要求港鐵公司停止收取月台幕門附加費

原帖由 053h4 於 2010-4-27 21:13 發表

根本有D野係與時並進, 係唔係每加一項改善設施, 就代表可以合理額外收一次錢?
巴士閘門香港就無啦, 廣州BRT就有, 我就唔見人地要收閘門費

除左幕門之外，仲有邊一樣改善設施收你費？

廣州無收費，香港就唔可以收？

真係唔知咩諗法。

其實老實講，額外設施收你費，我都好懷疑係巴士公司做先，如果唔係點解同一條路線，裝多部冷氣就收貴 30%？

[ 本帖最後由 ahbong 於 2010-4-27 21:41 編輯 ]

原帖由 ahbong 於 2010-4-27 20:51 發表
唔係將我講既野移花接木，就代表邏輯上同樣成立。

巴士或者地鐵係一定要開車門上落客，因此無理由要為車門額外徵收電費，但幕門係第二度門，亦即是本來無須安裝及保養，而因乘客或社會要求而額外加上的設備。若果若干年後社會要求巴士公司於所有巴士站都裝置幕門，巴士公司應該有相同理據向乘客收取有關費用。

邊個敢將你講ge野移花接木呀, 你係邏輯王黎wo, 邊個敢同你鬥呀...

九巴係藍田巴士總站已經興建左一個 "冷氣候車室"
乘客可以係呢個冷氣候車室, 涼住冷氣等車, 唔駛吸廢氣.
巴士黎到啦, 冷氣候車室的幕門先會打開, 乘客就可以行上巴士度.

呢一個"冷氣候車室", 何止多左幾對要用電啟動的門呀, 直情開多幾部冷氣添,
你有冇見九巴向使用呢個候車室的巴士路線的乘客收取額外費用?

冷氣候車室的幕門, 一樣係第二度門,
本來亦係無須安裝及保養ge，巴士公司本身亦無責任向乘客提供冷氣候車間,
呢d都係因乘客或社會要求而額外加上的設備,
又唔見九巴要每程停靠該候車室的巴士線收多一毫?

我應該無理解錯你ge邏輯拿呱?

我覺得按道理任何改善服務都有加收費用o既理由, 因為你享用o既服務已經同以前唔同o左, 係多o左額外增值o既o野。唔加收只係佢考慮很多其他因素作出o既決定。

原帖由 053h4 於 2010-4-27 22:02 發表


你認為"改善設施"應唔應該收費先?
港鐵其他改善設施唔收, 就代表閘門應該收?

另外, 裝多部冷氣就收貴30%的問題, 我就從來無評論過合唔合理啦
如果你認為巴士公司唔岩, 港鐵就應該要學? ...

我認為，很難就你第一條問題得出一個單一的答案，指任何改善設施應該／不應該額外收費。

我認為巴士公司／地鐵收取額外費用，並沒有不妥。因為巴士公司確實可以繼續使用非空調巴士服務，地鐵亦可選擇不在月台上裝幕門而不會增加額外成本。不過若果在兩者之間，我認為巴士公司為冷氣巴士定出較高費用，比地鐵公司收取幕門付加費更不合理。因為巴士公司之所以引入冷氣巴，部份係為左提升自己的競爭力，但地鐵建幕門，其實並無直接提升地鐵的競爭力的。
亦因此，幕門收付加費並非絕對不合理，只要確保有一個制度去監管有關費用的確用於幕門之上就可以。
不過我唔會再詳細討論呢件事。

[ 本帖最後由 ahbong 於 2010-4-27 23:00 編輯 ]

既然要對MTR諸多不滿，何不選擇一些閣下認為比鐵路更好的交通工具？

原帖由 AVW56 於 2010-4-27 21:46 發表


邊個敢將你講ge野移花接木呀, 你係邏輯王黎wo, 邊個敢同你鬥呀...

九巴係藍田巴士總站已經興建左一個 "冷氣候車室"
乘客可以係呢個冷氣候車室, 涼住冷氣等車, 唔駛吸廢氣.
巴士黎到啦, 冷氣候車室的幕門先會打開, ...

42C遲遲不全冷減價，變相每程收多你$0.2 .
如果來一部熱狗就話抵搭，冷房等熱車。

原帖由 Megabus 於 2010-4-28 03:57 發表
既然要對MTR諸多不滿，何不選擇一些閣下認為比鐵路更好的交通工具？

MTR作為公共事業，政府運輸政策更偏向MTR，甚至幾乎壟斷交通市場
作為小市民無可避免或無可選擇之下必須要選擇港鐵，對港鐵有不滿而發聲乃合理到極

閣下之言論雖然乎合板規，但對文章主題完全欠缺建設性。
有不滿唔可以發聲要被屈服，這是什麼社會？這是什麼的人格？

原帖由 Megabus 於 2010-4-28 03:57 發表
既然要對MTR諸多不滿，何不選擇一些閣下認為比鐵路更好的交通工具？

小市民有選擇嗎?

君不見每逢有新鐵路開通, 運輸署定必全力配合, 向巴士公司施以行政手段?

君不見屯元天至今仍是由輕鐵壟斷區內交通?
B2 開通, 嶼巴想順便做埋天水圍至元朗的一段短途生意, 但運輸署都話唔比,

我們有選擇嗎?