討論港鐵的形象

如果真的不加價會更好.

原帖由 cn2661_2d32 於 2010-4-17 11:41 AM 發表
其實車站內裝我覺得比以前好左好多.唔鬧得晒佢
紙皮石比人感覺係70-80年代產物.作為所謂先進的世界級鐵路,
感覺點都要現代化.總冇可能好似london tube咁....成百年都仲係瓷磚吧.

唔夠親民係真的
以前九鐵,除左好多 ...

其實管理上的問題，間間公司都會有，只係沒有浮上水面比人知道
個人覺得九鐵差的地方在於公關太老實同埋唔識點去包裝品牌
也夾雜了一點不好彩，調查報告指裂紋事故屬事故全世界首次出現，防不勝防，可是卻深深破壞了九鐵的形象
但九鐵很多地方都做得好貼心，好顧及乘客感受

反觀港鐵感覺上唔係太肯洗錢，感覺上是用優惠等去留住乘客，但前線人員的服務水準卻不斷變差
改善車站實質上是加商舖，感覺上有點賺到盡的感覺

原帖由 ahbong 於 2010-4-17 13:22 發表

你講既係大市場既情況，港鐵係大市場既其中一分子，參與投資既市民亦係其中一分子，領匯又可能係其中一分子。

刺激投資是否負面影響市民，亦不能一口咬定。市民從投資中亦可獲利及改善生活質素，更多投資創造基層就業等，不過我唔講太遠喇。

至於兩鐵合併後的港鐵形象，我自己就覺得相當滿意，而且亦做得相當積極，例如經常賣電視廣告，推出創意車票及市場推廣，在公交市場上絕對走於前線。

市民從投資中亦可獲利及改善生活質素，更多投資創造基層就業等
呢句說話就我或者大家去睇，簡直真係非常官腔

無錯係會有市民從投資中亦可獲利
但係有幾多市民真係可以獲利兼真係改善生活質素，真係值得商榷

而且程度上，參與投資既市民 及 無參與投資既市民 差幾多呢？
你又認為是港鐵領匯等地產商賺得多 定 市民可以有能力賺得多呢？


我相信唔駛多講，市民都可以比到答案
而你就對港鐵太樂觀喇。。


至於兩鐵合併後的港鐵形象，你就覺得相當滿意啦
你一向都係認為港鐵係做得比其他交通工具好
你講既經常賣電視廣告，推出創意車票及市場推廣，在公交市場上絕對走於前線
是否都是等同於大部份或所有市民港鐵都是一間有良心的公司，有責任心的公司呢？

我都認同港鐵的市場推廣成績不俗
不過又是否等同可以捉住香港人既心呢？
我就認為仍然值得去討論！

[社評mode on]

的確九鐵可以話唔好采.黑起上來真係乜都一齊來.
天災係裂路軌,裂車底跌野出來,壞車.
人禍係班"臀結"的管理層下屬諗住一齊兵變玩謝田二少.

天災果度,根本就係一條路軌問題加車隊老化(MLR先天問題加比人over exploit係人都知,唔洗多講),比條路軌un多兩un架車裂左.再比人發大左.講到話可能全線收車等等.令九鐵比人覺得好荒誕. 其實問題只係出係條路軌呢一個factor..只係佢唔好采,Series of event仲難過中六合采都比佢中埋. 人黑就真係跟住你.唔到你唔信

至於人禍, 前線員工如之前講,其實佢地效率冇問題. 係個唔官唔私的管理層大量冗員存在,田少又太急功近利加壓力落呢班"寄祿官(意即得個位同收人工,冇真正功用的職位)"上面,攪到呢班一人之下萬人之上的奸國舅唔妥佢,就一齊攪事.諗住鐵飯碗.加埋群眾輿論壓力赶果個直得滯,矇下矇下的田二少落台.
講真.係任何機構攪d咁ge野,係人都話你唔岩.民心又得唔到喇,上頭同政府又得罪埋.大眾又再次認為九鐵狗屁不通,可以話係胡混之極.
九鐵管理層一路以來都係政府高薪養懶人的地方,但奈何前線果度唔係.九鐵前線人人博晒命做左萬樣minor的稱心好事, 但都蓋唔到一單天災一單人禍的major惡事.

