青山道->紅磡土瓜灣

彌敦道一向係紅小7~12禁區，多年前紅小們一直都好守
規舉只會o係半夜先出彌敦道搵食。但自從出現旺角筲箕
灣紅小埋102站搶客後，青山道去紅磡土瓜灣紅小又有樣
學樣走彌敦道搶6C客，仲以$5和6C同價作招徠。由於紅
小車速快，所以有一定吸引力，如果站頭有十多人等6C
紅小一埋要打爆通常冇難度。

最初紅青大約只有一半班次走彌敦道，另外一半走原有
衛理道，即係佢地叫對講機所謂行A(衛理道)定行B(彌敦
道)，但近呢一年似乎所有紅青小巴都走彌敦道，再冇小
巴走衛理道了。

其實當局有冇注意到紅小彌敦道非法上落客問題？似乎
打擊力度不大(不過其實紅小走彌敦道我係受益者，因為
唔駛等客車程普遍快左)，另外，紅青小巴由旺角中心萬
寧開始就收$5，經常有熟客o係萬寧門口排隊等車，而
隔兩條街就係潮聯旺角先達去土瓜灣線，咁樣似乎
會直接威脅潮聯車客量，其實背後幫派會唔會因此起爭
執？過去紅青未行彌敦道時經過通菜街都會揚聲街市落
晒前面禁區，避免o係潮聯個站頭隔籬上落客，估唔到而
家就o係隔兩條街既地方搶番夠本。

講到青土線咁樣的話
唔止同旺土爭 仲有71號(旺紅)同X佐(唔知邊度出車 經青山道、黃金、荔枝角道)
但係青土偷雞偷得最狠應該係豉油街6C巴士站...
一來有客肯花八蚊0係0個度落 又會有客見6C未到改為搭佢

PS 灣旺、筲旺都係咁偷雞埋銀行中心102/112巴士站搶
因為崇光可以景隆街落 有客更有104唔搭 搭佢去灣仔(榮華)

[ 本帖最後由 JN6854 於 2010-4-11 23:13 編輯 ]

只要一出過事(e.g.撞車)政府就"掃下"架啦

6854版友意思係有人從深水埗區上車坐$8車去豉油
街落車。紅青深水埗上車旺角中心或之前落車收$6，
之後收$8，即使仍然係彌敦道範圍既豉油街或登打
士街都要$8。

原帖由 大傻哥 於 2010-4-11 23:19 發表

紅青係果個位收5蚊咖ching..
主要行出去o既原因都係因為衛理道入面無淡好食..佢地先會走出尼姐...

[ 本帖最後由 fai 於 2010-4-12 07:47 編輯 ]

同71競爭未必咁直接，因為始創油站位上紅青去土瓜灣
要$8(萬寧開始先$5)，兩者價錢有距離，加上71主力做
何文田區(最後先到紅磡)，紅青做土瓜灣，客路未必完全
相同。(紅青離開衛理道轉行彌敦道正正就放棄了原本少量
既愛民村客，佢地會o係李炳對面巴士站落車過橋)

另外佐敦道車行上海街，全程$5，客路又唔同。(佢地部
份由美孚開車，部份由通州西街轉入青山道開始等客。)

原帖由 JN6854 於 2010-4-11 23:12 發表
講到青土線咁樣的話
唔止同旺土爭 仲有71號(旺紅)同X佐(唔知邊度出車 經青山道、黃金、荔枝角道)
但係青土偷雞偷得最狠應該係豉油街6C巴士站...
一來有客肯花八蚊0係0個度落 又會有客見6C未到改為搭佢

PS 灣旺、筲 ...

[ 本帖最後由 fai 於 2010-4-12 09:21 編輯 ]

原帖由 大傻哥 於 2010-4-12 10:04 發表

佐敦道公海真係好慢..又多燈又塞車...
如果同一時間搭兩邊車做過比較..分分鐘佐敦道慢紅青車10-15分鐘都有可能...

公海車行荔枝角道上海街就真係好慢 , 不過有時搭中行大埔道彌敦道的話 , 爽呀 ! 仲要都係收 $5 ~~~ ( PS: 我通常嘉頓 或者 北河街上車 ... )