兩巴反對停車熄匙例 【評分專員按：本主題禁止評分】

原帖由 迷你多啦 於 2010-5-28 11:33 發表
如果唔太曬的話係可以KEEP到好耐
大半個鐘至一個鐘都可以

如果部車真係太熱你大可以提早俾D人上車
並係D人上車前三分鐘左右開左引蒘及冷氣先 ...

你有無搭過響總站泊左好耐之後開的巴士?

早兩個月(當日天晴但天氣絕對唔熱) 我就試過一次,
上車果時熱到大家都頂唔順, 個個都話熱
到落車 (15 分鐘後) 果時, 架車個溫度先叫正常返少少

如果係大熱天時, 你估三分鐘真係可以整返涼架車?

原帖由 迷你多啦 於 2010-5-28 11:18 發表
其實當熄左引擎之後
只要關好晒車門以及司機位車窗
基本上係可以keep住d冷氣係車廂內
直到再開返車
基本車上已經夠凍

我建議你宜家好天既時候下晝去青衣機鐵站搭任何一條路線試試

＃２既版友，如果將佢既一番說話應用係一間用石屎搭建既房屋
　　就的確可以熄冷氣15-30分鐘後，仍然感受到冷氣既

問題係果架係巴士，先唔講巴士金屬車體可以令被巴士快速變熱
就講一架剛剛到站、熜匙，咁既情況肯定熱烘烘啦個引擎
咁樣係冷熱溫度盡快平衡既情況，就會令冷氣加快變做暖 甚至熱空氣


我只係覺得好彩，＃２既版友唔係所謂環保團體
該等環保團體完全忘記巴士是傳導力強金屬車身、而非傳導力弱的石屎
而且巴士行走時引擎的熱度頗高，25.5度冷氣實在係同運輸處連成一線
乘機逼市民唔好搭巴士。。

再加埋＃２版友既冷氣極慢走失理論，實在不能想像

＊本文乘機抽水，請諒。

原帖由 迷你多啦 於 2010-5-28 20:59 發表


上星期先搭完
果時架車係由六點幾(未收太陽)泊到七點幾先開
架車係一開左引擎就行
車廂已經夠晒涼爽

咁都要睇埋當時陽光猛唔猛先得
有次去觀塘碼頭搭80X返秦石, 當時好猛陽光, 一上車個車廂焗到......
直至去到大老山隧道, 車廂溫度先回復正常......

原帖由 迷你多啦 於 2010-5-28 21:15 發表


我之前都講過如果唔太曬的話係D冷氣可以KEEP到好耐

如果有得部車泊住係度無人都照開住冷氣太耐
好唔環保姐

只可以同你講,一部車就算擺係一個有蓋o既地方,係熄車之前係成架車非常涼快o既,

係熄車之後3個字內d冷氣已經走得七七八八,半個鐘內d冷氣一定全走

你唔好以為冇太陽d冷氣就唔會走啦,

你d諗法真係同d環保團體冇咩分別,成日講一大堆佢認為有用o既方法,但又唔諗下實行起黎係咪真係有用

原帖由 迷你多啦 於 2010-5-28 21:15 發表


我之前都講過如果唔太曬的話係D冷氣可以KEEP到好耐

如果有得部車泊住係度無人都照開住引擎同冷氣太耐
好唔環保姐

如果個總站架架車都照開住引擎同冷氣
成個總站肯定多左好多廢氣同熱左好多
係度等車等多一秒鐘都 ...

反對開車前先著得車絕對唔等於成個總站架架車都開住引擎，唔等於泊車無人都開住引擎，
而家現實情況係成個總站D車都開住引擎咩？
請不要誇大你的假設作為一個支持自己的論點。

原帖由 迷你多啦 於 2010-5-28 20:59 發表
上星期先搭完
果時架車係由六點幾(未收太陽)泊到七點幾先開
架車係一開左引擎就行
車廂已經夠晒涼爽

啊, 我打少左「日頭」呢個字, 俾你捉到字虱添

六點幾仲有咩陽光?
你去天文台睇睇, 就算係空曠地方,
未到 6:30pm 太陽輻射量已降至零 (或極接近零)

何況泊到七點幾? 你上車果時已經乜光都無晒, 梗係唔熱啦

K52 未搬去屯門站之前，有次正午時份o係屯門市中心坐架 6 頭去龍鼓灘，一上到去……嘩正到無人有。

o個次部車去到置樂先開始散咁o的熱氣，過到去兆禧o個邊架車先開始涼番透。
中途仲要o係停燈o個陣入空波踩行副偈去推郁個冷氣泵。

o丫，唔知部車空轉幾分鐘用油用得多定踩行副偈用得油多？