巴士車長擅自改線被投訴

香港越來越多一些知小小又要攪攪陣的投訴專員, 事無大小都去投訴
一番, 對於一群從事服務性行業的從業員構成一種無形的壓力. 如果有
人做統計, 相信近十年來精神病患者新症有三分一係從事服務性行業.

老實說有沒有買保險與是否有得賠償根本上是兩回事, 就算個人買了
一份人壽保險, 你會否保證你行人後你的後人真的有錢到手嗎?

只管投訴的人, 在你行動之前, 有沒有了解事實的真相呢?

原帖由 Alex_Tsang 於 2010-6-6 20:24 發表
香港越來越多一些知小小又要攪攪陣的投訴專員, 事無大小都去投訴
一番, 對於一群從事服務性行業的從業員構成一種無形的壓力. 如果有
人做統計, 相信近十年來精神病患者新症有三分一係從事服務性行業.

老實說有沒有 ...

佢地夠膽既,就叫銀行搞工會,同銀行班資方死過,到時有邊個夠膽?
香港人有好多都係欺善怕惡,最可恥係呢班人.

原帖由 nwfb94A 於 2010-6-6 07:07 PM 發表
咁102,104,112果d, 行加士居道天橋/下路,
又算唔算私自改線呢

N年前的hotline 錄音﹐入面有講明由司機按情況決定的。

而香港入隧道前的幾種行法都講明的。


而家hotline 的行車路線錄音有無講﹐我唔知啦。


我這樣講完﹐算唔算私自改線﹐相信你都知答案啦。

講起"擅自改線"小弟每天都坐601/P返工,朝早返工時間去到和樂邨已經頂曬閘,有時真係好想車長在冇人下車的情況下,不入觀塘鐵路站總站,藍田鐵路站總站,直行鯉魚門道,再行下路不入東區海底隧道站,但一句話"不能擅自改線",結果一架根本再上唔到人的頂閘巴士好無謂地兜入去以上車站!真係......唉!

以前彌敦道仲可以右轉旺角道時
我時不時都見到有 1 1A 9 104 等線偷雞右轉
有幾次見過有稽查係亞皆老街叫車直行先轉
不過最驚奇既係我竟然都見過有 95 203 入去新填地街

原帖由 3asv322 於 2010-6-6 21:05 發表
講起"擅自改線"小弟每天都坐601/P返工,朝早返工時間去到和樂邨已經頂曬閘,有時真係好想車長在冇人下車的情況下,不入觀塘鐵路站總站,藍田鐵路站總站,直行鯉魚門道,再行下路不入東區海底隧道站,但一句話"不能擅自改線" ...

呢個有時都冇計, 喺站等緊既人見到你部巴士唔入站就飛左去, 就唔理係咪頂閘都話個司機飛站架喇...
其實東隧果邊收費廣場有冇規定話一定要上一上藍田救護站條路先... 我有時喺藍田地鐵站向觀塘方向既巴士站等車時望過對面見到有時D 307, 680, 681, 682行唔上去既

如果同時有幾條路行而又唔影響停站的話
我覺得巴士公司可以列明
咁就可以減少投訴啦

例如好似74X咁
九巴都有講明
可能因應交通情況而經大老山公路、小瀝源道，再經大老山公路

所以早一兩個街口出
我認為真係無咩問題

原帖由 502 於 2010-6-6 12:22 發表
本末倒置
幫巴士幫上腦?

唔係話自己改線唔好
時間係少左
但係唔係官方線
行第2條路有意外渣正黎做司機都大獲啦
保險又失效
保障返乘客既投訴好正常架喎
因為確實唔係官方行法

係覺得行永和街快既
咪個個就去建議巴 ...

唔係幫巴士幫上腦,只係之前九巴未改電話錄音都係話可以行鴻興道或堅拿道天橋,堅拿道東,堅拿道西返紅隧
只係有d 人冇o野搵野o黎做,少少o野就投訴

原帖由 坤仔 於 2010-6-6 10:40 PM 發表
如果同時有幾條路行而又唔影響停站的話
我覺得巴士公司可以列明
咁就可以減少投訴啦

例如好似74X咁
九巴都有講明
可能因應交通情況而經大老山公路、小瀝源道，再經大老山公路

所以早一兩個街口出
我認為真係無咩問題 ...

有時可行的版本太多﹐例如不少紅隧線由香港返九龍﹐入海隧都有2-3個方法的﹐都是由司機決定的。(以前kmb的錄音都有講明的﹐而家有會提及我唔知)

在乳豬紙全部列明﹐只會引起乘客混亂﹐所以只列出最常用的一條。


其實﹐巴士公司及司機是應該行走指定路線的﹐如果喜歡點行便點行﹐即使不會影響車站﹐都是不太好的﹐像是沒有監管一樣。

一些不影響車站﹐而日常運作上又真的可以更暢順的﹐其實都可以列入標準的路線之上﹐這要巴士公司與政府開會討論一下。是否作正式公佈可視乎情況﹐這便沒有爭議之處﹐有投訴或不清楚的﹐政府及巴士公司都可以依據路線資料去講解。


ps. 生果報都只係話有此事﹐只要求巴士公司去調查﹐沒有提出任何警告。暗示此宗投訴只是表面成立﹐但未必會再跟下去﹐巴士公司可能交番份報告話司機大意行錯路便close file。同時﹐也暗示運輸署可能一早已經知道有司機這樣行﹐令運作更暢順﹐是一條非明文的代替路線﹐所以放生巴士公司。

[ 本帖最後由 kei_hk 於 2010-6-6 23:36 編輯 ]