總之大眾因呢兩樣野, 對九鐵短時間之內印象變成:管理極之胡混, 安全性極之差. 地鐵既都係政府個親生仔,又掛住全世界數一數二的一流鐵路商的名,加埋諗住減車費,緊係全民呼叫地鐵做白武士救下個危急存亡之秋啦. 大眾以為,地鐵唔來,九鐵好快真係會甩卡跌電箱同車底穿洞. 諗真下.20年前九鐵係上水撞左秋黃頭, 斷左幾次電纜,同地鐵一齊壞左萬次信號,咪又係咁. 時勢問題. 呢次九鐵黑仔.咪變左要收山收場lor.

地鐵真係管理得好好?佢壞車唔少得過火車.係冇公布吧.唔到市民報料,報紙踢爆,運書處逼佢寫report,佢都唔話你知我壞左signal壞左車,塞左係隧道. 係九鐵當年乜都登晒出來九鐵傳真你咪知佢呢個月死左幾次車lor.近年壞左幾多次地鐵.大家都知.唔洗我講.佢管理有幾好,有幾多人鬧,加埋澳洲的蘇州屎錦上添花.

所以.歷史的真相係點? 大家雪亮的眼睛係知的

[社評mode off]

只睇去九鐵化
其實 , 某部分改既我真係支持
不過 , 有唔少又真係多舊魚 ..
好似指示牌 ... 大家都係 show 同一樣野 , 洗乜專登換過 ..
但相反 , 有 D 真係更方便人 [ eg 輕鐵既車站牌 , 好似天富個隻 ]
只係 .. 港鐵係 partly 好 partly 差 ..

原帖由 樂仔〞 於 2010/4/17 16:02 發表
只睇去九鐵化
其實 , 某部分改既我真係支持
不過 , 有唔少又真係多舊魚 ..
好似指示牌 ... 大家都係 show 同一樣野 , 洗乜專登換過 ..
但相反 , 有 D 真係更方便人 [ eg 輕鐵既車站牌 , 好似天富個隻 ]
只係 ..  ...

指示牌統一唔好話唔重要, 尤其對人生路不熟的遊客, 指示牌統一對佢o地容易從各類標語廣告指示等等辦認出指示牌出來十分重要。

PS: 你唔快o的改返 "多 X 魚" 個字, 相信你好快會o係度消失一排。

原帖由 cn2661_2d32 於 2010-4-17 11:41 發表
其實車站內裝我覺得比以前好左好多.唔鬧得晒佢
紙皮石比人感覺係70-80年代產物.作為所謂先進的世界級鐵路,
感覺點都要現代化.總冇可能好似london tube咁....成百年都仲係瓷磚吧.

唔夠親民係真的
以前九鐵,除左好多 ...

講用心服務, 真係九鐵好..
相比而家港鐵所謂「心的服務」真係好大既對比…

港鐵一直講既「心」只不過係講一套做一套….
係廣告上講到點好… 但最後出來既完全兩回事…
根據佢地係員工training上… 講服務既唔多..
落到去operation既位置上.. 根本唔會同你講咩叫「心的服務」..
一大堆無聊又長氣既政策就有… 完全冇提及廣告上要做既野…

同埋不論而家港鐵好, 合併前既地鐵好…
港鐵門面功夫真係做得好足…
但實際上係點… 大家真係有眼見….

合併左之後仲衰…
只掛住做門面功夫…
完全唔記得左合併既真正目的…
完全唔覺得合併左之後, 有咩好左…
合併… 當然係將兩者好既野.. 拎來用…
務求令服務做得更好…

但港鐵就岩岩相反….
將大部份好既野佢唔要…反而將差既野去取代好既野..
都唔知咩道理來既….

