄉村的中國傳統村屋，或者圍村。
只是，大部分鄉村都已經荒廢，仍在使用中的又會由村民作各種因時制宜的改裝，唔通住幾百年都唔裝部冷氣機？

當香港對保育仍然停留在「刀下留人」的叫喊，任你座樓有幾多年歷史，即使保育下來，仍只會是無靈魂的虛殼。
各位住緊公屋居屋私人樓屏風樓納米豪宅的香港人們，我之前都講過，從今開始加倍注意，保養好自己的樓字吧。

其實本身後天保養好緊要, 石屎建築本身根本唔應該只是50年就危險...

唔知大家知唔知咩叫"合作社"樓, 係50-60年代, 由公務員合作社起的樓, 呢d樓同
唐樓都係咁既款, 好多一樣係一梯兩伙咁既, 5-6層高, 但呢d樓約50年, 多數都好好
保護ga wor, 識朋友住, 入去望過就知, 質素仲好好.....要睇呢d樓, 較多可以係
香港的西灣河街, 或九龍的美善同道, d 唐樓地下一層都住埋人, 無鋪既, 就多數
係ga la...

自馬頭圍樓宇倒塌事件後, 好多人以為d樓50年就要拆, 但問題係, 這觀點本身係錯,
如果50年就有危險, 咁香港好多樓都唔住得人, 美孚新村, 都40年多的樓la, 如果係,
過多幾年都要拆? 我地本身要留意返個倒塌問題的主因, 係不當改建及裝修, 定係
無la la 倒塌...

不過講返, 早年起的樓, 本身質素真係較差, 好多野唔合標準, 呢d樓保養有一定難度
及金錢, 經濟上去睇的確未必有利.....(文化上去睇就可能唔係gei)

所以都係一句, 要保留建築物, 請主動做好樓宇保養, 唔好搞到好似永利街大部分樓宇,
真係殘晒, URA 收, 到拍埋套戲, 仲拎埋獎, 先黎講復修保留, 樓宇保護責任, 本身是在
業主, 而非政府, 也非URA.....(永利街, 講來講去, 都係得街頭一座, 業主有盡到責任),
如果業主唔做到保養, 相關問題只會不絕.....(當然, 有D人係故意唔保養, 等收樓)

而另外, 我之前都有講過, 舊樓設計與時代進步, 本身亦係另一個要考慮的問題, 先唔講
返住宅, 如之前工廈大火, 消防員殉職, 就反映到過往樓宇的一d基本安全隱憂, 又如SARS
之後, 對於排污, 或空氣流通問題, 亦要更加留意....

對於舊樓設計, 相信日後難於面對人口老化, 或越來越緊的安全標準(如走火梯要求), 如永利街,
好多人都搬走左, 係地少人多的香港, 究竟, 我地應該點去選擇呢? 應該重建, 進行改建, 定係完
整保留一部分? 對於保留, 應該留返原有用途, 定活化? 去做呢D野, 又應該由邊個出錢? 好多好
多的取捨及考慮...

如近日熱話, 強制拍賣9成降到8成, 本身都係一個鼓勵私人發展商推動重建的法例, 正係其中
一D有關舊樓的取捨及考慮, 但亦見到有私有產權的爭議, 這些問題都唔易取得平衡...

樓宇, 係市民重要的伙伴, 衣食住行之中的重要一環, 香港面對樓宇好多問題, 政府同市民, 尤其
各業主, 都要共同努力, 先可以解決到個問題...

p.s. 如果用香港同西方城市比, 可以講係無得比, 始終香港係50-60 年代, 人口急劇增長, 增長到
現在, 香港仍然是全球人口密度最高的地方之一, 雖然現在成日批評D 舊樓質素, 但我認為, 當年
香港建築業, 及城市發展, 可以有效應付到當年人口急速增加的需求, 本身已經是不可思議的事,
這是西方世界都做不到的....

[ 本帖最後由 3ASV196 於 2010-3-19 06:54 編輯 ]