起錨 VS 超錯

原帖由 238X 於 2010-6-18 17:09 發表
雖然我都唔鍾意暴民主導的施政，
但至少暴民主導，開心的人會比寡頭統治多一些？


另外，剛剛發現在 Facebook 上出現了一個
「如果民主黨對政改方案投支持票，
我再也不會投票給民主黨」的群組。
入面 D 人基本上認為，所有談判 ...

憑咩同佢死過?流血就有份！
或者咁講，民主黨，一係無得返轉頭，二則對自己有利方案，再好似2005咁被banq既話，
要捧新力軍上立法會就難上加難(選立會，組名單出選都頭痛，位又唔係多，直選得30)

況且，如我之前所講，係唔支持民主黨既，係搞5區補選個陣已經走得7788，
依家應該係d人不忿民主黨出賣成班民主派先至比人咁樣對待。

原帖由 DIH 於 2010-6-18 11:30 發表

中央應該明白，香港有普選，不單止可以塞住悠悠之口，行政上都有好處。
政府班子經過選舉歷練，既有群眾認受性，內部又有默契，一定比現在一盤散沙來得有效率。
奧巴馬的醫療改革，對大眾而言係短期會受影響，但長遠係好的，在理性民主社會，結果能夠通過。
又如漏油事件，他背後有數以億計美國人民支持，他才可以振振有詞要求英國石油公司負責。
反對者反對甚麼，都不能反對他的認受性，不能人身政擊他的支持者。

對以上一點有保留。

1. 奧巴馬的醫療改革長遠當然是好事（基於個人原因，我對美國的醫療改革相當關注），但
不斷遭到反對，甚至通過後有多個州政府申請司法覆核，原因在於美國有相當一部分人口崇尚極端自由主義（共和黨州份為甚），
想小政府大巿場，認為政府的大小「擺進浴缸就可以」，認為醫改是政府入侵國民生活。

2. 粗字一點，我估計中共才不關心！因為中共的作戰策略之一，就是反對異見者的認受性，對其支持者人身攻擊，
昨天的辯論裏面，曾蔭權明顯經常使用這套戰略。

原帖由 S3BL100 於 2010-6-18 22:10 發表

粗字一點，我估計中共才不關心！因為中共的作戰策略之一，就是反對異見者的認受性，對其支持者人身攻擊，
昨天的辯論裏面，曾蔭權明顯經常使用這套戰略。

我是說假如官員都係經過選舉洗禮的話，至少被人批評的可以少一樣，
咁佢就算推行不得民心的政策都唔會心有鬼到路人皆知。
點解曾蔭權口窒窒？點解唔望鏡頭？點解中共的網絡管制越來越嚴？心虛也。

共和黨想鬧奧巴馬乜都好，偏偏唔可以鬧佢無民意授權，「民意授權」呢四隻字好重份量。
又例如，小布殊四處點火頭，民主黨亦唔會公開話佢只照顧小圈子商家利益（雖然係人都知咩事）。

只要政府缺乏認受性，則壞政策必然被大力反對之餘，好政策亦寸步難行。
像高鐵那樣的長遠基建，一個沒有民意授權的原罪，加上操作欠技巧，與民情脫節
（例如宣傳一直講幾快，講程序，又唔講下環保，又唔講下西九高鐵站其實真係好方便），
就此被對家成功鼓動民眾牽著鼻子走，只能慘勝。

哎呀，咁我好驚呀，若民選政府要就23條立法時點算？到時叫人下台又會有用嗎？

[ 本帖最後由 DIH 於 2010-6-18 22:49 編輯 ]

原帖由 Anpretext 於 18/6/2010 19:47 發表

仲有, 人民既力量係唔可以小看的 ...

我始終覺得要「人民公敵」本身無錢無飛機大炮，
又或者「人民」本身有錢有飛機大炮去同「人民公敵」抗衡
(當然，錢同飛機大炮可以包括外國勢力)，
「人民力量」先會成功發揮作用。

衰 D 講句，如果人民力量真係咁無敵，就唔會有六四啦。

原帖由 238X 於 2010-6-18 22:50 發表


我始終覺得要「人民公敵」本身無錢無飛機大炮，
又或者「人民」本身有錢有飛機大炮去同「人民公敵」抗衡
(當然，錢同飛機大炮可以包括外國勢力)，
「人民力量」先會成功發揮作用。

衰 D 講句，如果人民力量真係咁無敵，就唔 ...

起碼係香港, 人民力量是有成效的,
你估03年政府唔驚50萬上街遊行咩?

頭先食住早餐睇緊d社評，
蘋果對民主黨方案正面，但信報就潑冷水。

所以普選聯民主黨既人係咪口心一致都成問題，
假設民主黨部份支持，加埋唔過40票，sorry煲呔你玩完。

Anpertext：咁我又想問，特區政府 call 到解放軍嗎？

kay：如果生果都對民主黨方案正面，咁果個群組的人咪表錯情

原帖由 238X 於 2010-6-19 08:55 發表
Anpertext：咁我又想問，特區政府 call 到解放軍嗎？

kay：如果生果都對民主黨方案正面，咁果個群組的人咪表錯情

頭先我收工係快餐店食住早餐睇電視社評，岩岩再開今日既蘋論，單係個標題都已經嚇倒我

"民主黨方案總算向普選走前一步"
http://hk.apple.nextmedia.com/template/apple/art_main.php?iss_id=20100619&sec_id=4104&subsec_id=15333&art_id=14151432&cat_id=32&coln_id=93

蘋果唔係支持一步到位普選既咩，幾時學到同建制派一樣行前一步呢?
蘋果都講"妥協"，太陽會否從西面升起?

但無論如何，民主黨的妥協方案，仍是一個擴大立會直選議席使增至 40席的方案。它仍不是取消功組議席的真普選，但較現政制算是向普選走前一步。政治講妥協。走了這一步，仍須繼續努力爭取廢功組和真普選。
未來仍存在許多變數。不過有兩點可以肯定：一， 23日以原方案交立會表決會成為一個笑話；二，今天的政改向前走大遊行更是一個特大笑話，因為走向哪裏連領隊向前走的人也不知道：未得到來自北京的準確指示也。

=====
岩岩商台news feed見到，黃毓民話民主黨藉不參與5區補選換取中央接受方案，
而民協馮檢基就話要取消區議民委任先肯支持。


[ 本帖最後由 kay 於 2010-6-19 09:21 編輯 ]

原帖由 kay 於 2010-6-19 09:07 發表

頭先我收工係快餐店食住早餐睇電視社評，岩岩再開今日既蘋論，單係個標題都已經嚇倒我

"民主黨方案總算向普選走前一步"
http://hk.apple.nextmedia.com/template/apple/art_main.php?iss_id=20100619&sec_id=4104&subs ...

最近蘋果係政改上, 都帶來一d驚喜, 如之前講5區公投失敗, 今日講民主黨讓步方案...

對比於之前近社民連路線的報導及評論, 的確改變左好多......

我相信現時好多人, 都希望那改良方案被中央接受, 及特區政府改變現有方案, 係23日通過...

現在親中人士放風越來越多, 相信好快有消息(星期一) 不過現時唯一擔心, 反而是民主黨內部,
如李柱名講明反對, 呢個點解決呢, 還看民主黨, 個波點控, 真係睇晒民主黨咁....