好心港鐵就加下車啦.....

原帖由 A240 於 2010-3-21 14:20 發表
若果班次同早繁睇齊(31抽車 行駛TWL)有冇用?

但係如果D人繼續一味衝門而搞到班車delay既話就加到100抽車都無用

港鐵唔同巴士，話加車唔係一件易事。
車務調動、訊號系統等，都唔係話加就加，
因為港鐵唔同路面交通，有替代路線，有踢車，有特車，
是但一個部份有事 (車站，列車或者行車隧道) 都會影響到班次。

不過，最大原因樓上都講左，根本港鐵可以keep到個班次既，
係乘客「自招」─ 成日衝門，明明full左繼續逼…

原帖由 drew 於 2010-3-21 12:00 發表


觀塘線有司機仲犀利，未開門就播，連續播兩三次才真正關門，
乘客根本唔會知道車門幾時關。

我響紅磡站見過更厲害, 入站廣播未播、列車站都未埋就播"往屯門列車即將開出" 。

原帖由 yuetming 於 2010-3-20 23:37 發表
現在市區線列車數目不足，等C-TRAIN到了香港才能加密班次。

乜而家荃灣線,觀塘線,港島線同將軍澳線仲有空間加班咩?

講真
繁忙時間係極小人衝門 (都俾月台上面上唔到車乘客頂住啦, 仲點衝呀?)
最大問題係車門關上方式

一度門受阻, 全部彈開再重播關門PA ,另一車門又再受阻
繁時不斷係咁重復依個動作, 想唔delay 都難   

唔好話咩唔好格硬迫上車, 實際上繁忙時間你唔迫上車係跟本無法上車
全世界繁忙的鐵路例如大家熟識的日本, 中國大陸
佢地咪一樣迫上車, 又唔見佢地會搞到班次大幅度延誤?

另一方面, 港鐵車長係大部份乘客未上車時就閂門亦係主因
好似觀塘線九龍塘站, 跟本唔夠時間上車..


當然, 係非繁忙時間, 乘客衝門就會變成delay 的主因

原帖由 平田巴總站長 於 2010-3-21 21:14 發表

乜而家荃灣線,觀塘線,港島線同將軍澳線仲有空間加班咩?

除左平日朝早返工時間外其他時間都有空間加班，
因為返工時間車廠得返1-2架到。

[ 本帖最後由 gsrc0525 於 2010-3-21 21:35 編輯 ]

原帖由 091320906 於 2010-3-21 21:28 發表
好似火車站咁,
關門夾到人就果度門自動開返少少再閂就ok啦~

無錯..
試過新年返大陸.. 全車迫爆(同繁時金鐘站差唔多, 但係多左好多大型行李, 理論上受阻機會更大)
度門夾到野都係打開一半再閂埋..(MLR 來的.. )
用左10秒到就全車門完全閂好開得車..

如果係市區線? 分分鐘要用超過一分鐘先ok. (度門不斷重開又重開)

原帖由 VA54-HN8897 於 2010-3-21 18:43 發表
如果本身唔係有一班車因為衝門而誤點的話，咁之後o既列車就唔駛停一陣就出廣播黎到追時間...

試過幾次搭觀塘線連續幾個站停唔夠10秒
結果係樂富站停左成分鐘....

筒中原因，可能要內部先知....

車外廣播真係好好好有用......
即使我唔係有心想衝門，落到月台，見到有車，聽唔到嘟嘟聲，咁梗係衝過去碰下運氣啦。

我親眼所見，東鐵線上，好多時有乘客用電梯去到月台，
聽到月台廣播嘟嘟聲，即刻放慢腳步唔追，列車順利關門。

日本、台灣，列車關門廣播都係月台播啦，
唔明點解香港地鐵會放在車內播（而令到後來的硬件不適合月台播）。
唉，聰明的香港人又唔識分1/2號月台，唔可以好似日本咁嗌「1番線ドーアが閉まります。」