[新聞][轉貼]架空輕鐵紓元朗人逼人

可否利用大坑渠比較多既空間，將兩個輕鐵站合併為一個架空車站，輕鐵可於元朗大會堂開始架空。至於大棠路站，就真係唔知點算喇，果度實在無位。
合併車站後，更可沿大坑渠興建行人天橋連接朗屏站，步程應少於五分鐘。

原帖由 9033 於 2010-3-22 22:55 發表
將輕鐵高架化,有違"輕便"既原意wo..

邊個話輕便一定係路面?

地底方案固然有技術問題,
但架空方案都唔係一定WORK.

大家睇下大馬路旁邊的幾十座唐樓, 全部都住滿人,
架空輕鐵, 未來的高架橋起碼要去到2-3字樓咁高,  距離輕鐵相當近,
居民會受嘈音滋擾, 相信好多業主會因為嘈音問題而反對.
就算居民肯妥協, 都一定會要港鐵公司全線興建隔音屏,
條數計唔計得店, 呢層就要港鐵公司自己諗諗.

合併車站, 只會令到乘客唔方便,
豐年路同康樂路其實係服務緊完全唔同的乘客,
我睇唔到任何可被取代的原因.
乘客唔方便, 佢地自然會改搭小巴, 反正輕鐵本身又唔係平過人.

其實講左咁耐, 點解大家都係討論點樣去架空輕鐵呢? 難道無其他方法?
點解唔可以透過減少汽車流量, 收窄行車路面寬度, 去擴大行人路呢? 我知咁講未必o岩聽, 但試諗下, 世界大潮流都係市中心劃做非機動地帶, 除輕鐵/電車外, 雖然香港"區情" 唔同, 但都無可能反晒其道而行, 最起碼私家車唔可以駛入大馬路。
如果起高架路, 一來工程期間已經不敢想像, 二來日後o既街景更可怕。
如果大家覺得讓步o既應該係輕鐵, 咁可否將輕鐵改為循環線, 東行經大馬路, 西行經媽橫路出青山公路。咁o既工程應該簡單過起高架。

原帖由 leochill 於 2010-3-23 09:39 發表
其實講左咁耐, 點解大家都係討論點樣去架空輕鐵呢? 難道無其他方法?
點解唔可以透過減少汽車流量, 收窄行車路面寬度, 去擴大行人路呢? 我知咁講未必o岩聽, 但試諗下, 世界大潮流都係市中心劃做非機動地帶, 除輕鐵/電 ...

請問點減 ?
大馬路就係多人需要搭車 , 巴士要密密開
仲有 D 小路要由大馬路轉入去

未開輕鐵前 , 大馬路係每邊 3 線行車
開左輕鐵 , 每邊得 1 條半 ..
唔塞至奇啦

原帖由 樂仔〞 於 2010-3-23 10:05 發表


請問點減 ?
大馬路就係多人需要搭車 , 巴士要密密開
仲有 D 小路要由大馬路轉入去

未開輕鐵前 , 大馬路係每邊 3 線行車
開左輕鐵 , 每邊得 1 條半 ..
唔塞至奇啦 ...

其實有些小地方係有得執, 譬如有幾個電盈電話亭豎立於路邊位置多年來都冇郁過, 佢隔離的路面因為佢而特別窄, 淨係移走左流量已經會有改善. 不過我同意, 杯水車薪, 都係要大刀闊斧先有成果

如果將輕鐵系統縮短至洪水橋，而洪水橋至元朗站則用Monorail（吉隆坡果種）接駁，不知
在技術上是否可行？

原帖由 leochill 於 2010-3-23 09:39 發表
如果大家覺得讓步o既應該係輕鐵, 咁可否將輕鐵改為循環線, 東行經大馬路, 西行經媽橫路出青山公路。咁o既工程應該簡單過起高架。

要是這樣，你建議的叫元朗北支線，不過你講的那條線已經有西鐵線，而且政府近年著力開發元朗南，所以我建議開設一條元朗南支線。舊線從水邊圍開始單向東行，到了現時的元朗總站，以雙線行走以下路段：

元朗總站<->朗日路<->左轉青山公路上橋<->右轉橫過青山公路<->經元政路落橋<->繞過 Yoho town< ->右轉馬棠路<->馬田路<->公園南路<->右轉公園北路，最後在水邊圍站元朗公園旁設新輕鐵總站。

元朗南支線為新設 5B 收費區，列車安排如下：

屯門到來的列車，到了水邊圍繞入新站，在站的北面設60米長月台下車(似是三聖總站的設計)，中央設三個月台作總站，發車返回屯門

761P (常設拖卡)到了水邊圍新站北月台後，改編號 601 循環線繼續前行，行走舊線東行線，到元朗站稍作停留，經元朗南線返回水邊圍，在南面設一個 40米長月台作總站，改回 761P，再行走舊線東行線，到元朗站稍作停留，經元朗南線返回水邊圍中央月台，前往天水圍

新設一條輕鐵路線在元朗南線來回行走，在水邊圍南面設月台停留，繞過北面月台進入元朗南支線

至於新站是否架空，視乎青山公路的汽車流量，以及會否在這個新站下層設巴士總站啊~
新站下層設巴士總站都唔錯，將元朗(西)巴士總站搬到這裡，擊壤路/大馬路路口咪無咁繁忙 lor~

原先的油站可以搬走，遊樂場也可設於平台(總站頂層)，天橋加升降機落返去北面月台，大致上沒有什麼問題，
不過大馬路輕鐵單線行駛能否解決這個問題，是先決條件啊

[ 本帖最後由 thomas_tang01 於 2010-3-24 10:38 編輯 ]

原帖由 laikingsouth 於 2010-3-23 11:20 發表
如果將輕鐵系統縮短至洪水橋，而洪水橋至元朗站則用Monorail（吉隆坡果種）接駁，不知
在技術上是否可行？

洪水橋點入天水圍 ?