早繁兆康站上倒頭車出九龍，從此不可再快一班？

原帖由 horta 於 2010-4-14 16:20 發表
兆康站上倒頭車出九龍,倒不如係車頭或靜音廂月台等多班
除非有位都末心足,還要揀每行最側的那個位坐就花這樣多的時間

自南環線通車早繁加密班次以來，直至最近幾日之前(上面的師兄話因為壞咗兩抽車)，真的有許多人由兆康站上倒頭車到屯門站跨月台轉車出九龍，有些卡最多有十幾廿人是這樣走過對面月台的，這是事實，真的假不了......
他們這樣走過對面月台上一輛快要開出的列車，基本上都揀唔到每行最側的那個位坐的，因為之前 2 分幾鐘屯門站都有人上車的啊~

反而近幾次搭西鐵線，由柯士甸站去尖東站個大彎位減左速..
係咪同噪音有關呢？

原帖由 thomas_tang01 於 2010-4-14 17:13 發表

自南環線通車早繁加密班次以來，直至最近幾日之前(上面的師兄話因為壞咗兩抽車)，真的有許多人由兆康站上倒頭車到屯門站跨月台轉車出九龍，有些卡最多有十幾廿人是這樣走過對面月台的，這是事實，真的假不了......
他們這樣走 ...

估不到兆康有那麼多人想盡辦法搵位,我只係見有不少人有車到都不上車,等到有位才上
不過朝早撘西鐵去朗屏/元朗翻學都只係數分鐘車程,所以我無位都照上,或者見505 615p拖住埋兆康站都費事撘西鐵,撘翻610算

今日所見， 有乘客由兆康站上倒頭車到屯門站跨月台轉車出九龍的情況回復了，不過人數極少。
看來前面幾位師兄所說壞了的那兩輛列車已經修復了

原帖由 GD1570 於 2010-4-14 17:32 發表
反而近幾次搭西鐵線，由柯士甸站去尖東站個大彎位減左速..
係咪同噪音有關呢？

本人4月16日乘搭西鐵線由柯士甸站至尖東站所需的車程與以往相同（2分08秒），
彎位車速應沒有改變（55km/h）。

1. 請問幾時和邊份memo話西鐵少左車行？

2. 屯門站過唔切月台轉車其實不嬲都有，而且都幾多時發生，但原因在於屯門站前道盤轉向...而且都好依賴車門唔好在沿線車站有重開及delay的機會
   

所以如果可以過車的話，通常會見到月台1過月台2時，乘客上車後會有較長等候時間才開車；但月台2轉月台1，乘客上車不久就會關門開車