六四展覽 警清場扣民主女神

原帖由 AVW56 於 2010-5-31 08:49 發表
無錯個度係公共空間, 無錯20人以下的集會係唔駛申請,
而且支聯會方面早已知會警方有關安排, 警方並無反對.

不過今次係 食環署 以 阻街 為由, 沒收該物品.
食環署屬食物及衛生局管, 故由該局局長周一嶽解畫. ...

我又咁睇
咁快上到去周一嶽既? 唔係首先係食環署長出黎幫局長頂架咩?
而及後被沒收的物品卻是放在警署內
如果係由食環署帶頭做呢件事
引用的也是食環署可以做到事的法例
而警方只係作為 "協助" 角色
咁被充公的物件, 就好似一般無牌擺賣的物品咁
係由食環署轄下的地方去擺放, 而唔係北角警署

但係, 宜家又睇落調番轉
食環署只係用黎作門前卒的理由
但實際上呢, 還不是警方
所以支聯會也懶得和食環署交涉
直接搵警務署長去質問

我記得出面 d 討論區間唔中都話其實食環同警方兩邊都唔係好合作
兩邊都互不干涉, 也不想另一邊去干涉
你睇掃小販或者捉垃圾蟲
食環署人員俾 d "疑犯" 大聲問候
有幾何警方係會介入先?

原帖由 cky 於 2010-5-31 20:20 發表


我又咁睇
咁快上到去周一嶽既? 唔係首先係食環署長出黎幫局長頂架咩?
而及後被沒收的物品卻是放在警署內
如果係由食環署帶頭做呢件事
引用的也是食環署可以做到事的法例
而警方只係作為 "協助" 角色
咁被充公的物 ...

成件事我係中立GE,
我純粹係照新聞所報導, 回應返人地今次係咩事,
我無發表過任何意見, 所以唔該唔好引我文.

[ 本帖最後由 AVW56 於 2010-5-31 21:16 編輯 ]

原帖由 AVW56 於 2010-5-31 21:11 發表
成件事我係中立GE,
我純粹係照新聞所報導, 回應返人地今次係咩事,
我無發表過任何意見, 所以唔該唔好引我文.

我只係 follow 點解係周一嶽解話的問題
閣下的立場係點, 對討論沒有影響
勿過份敏感

原帖由 cky 於 2010-6-3 01:24 發表


我只係 follow 點解係周一嶽解話的問題
閣下的立場係點, 對討論沒有影響
勿過份敏感

好難唔敏感, 特別係呢個壇已經被有關方面和諧了.

原帖由 AVW56 於 2010-6-3 08:20 發表


好難唔敏感, 特別係呢個壇已經被有關方面和諧了.

請問呢個壇點俾有關方面"和諧"了呢? 有關方面又是指什麼機構呢?
現在閣下在這裡的言論自由有被影響嗎? 希望閣下解釋下呢.....否則
我都好驚WOR...

而講返主題, 其實最近我反而唔明白點解係好多方面, 政府對六四比往
年緊張, 之前不在港, 未能清楚晒整件事, 不過從收回神像, 禁止作者入境
等睇, 似乎都係好緊張....

其實如果從2012政改方案就快表決去睇, 現在應該是相反, 俾民主派
及市民對"民主"更有信心, 而不是打壓....

如果一方面要起錨, 另一方面卻不斷有動作去壓制民間, 先不論其政治目的,
現在特區政府也是十分矛盾, 不當....

其實六四仍然是香港人對中央政府的最大保留, 亦是與中央之間溝通的最大
阻礙, 亦是21年來香港人最大的堅持, 如果特區政府/中央政府要嘗試係六四
入手"打壓", 不但無用, 而且只是換來市民更大的反應, 拉遠距離, 實在不明智...

最後, 我當然希望中央政府能夠確實勇敢面對六四歷史, 盡快"放開"這一個21年
來不敢提的"包袱", 中國先可以係民主, 民生, 經濟, 外交全面發展..

原帖由 AVW56 於 2010-6-3 08:20 發表


好難唔敏感, 特別係呢個壇已經被有關方面和諧了.

