西鐵列車怪聲一問

並唔係乜野接電，只係呢個equipment關回後的聲音，因為都係用氣動的...而列車就係有呢個equipment而不用變速...另一方面講，就係列車太高速才需要它，如果列車係行得勁慢，呢個equipment係可有可無的

講多少少，呢個equipment叫VCB，係一個類似relay的開關，當列車去到中性區前列車就會收到訊號，把相近的VCB開口，而過了中性區後就會關上...由於集電弓理論上係長期收電，VCB都係處於normally close位置，所以開口時係會聽到氣聲推開，而過了中性區就會收到訊號關上，就係呢個原因，關上時彈埋時聽到的聲音是很嚮的

其實過中性區時﹐支pan 要不要降低不接觸電纜?

原帖由 kei_hk 於 2010-5-30 17:50 發表
其實過中性區時﹐支pan 要不要降低不接觸電纜?

呢個裝置就是等同一個開關，以至不能通電，故不需降弓...

而且常理，列車咁高速駁過，按制一落一升都成10秒

請問東鐵/市區線的其他列車有沒有類似的裝置?

原帖由 s3n370 於 2010-5-30 20:04 發表
請問東鐵/市區線的其他列車有沒有類似的裝置?

東鐵同西鐵都係行 AC 25kV，東鐵沿途都有設有中性區防止撞相。

地鐵同輕鐵因為行直流電，所以唔需要有關裝置。

原帖由 ATE24 於 2010-5-30 20:34 發表

東鐵同西鐵都係行 AC 25kV，東鐵沿途都有設有中性區防止撞相。

地鐵同輕鐵因為行直流電，所以唔需要有關裝置。

但搭東馬兩鐵時都唔覺有類似的聲響，只係小弟留意唔到，還是有其他辦法防止撞相？

原帖由 s3n370 於 2010-6-4 00:32 發表

但搭東馬兩鐵時都唔覺有類似的聲響，只係小弟留意唔到，還是有其他辦法防止撞相？

東鐵線是有的，而馬鞍山線則沒有。
東鐵線也是第一、二及第十一、十二卡之間(即D-P卡之間)位置才聽到聲響，而北行第五、南行第八與頭等車箱
相連的位置同樣也可聽到聲響。聲響於大圍馬鞍山線車廠對出，白石角科學園對出及元嶺發出。

[ 本帖最後由 pcckw 於 2010-6-4 01:09 編輯 ]

why 馬鞍山線沒有中性區 ???

原帖由 KRS991@D347 於 2010-6-4 11:22 發表
why 馬鞍山線沒有中性區 ???

因為馬鞍山線短吧~
我記得以前有大大討論過，以前東鐵綫伸延去到尖東，要加個何文田中性區，
後來返回紅磡站，這個中性區就沒有了。
所以說中性區的設立是因應路線的長短的~

原帖由 thomas_tang01 於 2010-6-4 11:29 AM 發表

因為馬鞍山線短吧~
我記得以前有大大討論過，以前東鐵綫伸延去到尖東，要加個何文田中性區，
後來返回紅磡站，這個中性區就沒有了。
所以說中性區的設立是因應路線的長短的~ ...

中性區是因應路程的長短﹐用電量(列車數量)去決定的。其實主要係用電量(同一區域的列車數量)去決定的﹐即是班次疏﹐用車量少的﹐一個中性區便可因此而加長﹐當然每個供電區都有一個極限的長度的。

馬鐵都有中性區的﹐但在非載客路段﹐設於車廠內﹐所以大家都唔會有機會經常中性區的。
也有說因為列車數目已經減少 (有列車永久調到西鐵)﹐用電量唔會有機會超出一個供電區的限制﹐連這個中性區都取消了。


而何文田中性區﹐是因應當年東鐵去到尖東而增加﹐因路線加長及同一區域列車數量增加﹐超出一個供電區的供電限制﹐所以要增加一個中性區﹐藉以加多一個供電區負責紅磡及尖東站的供電。

現在﹐西鐵進駐紅磡﹐此位置的列車數量減少﹐用電量也因而減少﹐於是又可合併回一個供電區﹐令行車穩定(減少列車過中性區的影響)及節省維修供電設施成本。

據知﹐東鐵以前都有因應列車班次增加而調整中性區的位置及數量的。

[ 本帖最後由 kei_hk 於 2010-6-4 11:57 編輯 ]