起錨 VS 超錯

形勢上根本無法改變2012年無普選(你叫人大改佢都未必理會),
民主黨方案無錯不是最好方案,更不是普選,只是將95年新九組
借屍還魂,所以毓民要鬧唔係民主黨民建聯中聯辦,而係北大人,
就算民主黨唔提呢個方案,都總會有呢類意見出台

見到昨日混亂場面,只感到無奈,作為香港人,無必要自己人打
自己人,出手出口解決唔到問題

原帖由 orange 於 21/6/2010 11:19 發表
形勢上根本無法改變2012年無普選(你叫人大改佢都未必理會),
民主黨方案無錯不是最好方案,更不是普選,只是將95年新九組
借屍還魂,所以毓民要鬧唔係民主黨民建聯中聯辦,而係北大人 ...

佢又唔敢 (咁快) 叫人革中共的命呢。

所以話社民連激進，可能只岩一半，
另一半可能係佢地敵我不分甚至係無料到。

原帖由 238X 於 2010-6-21 11:36 發表


佢又唔敢 (咁快) 叫人革中共的命呢。

所以話社民連激進，可能只岩一半，
另一半可能係佢地敵我不分甚至係無料到。

咪革囉，新田、石崗、新圍、昂船洲、佐敦、九龍塘、金鐘、赤柱，想揀邊個營做對手？
除非社民連搵班無間道入共產黨，裡應外合將共產黨自內部爆開啦，否則，革命？起義？
不過咁，冇佢地，亦顯現唔到民主黨原來係幾咁溫和理性，誰是真心為香港前途著想（及著手）。

我個人亦只希望共產黨早日醒悟，唔希望中國再被政治動亂蹉跎，
現代中國已經至少浪費了30年在政治鬥爭，這30年的差距不是一直旨望平價勞力就可以追回的。

家陣媒體都幾乎一面倒對社民連的做法公開表示不滿，我覺得係好事，
既然我忍佢佢都係會鬧我，我做乜要忍佢、為同一陣線的虛名而唔敢批評？
合則來不合則去，社會各界，尤其是溫和民主派，希望你們認清敵友，不要任由狼子野心撕裂香港社會。

[ 本帖最後由 DIH 於 2010-6-21 12:26 編輯 ]

原帖由 DIH 於 21/6/2010 12:19 發表

我個人亦只希望共產黨早日醒悟，
唔希望中國再被政治動亂蹉跎 ...

唔... 呢個可能唔到佢控制。

原帖由 Snoopy@FB8617 於 2010-6-21 10:34 發表
若果下下都驚中央反口既
咁就算中央話有2012普選既
一樣都可以唔信

再講,中央有咩需要改口?
香港又唔係咩咁大咁緊要既事非到要中央下下轉口不可 ...

閣下似乎太低估中共喇。

今次民主黨個區議會方案，咪又係之前突然之間個個都話違反基本法同人大常委規定，跟住一夜之間同一班人又話無違反，
咁即係有冇違反呢？到底係邊個話無違反呢？唔通係西環？

中共今次俾我地喘息，有五席新增區議會界別，但係之後一樣可以反口，話2017年無普選行政長官，2020無普選立法會，
甚至可以話而家已經係「普選」，所有立法會議員都係有人選出，行政長官都係經過票選產生，吹咩？

these being said，個問題係，中共手段相常高明，民主派已經被成功分化，再者
你唔去接受呢個方案就乜都無，但係接受呢個方案又唔代表將來一定有普選，咁我諗大部分人都寧願接受，仲會願意俾中共benefit of doubt，
而家佢地都提倡「信任」嘛，「信任讓夢想成真」。

而家個情況，就正如男仔同一個深愛自己的女仔講，不如我同你一齊訓一晚覺先，換取我保證日後會同你結婚，
「信任讓夢想成真」，否則就唔使旨意，
俾著大家係個女仔，會點揀？

原帖由 S3BL100 於 2010-6-21 14:50 發表


閣下似乎太低估中共喇。

今次民主黨個區議會方案，咪又係之前突然之間個個都話違反基本法同人大常委規定，跟住一夜之間同一班人又話無違反，
咁即係有冇違反呢？到底係邊個話無違反呢？唔通係西環？

中共今次俾我地喘息，有五 ...

其實都係那句, 民主黨都講左, 這不是終點...

無錯, 中央的確有D位唔可信, 但如果之後有改變個普選方向, 咪之後繼續爭取lor,
好多人的論點係, (正如你話男女關係的例子), 行左呢一步, 就返唔到轉頭...
但問題係, 這是否真實? 是否2012多左5個功能界別, 就等於以後都一定要有?
是否民主黨同左中央討論, 就以後變成建制派?

其實如果下下再將所有野都綁在一起, 真係2020都唔會有改變....

直d 講, 香港一國兩制, 一定要睇中央決定, 點樣可以係中央手上拎到多d民主成份,
又確保方向正確, 的確好難...

好多政黨, 都話自己爭取普選, 咁多年來, 實際爭取到d 咩? 係一d都無...
但難得, 今次係民主成份上進步, 卻遭呢d連一d進步都無爭取到的人反對...
試問, 反而最應該請辭, 是否那d一直都無爭取到任何野的人....? 即那些
得把口的人?

如果真係咁唔同意中央, 咁信不過, 不如咁, 一係移民, 唔好再理香港, 一係搞
獨立, 唔好理中央, 但咁耐都無人敢講wor, 但如果一方面又要同意一國兩制下
的中國香港, 但又要唔想與中央溝通, 這矛盾是永遠解決不了...

當中央反對, 又會話中央獨裁, 唔理民主派意願, 但到今次中央都叫肯溝通讓步,
又話中央陰謀, 咁其實係點講都無意思ga la wor? 不是嗎?

即係咁，做人係要有兩手準備的。

何俊仁、華叔佢哋既然同中共傾得掂，
就應該任佢哋去。

同一時候，黃毓民為首嘅死硬派都唔係無道理，
佢哋有一定力量同樣係好事。

今次主要係黃毓民佢哋批鬥時過咗火位，
唔代表佢哋立場唔啱。

但某程度上，呢次過火位又好難避免。