這是嚴重的指控，不能不出聲，不知誰被誰和諧了？
和諧和諧，那些通街走的河蟹，其實是否幻覺？
請舉出例子，hkitalk有誰因為言之有物的有政治色彩言論而被處分。
香港仍然是可以放聲大罵特區政府和北京政府的地方，至少在這個板看不到有甚麼和諧之處。

唔好話我咁反問幾句就係想和諧你呀......你唔澄清係你自己放棄權利咋......

而家又輪到中大校方拒絕畀民主女神進入校園......我覺得係留樽二唔夠中立囉！
係中立就唔該行政會議都唔好做，佢係行政會議入面唯一一個大學校長，最唔中立就係佢。

[ 本帖最後由 DIH 於 2010-6-3 09:56 編輯 ]

原帖由 AVW56 於 2010-6-3 08:20 發表
好難唔敏感, 特別係呢個壇已經被有關方面和諧了.

相信以上係指本網站已被某巨型防火牆過濾左,
係某十三億人o既國度內"正常"係睇唔到

我唔係話有人的言論受到打壓, 唔好誤會.

我只係覺得, 一個咁普通GE交通論壇, 都竟然會被BLOCK,
那即是說, 可能有一隊人專責睇呢資訊, 覺得唔合適, 所以就BLOCK.
以上只係我的估計.

我自己個人立場黎講, 就唔會係網上, 包括呢度, 發表敏感言論.
當然, 大家大無畏的, 可以繼續講, 畢竟你有這自由,
但小弟就唔敢係網上面講某D野, 就算要講, 都一定會好謹慎.

呢個年代, 差人查案都會上論壇搵料,
網絡某程度上係暴露身份的另一個途徑,
所以, 無論點都好, 大家發表意見前, 真係要諗清諗楚, 要慎言.

[ 本帖最後由 AVW56 於 2010-6-3 10:29 編輯 ]

原帖由 AVW56 於 2010-6-3 10:17 發表
我唔係話有人的言論受到打壓, 唔好誤會.

我只係覺得, 一個咁普通GE交通論壇, 都竟然會被BLOCK,
那即是說, 可能有一隊人專責睇呢資訊, 覺得唔合適, 所以就BLOCK.
以上只係我的估計.

我自己個人立場黎講, 就唔會係網 ...

可能你是有親身經驗知道一些內幕，或者純粹出於恐懼或怕麻煩，
但我仍然會暢所欲言，行使基本法賦予港人的言論自由，身體力行「擁戴」基本法。
我又冇打人，又冇衝擊，日日返工搭港鐵放工搭巴士，平平凡凡的打工仔一個，
我在此發表言論係愛國愛港，係想香港好想中國好想世界好，怕咩？

若然因為有甚麼背後的原因而欲言又止，哀哉，歡迎加入「被和諧者之家」。

hkitalk有呢個N板，就唔係「普通GE交通論壇」啦。
既然我無論審慎或大放厥詞都一樣會被block，為何還要辛苦自己？

同樣道理，難道無綫電視因為敏感題材會被block，就唔再提六四？
提少Ｄ都畀人「是但」到而家，到佢真係唔提，就真係CCTVB了。

至少這個壇不是粗口滿天飛、hp周圍派、小丑四處行罷。

感言：
我又鬧反高鐵又鬧公投，同樣又不滿特區及北方政府，
對大陸的科技發展很雀躍，但對人權等問題又恨得咬牙切齒，我應該怎樣歸類呢？
人是立體的，不是線性二分的，敵人的敵人不等如朋友，
敵人的朋友不一定是敵人，我由始至終都唔buy老毛理論。
可能因為係讀生物出身，我認為每個人都是獨立的個體，
各有相異相同，這種diversity才是向前演化的資本。
不論是甚麼立場，假如只有一種意見、一種做法、自我沉默的話，
對整個群體都沒有好處，一個大浪湧過來，全軍覆沒。

今天am730小歇才講過「領導」的迷思。

要驚，facebook上面大把人要驚啦，一邊發放政治言論，旁邊就係自己個樣，
要起底易過借火，幾時輪到「挨託」丫，但佢地依然熱烈地表達立場。

[ 本帖最後由 DIH 於 2010-6-3 13:58 編輯 ]