[建議]港鐵全線安裝新聞直線

原帖由 hv6817 於 2010-4-30 12:23 發表
新聞直線唔係必需品，而家已經有都市日報等等免費娛樂，本人推測港鐵話唔定有權好似裝月台幕門咁每程收多你一毫用黎資助裝電視機、發射訊號、節目制作費等。 ...

如果裝了之後，港鐵和有線合作把項目上市（好似Road Show咁），應該唔駛向乘客收安裝費吧！
網絡擴充後，廣告費應該會係流動媒體中數一數二貴（以觀眾量考量）

放心
下年等CRC-stock黎到咪有新聞直線

原帖由 JX9097 於 2010-4-30 15:18 發表
講真,一卡車廂都裝到唔少人(至少都幾百個)
點都夠應付唔想聽/睇呢類嘢嘅人

同埋,依家好多港人都習慣搭車期間聽mp3/睇片
即使係唔係靜音車廂,對佢哋而言都冇分別

所以,一卡靜音都夠哂喇... ...

我搭車想聽MP3/睇片,
唔代表我想被逼睇新聞直線架BOR,
車廂入面根本有時大聲到塞左耳筒都聽到佢D廣告.....

原帖由 ksmbh 於 2010-5-1 15:14 發表

我搭車想聽MP3/睇片,
唔代表我想被逼睇新聞直線架BOR,
車廂入面根本有時大聲到塞左耳筒都聽到佢D廣告.....

西鐵個邊, 最近d新聞直線己經細聲到聽唔到...

細聲到咁, 我當時仲以為係自己入錯左靜音車廂,
點知, 原來唔係我入錯, 而係新聞直線被校細聲左,
唔只一班車, 係好多班車都係咁樣

而家靜音車廂同普通車廂可以話係無分別,
一樣係無聲!

我強烈要求新聞直線的音量要回到之前的水平!!

原帖由 AVW56 於 2010-5-1 15:39 發表

我強烈要求新聞直線的音量要回到之前的水平!!

耳朵的聽力及敏感度，本來就是人人不同。有些人對某類聲音特別敏感，而聽力亦會隨年齡、精神狀態等變化。因此雖然閣下認為現時新聞直線幾乎聽唔到，但對我或某些人而言，其音量已是大得難以接受。而相比起Roadshow，我認為新聞直線的音量一般偏大，我認為可考慮全面加入字幕。

原帖由 ahbong 於 2010-5-1 18:07 發表

耳朵的聽力及敏感度，本來就是人人不同。有些人對某類聲音特別敏感，而聽力亦會隨年齡、精神狀態等變化。
因此雖然閣下認為現時新聞直線幾乎聽唔到，但對我或某些人而言，其音量已是大得難以接受。
而相比起Roadshow，我認為新聞直線的音量一般偏大，我認為可考慮全面加入字幕。

唔駛咁快手借位入話我年紀大同埋精神狀態有問題GE.

等夜D, 多D站友上黎, 就自然知道, 究竟係我耳仔聽力差左,
定係最近港鐵真係調低左新聞直線的音量至一個幾乎聽唔到的水平.

九鐵的一切都是美好的。九鐵時制定的新聞直線聲量也是最好的, 港鐵不論是將之調高, 還是調低, 都是罪大惡極的 "去九鐵化" 行為。

作為一個唔多坐東/西鐵線的人來講
除左西鐵開張時的聲音較大外
現在... 尤其是東鐵, 就連冇乜人時根本都聽不太清楚
人多時, 真係睇口型
呢個根本就係設定音量過低的問題
而唔係個人的聽力問題

有站友講得好
車箱上講手機, 甚至是過境人士那些 bilibala 的說話聲
比起電視的聲音還噪吵
聽 MP3, 插耳筒打機的倒反還好一點