16/5/2010(日)立法會5區補選2010

原帖由 DIH 於 2010-5-17 23:00 發表
我認為要求2012有普選，而家先公投係太遲，應該放眼2017；功能界別應該逐漸陰乾。

佢地個公投其實主要議題係廢除功能組別，爭取雙普選。2012係人都知無可能。

原帖由 DIH 於 2010-5-17 23:00 發表
社民連只是貫徹他們的路線，我無乜好講；
但公民黨，已經一而再、再而三地前言不對後語，難道是律師的職業病？

或者應該咁講，佢地都係學左共產黨「毛澤東思想」入面的鬥爭方法而已。
呢套野我雖然極不認同，但係諗深一層，如果諗住用西方議會手段同共產黨鬥，又真係太高（低）估共產黨。

原帖由 3ASV196 於 2010-5-17 23:16 發表

其實咁下去, 下下大家埋怨, 真係點可以集中泛民力量lei....

或者咁講，整個民主派其實都中左共產黨的圈套。

共產黨鬥爭方式之一就係「拉一派，打一派」，而家好明顯就係拉緊民主黨果邊班溫和民主派，
佢地仲諗住可以同中共去談判。但係談判完之後，就算中共話應承雙普選廢功能組別，你估佢過多幾年可唔可以反口？
佢拉完你之後，掉頭來可以打返你。

當然，公社兩黨一開始反反復復，擺明係陶醉在精神上勝利，一開始已經衰左。

原帖由 S3BL100 於 2010-5-18 09:14 發表


或者咁講，整個民主派其實都中左共產黨的圈套。

共產黨鬥爭方式之一就係「拉一派，打一派」，而家好明顯就係拉緊民主黨果邊班溫和民主派，
佢地仲諗住可以同中共去談判。但係談判完之後，就算中共話應承雙普選廢功能組別，你 ...

講中圈套的話，最遲自1984年英國在香港前途談判讓步，就已經係中圈套啦。
香港的命運，由鴉片戰爭開始，百多年來一直都是倫敦和北京說了算，香港人何曾有過當家作主？

可悲的是，香港假如要實行政治上真正自主（例如完全無北京插手的普選），
唯一可以做的只有抗拒共產黨統治而獨立，或天真一點投靠中華民國，
但唔好話軍事鎮壓喇，單係截水截糧已經夠死啦，
中共甚至可以用人道立場繼續供糧水，向佔大多數只想安居的市民懷柔招安。
假如要活命，香港沒有真正民主是必然的，除非得到廣東省倒戈保護，
但這是沒可能的，廣東跟北京比跟香港還要親。

我咁講唔係消極，而係事實，針對事實而如何應對，則是各說各話了。

原帖由 LN9267 於 2010-5-17 15:03 發表


陰謀論:

2008年立法會選舉,社民連大力狙擊公民黨,這次則合作推動五區總辭,
是否想藉着這次機會令公民黨名譽掃地,繼而社民連在2012年立法會選舉拿多一些議席呢? ...

呢D正係...乜都冇,爛命就有一條既玩法

點解後生一輩會有一堆人出黎支持較為激進既方法

正正係反正傳統議會文化下,
民主派做到既野有限,
D人開始到佢地冇左一種期望,
反正都係咁,
不如激進D,
至起碼就算結果係公社兩黨做唔到野都好,
起碼,
呢一啖氣可以有人幫佢地出到

我身邊有一些同學、老師是支持公社兩黨,
相信是因為他們對中共和特區政府有很大的不滿,
而公社兩黨説中了他們的心聲,
他們不支持公社兩黨才怪。

我只有一句:不少年青一代未諳世事,看事物太表面,實在很容易被別人利用。

或者咁講，後期已經只係得谷高投票率，
咩香港未來靠你一票，盡公民責任就要投，
根本就唔當隻game原意在眼內，

再借勢想谷高投票。

不過，過左516，情況明朗左唔少，
衝擊程度比預期細好多。

但對公民黨衝擊就大...
預期目標(我自己估計既)達唔到之於
原有支持者又有流失

叉開些少話題黎講
我覺得咁多個國家裡面只有美國係比大陸更熟悉乜野係negotiation同bargaining
只要睇下大陸買飛機時點響A廠同B廠之間選擇
同埋又點樣令各大一線鐵路車輛廠商都乖乖交出高鐵技術就知

至於講到當家作主
我覺得其實只係因為香港社會確實已經形成左自己ge獨特性
而令太多人忘記左香港從來都唔係一個國家
意識形態上經常唔多唔少以"香港係一個政治實體"做本位黎思考政治

[ 本帖最後由 kychung 於 2010-5-18 19:15 編輯 ]