討論港鐵的形象

原帖由 kc_loo 於 2010-4-19 00:42 發表


無錯, 係"之前", BUT 並唔係決定左之後!
個站已經起好, PLAN 已經定哂, 話改就改? 而家玩 simcity?
尖東站2004年10月24日開幕, 九龍南綫2005年6月24日將已審批的九龍南綫方案刊登憲報, 一年之間改?  得!  唔係問題 ...

係囉，但唔知點解，東隧同成個紅磡站，畀觀塘線同東鐵用，唔止係plan好晒，仲係行左十幾年、廿幾年，咁又可以話改就改喎

尖東站係早開過柯士甸站，之前亦有柯士甸站兩線交匯既設計，根本一早就行呢個plan就唔會有問題

原帖由 mckhgc 於 2010-4-19 01:04 發表


係囉，但唔知點解，東隧同成個紅磡站，畀觀塘線同東鐵用，唔止係plan好晒，仲係行左十幾年、廿幾年，咁又可以話改就改喎

尖東站係早開過柯士甸站，之前亦有柯士甸站兩線交匯既設計，根本一早就行呢個plan就唔會有問題 ...

柯士甸站在M記接手後，修改佐D喎好似，至少跟縮少規模省錢有關。原本九廣西鐵時既九卡設計都變八卡，仲點會同你玩雙層，仲要個雙層可能用得好短時間。

原帖由 053h4 於 2010-4-19 01:14 發表


好似東西鐵咁, 根本就可以統一
只係提早更新信號系統, 就可以免除好多轉乘站爭議

東鐵綫同西鐵綫統一一樣有爭議，不計柯士甸站、尖東站及紅磡站，其它站只能容下九卡喎... 東鐵綫要變九卡咪一樣有問題...那個世上城市內集體運輸鐵路最長卡數的包伏。

原帖由 barking 於 2010-4-19 00:49 發表


將心比己, 東鐵綫一樣想直到尖東轉一次車過海啦 (不談轉隧巴)
而西鐵在南昌也可以轉一次過海

其實南北綫, 要唔要令東鐵cut卡?
既然東鐵係12卡, 就盡量唔好改編成啦 (改長就話je), 因為長遠來說, 東鐵有大量客量 ...

根本東鐵過海就唔係一個好既方案，減卡係其一，有人話減卡加班，聽著先好喇，之前夠話尖東歸西後，西鐵會加班，紅磡站「行過對面」幾「方便」啦，結果？

仲有東鐵死症：直通車，又係一大問題，真係咁易加到班？有人話到時已有高鐵，直通車唔取消都大幅削班，又係聽著先好喇，據說東鐵變成南北線過海後，南北線同東西線o係紅磡站，都會用地底新月台，現有月台會畀直通車用，即係話直通車月台由二變六！削班反而大幅增加月台數量？

更大鑊既，係如果馬鞍山線過海既原方案，咁大圍/顯徑<>鑽石山呢段新路，尚可吸引沙田城河東、馬鞍山既過海客用，因為有免轉車優勢，但東鐵過海的話，此路段優勢將降至零(點解？自己唸)，大圍<>九龍塘樽頸地帶，擠逼勢必進一步加劇

原帖由 kc_loo 於 2010-4-19 00:45 發表


如果轉車唔係問題, 跟本就唔需要討論咁耐

單刀直入，論客量，西鐵有必要「座擁」三個（美孚、南昌、尖東）有效的轉車站咁多嗎？
而東鐵則只有一個有效的轉車站（九龍塘）

原帖由 barking 於 2010-4-19 01:17 發表


單刀直入，論客量，西鐵有必要「座擁」三個（美孚、南昌、尖東）有效的轉車站咁多嗎？
而東鐵則只有一個有效的轉車站（九龍塘）

你講漏左一樣野，就係西鐵仲要係三個站都係一轉車，就係過到海既路線
東鐵？唔止得一個九龍塘，轉著條觀塘線，只係另一個重災區
尖東歸西，連同觀塘線兩度讓路，可見每一次路線改動，讓路既、被犧牲既，都係東鐵線、觀塘線客