起錨 VS 超錯

原帖由 Snoopy@FB8617 於 2010-6-20 11:24 發表
但只怕雙方到最後不斷互相攻擊...

其實無得怕, 求同存異, 互相尊重, 本身正正是民主精神的根本,
如果民主派內最後真係只是不斷互相攻擊, 而不能做到互相接納,
互相包容, 最終引至失敗, 亦只可以講, 佢地未夠成熟...

佢講個D係好似民協、街工呢D一人黨。
最成功的一人黨，係劉江華的公民力量，呢個私家軍係沙田仲有好多位，所以劉江華先上到位。

經過今日城巿論壇日一役，
我好懷疑民主黨呢幾日會否係其他團體既壓力下屈服，
最後政府同中共加埋民主黨既算盤打唔響。

05年政改都係有部份泛民支持，但到最後倒戈。

有點糊塗，其實而家係邊種情況？
1. 政府接納民主黨建議，但6月23日提上立法會的仍然是原方案，只是到實行時採用民主黨的做法。
2. 政府接納民主黨建議，修改原方案，在6月23日在立法會表決修改後的方案。
3. 政府基於操作程序，無法及時修改方案，等原方案在6月23日被否決，再提交改良方案。

靚觀其變，然而我覺得民主黨的決定冇錯。

今日明報副刊屈穎妍的比喻都幾貼切，哥倫布起錨時，都唔知會發現新大陸。
正如而家，政改若能起步，到頭來香港可能沒有直接普選（哥倫布想搵的亞洲），
但可能有另外一些既合乎民主原則，亦不至於民粹的做法可以試出來，樂觀地想甚至可以給大陸參考。
例如功能界別會否變成美國的選舉人制？（基本法講得比較含糊，只說普選而非直選。）
另外，民主黨亦可能在功能界別取得三分之二後，利用自己的影響力取消功能界別。

香港好難同台灣比，首先台灣係自決命運，其次台灣人性格比較率直，
好易信人、感情至上，唔似得香港，周圍大風大浪暗湧處處各懷鬼胎。

[ 本帖最後由 DIH 於 2010-6-20 17:11 編輯 ]

原帖由 DIH 於 2010-6-20 17:03 發表
有點糊塗，其實而家係邊種情況？
1. 政府接納民主黨建議，但6月23日提上立法會的仍然是原方案，只是到實行時採用民主黨的做法。
2. 政府接納民主黨建議，修改原方案，在6月23日在立法會表決修改後的方案。
3. 政府基於操作程序，無 ...

區議會方案係靠本地立法程序解決，
似乎個人認為應該係#1。

如果係 1，民主黨星期三未必行得出立法會。
2 係最好的做法。

3 都有可能，只不過樣衰少少。
李柱銘今日接受有線訪問時立場明顯軟化，
又呼籲政府押後表決，如果政府接納佢建議，
可以達成情況 2 而避免另外兩種情況出現。

另外，今日社民連同網民都好努力圍堵何俊仁，
亦罕有出現兩個曾經同路而又樣貌相似的兩人
(陶君行與蔡耀昌) 對峙的場面。

但由今日報道所見，我越來越覺得，
社民連支持者眼中的「出賣民主」，
主持者唔係何俊仁，而係司徒華。

佢地唔郁華叔，係唔敢郁佢？
定係想打擊何俊仁，等華叔過身之後，
奪取香港民運發言人的寶座？

[ 本帖最後由 238X 於 2010-6-20 17:50 編輯 ]

一般認為採用單議席單票制才是英國兩黨獨大的主因。

原帖由 238X 於 2010-6-20 17:48 發表
如果係 1，民主黨星期三未必行得出立法會。
2 係最好的做法。

3 都有可能，只不過樣衰少少。
李柱銘今日接受有線訪問時立場明顯軟化，
又呼籲政府押後表決，如果政府接納佢建議，
可以達成情況 2 而避免另外兩種情況出現。

...

若果要明郁華叔就唔係咁得既...
始終郁佢既時候我諗會隨時成個泛民都會有點微言...


不過呢,我諗今次泛民入面投左讚成票既都一定俾人圍
即使係唔係大比數通過