要求港鐵公司停止收取月台幕門附加費

原帖由 053h4 於 28/4/2010 14:31 發表
又係用人地唔合理的決策, 合理化一d港鐵行為 ...

(下略)

加價一樣不只係港鐵，經濟從來都係咁，
一到某個週期就乜都加加加。
而且你呢句好有「港鐵行為＝錯」的感覺，
俾人個印象係你無理反港鐵。

咁講，佢有無講過幾時收完先？
之前的回文好似無清晰咁提及過。

[ 本帖最後由 238X 於 2010-4-28 14:40 編輯 ]

原帖由 238X 於 2010-4-28 14:22 發表
仲有，果個積少成多... 唔該自己諗下港鐵係咩機構。
佢唔係私營的，大佬，每年收入夠我過世啫，但港鐵唔
係一個人的，收多咁多錢，主席果 D 人無甜頭的。
所以講呢句野其實無意思，唔通收番來 D 錢用來整
六合彩，一個人食哂佢咩？

雖然你貴為評分專員, 但大家都係理性討論姐, 唔好講到咁陰謀論,
如果大家真係驚左你, 我諗大家可能連回你都費事.

收咁多錢, 管理層, 包括主席, 係有甜頭架.

收咁多錢, 增加左現金流, 現金流對做生意好緊要, 咩生意都係.
多左資金, 對港鐵公司對外發展非車務生意有正面作用,
對外的非車務發展做得好, 股價上升, 吸引更多人入股投資港鐵公司,
港鐵公司資金流結果再上一層樓, 不停發展落去...

管理層, 除左有固定薪金, 仲有按工作表現及公司業積而發放的花紅,
管理層當然唔係直接將附加費所得食晒, 但該筆附加費的流入,
對港鐵公司發展, 以致他們的個人花紅就好有關係.

都要有人有生意俾佢做先得。
而且，如果好似你咁講，果筆錢就更加顯得細了。
筆錢如果有影響，應該已經充份反映喺港鐵年報度。
我唔係幾得閒搵，有無人俾到數據出來？

原帖由 053h4 於 28/4/2010 14:54 發表

一年近一億都算係細數目?

咁本身如果無呢筆錢，現金流又有幾多呢？

之前我都講過，係咪應該有個正確既基數去比較？

而且如果佢安左個咁既名目，年報可能要當特殊收益的吧。

咁我唯有認輸了

不過影響唔係好大又真係事實。

減價與否，與幕門附加費無關，亦不能因合併時減過價，而使幕門附加費忽然被抵銷，或者使附加費忽然由合理變成不合理，或者由不合理變成合理。

因此，幕門附加費的合理性，早於二零零零年已經有定論。板友貼出的立法會文件，亦顯示附加費的實施獲乘客接納，不明白為何每隔一段時間，又要拿出來討論其合理性。

另外，既然要收回九億一千萬元成本，亦即是要儲足九十一億個八達通車程，才能全部收回成本。 以現時港鐵客量每月約一億人次（當中包括前九鐵路線、單程車票等不用付幕門附加費的車程在內），每月都只能收取少於一千萬元幕門附加費，起碼要91個月，即7.5年才能回本。而現時港鐵表示要收到2014年，應該是計算了非八達通車程後，以及徵收幕門費用頭幾年，地鐵乘客量比現時少的因素（2001年港鐵每月總乘客量只有6千6百萬左右）。

此板久唔久就有人提出取消附加費的要求，要有兩點成立才能成為一個合理的要求：(1) 有關措施具追逆力；(2) 提出的理由充份並足以推翻2000年時決定收附加費時的決定。我自己就覺得，兩點都不成立。