傳教人士

原帖由 Anpretext 於 2010-4-2 19:53 發表

F6 7果時, 個個同學都話RS堂係空堂
即係有等於無

本人的母校在F.5或以上年級是沒有宗教堂，F.5以上人人都睇住個HKCEE同A Level，我諗有宗教堂都冇人有心機。

原帖由 HK104 於 2010-4-2 22:29 發表

本人的母校在F.5或以上年級是沒有宗教堂，F.5以上人人都睇住個HKCEE同A Level，我諗有宗教堂都冇人有心機。

我F4 5都有RS, 因為要考CE (一科靠背既科目)
F6 7就當係輸送宗教觀咁吧

原帖由 053h4 於 2010-4-1 23:35 發表


我讀咁耐天主教, 就無呢D野
小學就聖誕故事, 中學就變左倫理堂同讀下經
只係大時大節有祈禱會

而聖誕考試, 一般都係問"人同神"的關係, 照書答就得
好少問到本人的宗教取態 ...

外家上下係信天主教, 自己亦都準備領洗

基督教同天主教的傳教活動, 我都參加過, 天主教係溫和好多,
而且將訊息融入物品中, 亦都比好多空間比受眾自行接收...

而且天主教包容性係相對較大, 以我所知有天主教學校入面係有基督徒團契
宗教倫理科考試係考個人成長為主, 聖經內容係愈來愈少

至於最討厭的地方係一些基督教走上大廈傳教, 一味只係講神, 永生,
係感覺到那份壓迫性
(播道會已是其中一個例子)

原帖由 KE7782 於 2010-4-2 22:11 發表

申報利益：我係基督徒。
拜偶像之物是可以食的，只是說如果令人絆到的情況下，便不要吃了。重點是知道信的是主便可。（引用哥林多前書8章）
再者，如果到廟宇，到廟宇時，對方未必知道你是基督徒。當對方知道後，相信對方不會叫你上香的。
體諒應是雙方的。
#小弟本身都要在清明正日帶媽子去拜山（因媽子年老不懂路去）。

外家係信天主教, 本人準備領洗, 本人家庭係拜神
我太太同我家人同住, 我家庭係體諒的
至少我們結婚後都無需要跟長輩一起拜神
春秋二祭都有一齊去, 但我地會用鮮花, 代替上香
而且平日我地都會因為教會聚會而相就家庭聚會時間
我太太亦都唔mind家母留意通勝, 運程...
所以都是理解最重要...

原帖由 KE7782 於 2010-4-2 22:11 發表


申報利益：我係基督徒。
拜偶像之物是可以食的，只是說如果令人絆到的情況下，便不要吃了。重點是知道信的是主便可。（引用哥林多前書8章）
再者，如果到廟宇，到廟宇時，對方未必知道你是基督徒。當對方知道後，相信對方不會叫你上 ...

閣下此說, 間接說明了(部份)基督徒的執著。

如果你清楚入廟拜神只是普通習俗, 你唔信在你角度去看,
上香不過係尊重人家習俗, 與宗教根本無關, 唔會話上香後會背棄基督,
點解唔可以你調番轉去上香？

我認識的那位天主教神父說的正是這樣, 天主係通明達理既,
尊重其他人其實係"one of his faithful obligations"。
讀書時佢帶學生去outing參觀天后廟, 有同學係入面嬉皮笑臉,
結果神父黑哂口面咁送同學一句"That's enough"。
這就叫有容乃大, 俗D講句, 人地層次高好多。

中國人社會, 老人家對道教儀式執著,
說服唔到佢, 點解唔可以做場戲等佢地安心？
我屋企的基督徒, 甚至聽到朋友講, 話清明重陽拜山要燒金銀、上香、叩頭,
令佢地好尷尬。
調轉頭去講, 佢地當眾reject班老人家, 人地又唔尷尬？
基督徒所謂對宗教既堅持, 何嘗不是執著？