仲有去九鐵化方面….
真係顯得港鐵佢好小家….
當然有d真係有需要係換…
但有d完全係可以唔需要換…
好似西鐵綫既出口指示牌, 本身已經有一個框係度…
唔明港鐵點解係都要將佢新果個夾硬裝係上面…
Size完全一樣… 其實換番張圖/ 紙已經可以..
唔明點解話要環保.. 但佢自己做既野就完全相反架囉..

真係好直接咁講…
港鐵將d錢浪費埋係d非必須既事情上面…
反而真係有需要改進/ 對乘客有利既野.. 佢就唔願俾$....

反觀九鐵係呢方面真係做得好好….
佢公關方面唔可話做得好… 但用心既服務真係睇得出…
起碼佢會將「票務處/補票處」同「客務中心」分開…
「票務處/補票處」主要係做留乘客關於票務或者問唔既用途…
「客務中心」就真係提供到地方俾乘客發表意見, 詢問等…
走佢九鐵年代既「客務中心」…. 佢真係有個職員係度, 你可以慢慢係度聽你既意見… 佢真係會mark起佢.. send番上公司…
睇番而家港鐵所謂既「客務中心」..
你試下講多少少野… 個職員已經開始黑面….
就算個職員唔黑面… 後面排隊既都開始會問候你….
港鐵果個「客務中心」..
其實咪又係一個普通既票務處…. 只不過係個名俾佢修飾過…

仲有港鐵每個月一次既「黃昏茶敍」同埋半年一次既「透明列車」…
佢講到好重視乘客既意思… 如果係有心既話, 就唔會要只係得某個時間…
人地九鐵… 真係一年365日都開過客務中心俾你講野..
仲話埋地方同開放時間你知…
港鐵果d你唔問.. 佢都唔講… 鬼鬼祟祟咁… 方死好多野唔俾知咁…
仲係指定時間…

仲有港鐵係好少理乘客意見…
去客務中心, 佢係唔會mark起佢..唔會上公司…
除非你玩d大.. 要去控制室同站長投訴…
熱綫都係…. 有次我打去熱綫講d意見…
我話要佢覆番我…
點知佢同我講唔會覆… 因為我d意見紀錄在案… 只供港鐵參考…
佢咁講, 即係話我知佢地「聽完就算」…
好心啦… 扮下野覆下…
就算覆番同一樣野… 我都順氣d.. 都覺得你有做過野呀…


九鐵果邊…. 聽完真係有回覆…
回返來既野, 可能都係廢話… 咁起碼個客都順氣d呀…
同埋九鐵係會接受乘客既意思… 肯去改…
佢地亦都會提供協助…. 禮貌又好d…
對比下地鐵同九鐵既車站票務處就知…
(當年有小部分九鐵職員係差d… 地鐵都有好少部份比較好d)

對港鐵.. 心淡了…

[ 本帖最後由 JA5674 於 2010-4-17 16:43 編輯 ]

原帖由 superay 於 2010-4-17 13:55 發表


其實管理上的問題，間間公司都會有，只係沒有浮上水面比人知道
個人覺得九鐵差的地方在於公關太老實同埋唔識點去包裝品牌
也夾雜了一點不好彩，調查報告指裂紋事故屬事故全世界首次出現，防不勝防，可是卻深深破壞了九鐵的形 ...

青衣車站係我一直認為係一個好好既例子….
話就話加一個出口, 等乘客方便d…
但實際上係順手加埋店鋪… 而家咁改一改.. 起碼多左10幾間…
真係讚到笑….


同埋果個所謂幫你加既出口.. 開都開唔夠10個鐘…
仲要係人地間鋪入面… 又唔係方便…
人流有幾多… 大家都見…


仲要改埋閘機既位置… 間接令更多人衝門 (你知東涌綫幾「密」架啦…)
又唔安全, 又阻礙其他乘客同自己運作…有咩謂呢….

我迷鐵路係因為以前有一間有熱誠既鐵路公司-九鐵
合併後既港鐵真係令本人麻木了, 鍾情於鐵路既程度亦都大減

以前千九有個1:1既模型比人參觀; MTR?....
以前KCR個乘客聯絡小組多年來真係聽乘客既意見改善了不少設施,
(包括車站, 車廂設施, 以至車身顏色); 反觀MTR...