起錨 VS 超錯

原帖由 Anpretext 於 2010-6-19 22:30 發表
如果果5席係由市民提名就可以考慮
而家我就係擔心民建聯同民主黨玩哂

市民提名?
會唔會太亂呢?

原帖由 kay 於 2010-6-19 16:16 發表
不過，以今次呢個方案黎睇，勉強都算全港巿民1人有2票，
係就限制係某個功能界別先投得，

又真係有 d 勉強。
在公司票的制度下,
有人本身已經有幾十票,
新制唔會減少佢地的票數,
只可以講全港市民都有 >= 2 票
(仲未計你一票同佢一票個分量唔同)

原帖由 Snoopy@FB8617 於 2010-6-19 22:32 發表
市民提名?
會唔會太亂呢?

區議會門檻對非2大黨既人係好大排戰

原帖由 Anpretext 於 2010-6-19 22:37 發表
區議會門檻對非2大黨既人係好大排戰

咁明顯本身就係咁
我諗本身政府出得個方案既原意就係諗住俾位佢地兩大黨(當然唔排除兩大黨會放位俾其他同陣線既人)

即係咁，講到呢度，我有少少覺得而家你似以下其中之一：
1.  你相信大部份市民其實支持公民黨、社民連，
所以對佢地無着數的方案都唔應該支持。
2.  你唔相信一個政黨妥協之後會 (能夠) 利用
自己得到的政治利益去發揮應有的影響。

我覺得政客從來都無乜原則，
或者好聽 D 講，佢地相信無影響力好難做到野。
好似長毛呢 D 有理想之人，
理念通常又唔係大部份人受落，
或者即使大部份人受落都唔容易實際推行。

我諗今次中央唔係完全「勝券在握」的。
尤其是，成件事司徒華好似無出過聲。
佢對中共了解 / 仇視，我諗無乜人會懷疑。
假如你同你同道人個諗法夠說服力，
我唔相信無人同華叔講過，或者華叔唔聽佢地支笛。

除非華叔心入面另有盤算
(譬如整個氹俾何俊仁踩) 啦。

華叔是希望有生之年見到普選，並不急進，只要意志堅定，何需急於一時。
天真的想法是，普選越遲，華叔越長命。

假如將來只剩下民建聯同民主黨「玩晒」，又如何？
美國、台灣、英國都係兩大黨為主。

講真，成熟的政黨政治，需要大量資源，除非兩個大黨都有重大缺失，否則細黨根本冇可能話到事，
在這種考慮下，細黨匯入理念相似的大黨，擴充大黨之餘亦務求自己部分理念得以進駐主流民意，其實十分正常。
而社會上的一切意見，到了要下決定的一刻，都只會歸納成「贊成」和「反對」，所以最終只會有兩個黨或兩大陣營。

台灣：親民黨由國民黨分出來又入返國民黨
香港：工聯會＋港進聯＋教聯會＝民建聯；港同盟＋匯點＝民主黨；前綫與民主黨合併

民主黨其實一直都不是太急進的，乜都係講下就算，真係要多謝社民連，
冇佢地將個鐘擺搖到另一個極端，就唔會有今日的溫和派與中央會面及區議會修訂方案。

再者，人各有志，人會變月會圓，誰擔保明天民建聯不會成為最民主的政黨呢？（只要中共一聲令下就可以）
正如社民連對公民黨也是先追擊後合作，政治沒有永遠的敵人，也不要妄想有人會永遠是你的朋友。

大黨細黨又是否這樣重要？真係覺得自己理念同其他政黨都唔夾的話，
咪繼續做你的細黨，並爭取選民支持，若然由始至終你都係小眾，就唔好怨選民唔支持你。
話之你滿口金科玉律、肺腑良言，選民唔支持你就無勢力，
政黨若要生存，就要為選民意向而調整，若要在議會有大勢力就更加要大調整，一味高舉崇高理想，只會落得曲高和寡。
還未計某些無辜市民或記者　被　因對社會失望　而　怒髮衝冠　的　熱血青年　惡言相向，這只會令游離選民更加反感。
這句是我的朋友和親戚的親身經歷或所見所聞。

以上是ideal case，背後有隻手又另計。
但未做好自己的基礎，有勇無謀，又如何螳臂擋車頂住無形之手？

[ 本帖最後由 DIH 於 2010-6-20 00:26 編輯 ]

原帖由 Snoopy@FB8617 於 2010-6-19 22:31 發表
得到議席並唔係有太大既好處
反而泛民自己既內部分裂對日後爭取野都有唔多唔少既影響
成個區議會改動都未真係可以放入份文件
泛民自己入面都已經開始係到同自己嘈 ...

其實我又認為, 民主制度下, 本身不同人都會有不同意見,
唔係咩極大問題, 即使泛民自己人入面都開始嘈, 都唔係什麼
大問題, 因為大家都成熟的.....(其實自有社民連, 搞公投等,
泛民自己人入面已經開始嘈, 唔駛中央搞都係)

最新我反而咁睇, 泛民內部有不同意見, 可能先係新發展的機會!

如社民連首先引入激烈行動(民主黨不同意ga), 去到民主黨世紀性
同中聯辦會談, 到今日中央接納民主黨方案(社民連仲係唔同意ga).
呢d都係泛民分裂的結果....

否則, 泛民人士繼續"團結"在一齊時, 泛民就只會好似之前咁,
一直咁爭取, 但唔會有結果...因為大家都行唔到一步....

[ 本帖最後由 3ASV196 於 2010-6-20 09:07 編輯 ]

原帖由 DIH 於 2010-6-20 00:16 發表
華叔是希望有生之年見到普選，並不急進，只要意志堅定，何需急於一時。
天真的想法是，普選越遲，華叔越長命。

假如將來只剩下民建聯同民主黨「玩晒」，又如何？
美國、台灣、英國都係兩大黨為主。

講真，成熟的政黨政治，需要大 ...

問題係，小黨派有資源好似兩大黨搞咁多活動，派咁多野?
我覺得依家政黨首要目的係要滿足小巿民貪小便宜的心態。

所以話小政黨生存空間細，比大黨搶住黎打，唔係無理由。

原帖由 kay 於 2010-6-20 09:10 發表

問題係，小黨派有資源好似兩大黨搞咁多活動，派咁多野?
我覺得依家政黨首要目的係要滿足小巿民貪小便宜的心態。

所以話小政黨生存空間細，比大黨搶住黎打，唔係無理由。 ...

觀乎現有的細黨，佢地的立場同「搞活動、派小便宜」似乎格格不入喎～
如果毓民走去商場派蕉皮公仔，我都可能支持社民連。諗起都笑死我喇～
反而如果有「余若薇教辯論」等等「教材」出街都可能有用。

我意思即係話現有的細黨根本不屑和大黨融合，這是他們的選擇，
然而當他們的立場客觀上並不符合大部分選民心水時，就只有靜待民意（和己黨）逐步改變，賴地硬係冇用的。

原帖由 3ASV196 於 2010-6-20 09:00 發表


其實我又認為, 民主制度下, 本身不同人都會有不同意見,
唔係咩極大問題, 即使泛民自己人入面都開始嘈, 都唔係什麼
大問題, 因為大家都成熟的.....(其實自有社民連, 搞公投等,
泛民自己人入面已經開始嘈, 唔駛中 ...

但只怕雙方到最後不斷互相攻擊...