一年做兩場戲, 你當等長輩了件心事又好, 點都好, 咁都唔得？
幾十歲老人家, 要人地改變mindset去「包容」, 呢班耶教子孫又唔自私咩？
或者講清楚一點, 我唔係針對基督徒,
如果閣下做到, 係你道行高, 我打從心底佩服你。
但而家我見到, 係越黎越多基督教徒以宗教為由去做些令人唔開心既事。

記住大家唔係住係荒島, 任何事都要找個balance point,
你尊重你既宗教, 同時請諗下有冇傷害到其他人。

[ 本帖最後由 kwyeung 於 2010-4-3 19:14 編輯 ]

原帖由 12A 於 2010-4-3 13:43 發表


外家係信天主教, 本人準備領洗, 本人家庭係拜神
我太太同我家人同住, 我家庭係體諒的
至少我們結婚後都無需要跟長輩一起拜神
春秋二祭都有一齊去, 但我地會用鮮花, 代替上香
而且平日我地都會因為教會聚會而相就家 ...

我諗起以前中學又有另一位天主教神父對掌相十分有研究。
讀書時覺得佢「騎呢」, 畢業咁多年諗起, 其實係看通看透。
宗教不是目的, 只是誘人向善的途徑。

回想讀了七年教會學校, 學校沒有洗過學生腦,
甚至連宣傳也沒有。七年來聽過唯一的宗教典籍, 就是《天主經》。

我最記得係Father次次上週會例必講睇相,
講相由心生, 一個人寬容會係咩樣, 一個人攻於心計又係咩樣,
生活如何才會「好眉好貌」。
倫理堂係講"Should I think about life after death?",
甚至講"Should sex go beyond reproduction?"
呢類課題, 我諗係唔少基督教學校, 肯定是一世的忌諱。

首先利益申報：我係基督徒，係播道會會友

我唔明點解一有呢d話題時，大家都會將「尊重」同「認同」混為一談。
無錯我自己好認同「硬銷式」傳道方法會令人好反感，
所以我就係一d唔熱心既信徒，只會晌人地問到或feel到佢有興趣時先會分享信仰。

我自己都好認同唔同既宗教信仰都非常值到尊重，
但尊重絕非認同一樣野，好似大家所講上香咁，
你地可能覺得上香只係一種習俗，
但晌基督教眼中即駛上香唔係宗教儀式一種，
亦都係一個民間信仰既習俗，當中有敬畏鬼神之意。
我地可以尊重上香既人，唔會加以反對，
但問題係大家亦應該尊重番基督徒唔上香既決定，
如果啱啱相反，長輩們係基督徒，
如果長輩們要求d唔信耶穌既人聖誕復活節要返教會，
春秋二祭一齊晌墓前祈禱你又有咩感覺？
到時大家又可能會話：基督徒迫人信教的了。

本人係冇教派人士 只相信自己

曾經係有傳教士去我屋企作硬銷式傳教
於本人家門口 不停地推介本人入xx教
本人一在拒絕 但對方好似要將我煩死方休咁
不停咁同本人講好處 講例子
但本人已一再說明 不相信任何教派
結果該傳教士足足在本人家門口'傳'了1小時 才離去

宣揚宗教信息是好 但不要過份
如果已表明不相信教派 傳教者應離開
而不是喋喋不休地推介/引導 市民去加入/相信教派
過火ge行為只會令市民覺得煩厭

原帖由 dennislokawai 於 2010-4-4 00:46 發表
首先利益申報：我係基督徒，係播道會會友

我唔明點解一有呢d話題時，大家都會將「尊重」同「認同」混為一談。
無錯我自己好認同「硬銷式」傳道方法會令人好反感，
所以我就係一d唔熱心既信徒，只會晌人地問到或feel到佢有興趣 ...

或者咁講, 當有相同性質既天主教,
可以表現得咁大方得體, 用平常心去對待習俗儀式,
有得比較之下, 真係唔怪得非教徒既俗世人諗埋一邊喎...