起錨 VS 超錯

原帖由 053h4 於 21/6/2010 15:16 發表

關鍵是敵我意識的定義問題
如同08選擇痛擊公民黨, 是次公投又入晒民主黨數
我覺得, 佢的認為敵人, 似係不同道的自己友多過建制派

諗諗下，其實唔駛太過 care 呢個問題，

因為，首先要搞清楚，佢呢啲動作係做俾邊個睇。
班受眾係覺得要鬥倒中共、鬥倒特權階級係唯一方法，
咁佢哋都無乜其他立場好選擇。


打個比喻：
民主黨喺海中心起咗個人工島。
未必好近對面海，但至少有個中途站。
去到嗰度，就算隻船真係有咩冬瓜豆腐，
都可以重新部署下一段航程。

而另外一班人可能覺得，海入面周圍都係猛獸，
或者個島唔夠物資繼續行程，
所以極力反對去嗰座人工島，寧願整死哂啲猛獸，
或者整隻勁堅固、唔會沉嘅船先行。

好難想像佢哋唔批鬥起人工島的人的。

[ 本帖最後由 238X 於 2010-6-21 15:29 編輯 ]

原帖由 053h4 於 21/6/2010 15:52 發表

而好老實, 既然稱為泛民, 係一個同盟, 真係唔應該搞到咁樣 ...

忍唔住講句：「認真你就輸了」。
呢個聯盟只係當中共蝦蝦霸霸唔俾人行先有效。

今次華叔同中共達成統一戰線 (其實都唔知邊個統戰邊個)，
仲唔激到其他人紮紮跳咩。

原帖由 053h4 於 2010-6-21 16:27 發表
華叔唔係統戰, 從我睇佢文章的理解
我覺得, 佢傾向樂觀相信"和平演變"罷

我諗華叔係任何有可能向民主邁前一步的做法都會支持，
因為他只把香港以至中國的民主未來看成一個大目標，而沒有把中共當成永遠的敵人。
反而如果佢係咁諗、以個人喜好凌駕於整體香港人福祉的話，就唔係人人敬重的華叔了。
任何可以向目標推進的做法，不管節奏快定慢，都不妨一試。
憎恨和抗爭是很累的，既然有辦法向前邁進，又沒有抵觸自己原則，為什麼還要執著於一步到位呢？

前面的造船比喻，還有一點，就是誰的船先啟航，其他人都可以放低自己造緊的船，趕上起錨的船。
有些人因為怕會反艇而行都唔行，你想留低食穀種都唔好阻住我上船丫！到這刻我竟然想起挪亞方舟......
OMG，又回到「起錨」這兩個字！

[ 本帖最後由 DIH 於 2010-6-21 17:22 編輯 ]

原帖由 053h4 於 2010-6-21 16:27 發表


「認真你就輸了」放諸四海都啱, 但呢個泛民係同盟的"幻想", 係存在係唔少人心中

華叔唔係統戰, 從我睇佢文章的理解
我覺得, 佢傾向樂觀相信"和平演變"罷

而好老實, 談判同共識, 同統戰係兩回事
"談判"本意, 係指 ...

談判過程不嬲會叫高黎賣
中間就等人落地還錢

公社其實當初可以借勢支持....但佢冇做到
在談判上個勢比左民主黨


傾得到就傾 傾唔到就散

原帖由 S3BL100 於 2010-6-21 14:50 發表


閣下似乎太低估中共喇。

今次民主黨個區議會方案，咪又係之前突然之間個個都話違反基本法同人大常委規定，跟住一夜之間同一班人又話無違反，
咁即係有冇違反呢？到底係邊個話無違反呢？唔通係西環？

中共今次俾我地喘息，有五 ...

點解突然冇違反
就要問民主黨點解唔企硬果幾個條件...

太多條件就會比人覺得冇誠意
依家北大人就明顯捉字蚤開個綠燈比你...你可以選擇停又可以揀過..

信任比夢想成真 呢句係你例子中的男朋友既話 梗係未必信得過啦...
但咁大個政府 順順利利去通過 我相信唔會走左去掛？

[ 本帖最後由 JU2541 於 2010-6-21 18:54 編輯 ]

原帖由 JU2541 於 21/6/2010 18:48 發表

傾得到就傾 傾唔到就散

呢句希望唔會俾你不幸而言中。
因為政府宣佈接納民主黨方案後，形勢又變得好嚴峻。

何秀蘭、梁耀忠、李卓人都表明反對方案
(雖則佢地亦譴責社民連的批鬥行為) ，
至於民主黨內，李柱銘話要退黨，
有傳媒認為涂謹申同鄭家富亦可能會跟從：
http://hk.news.yahoo.com/article/100621/3/ir9c.html

[ 本帖最後由 238X 於 2010-6-21 18:53 編輯 ]

政府呢壇嘢對佢無乜影響, 一係通過一係唔通過
大陸佬都預左唔會過到就跣你民主派一矱杰嘅

採納民主黨方案, 支唔支持最後輸家都係民主黨
基本上暫時係民主黨嘅末路, 造就公社兩黨掘起
亦都俾民主黨一班律師名正言順可能地過檔同樣
係律師幫嘅公民黨都未定. 社民連更加唔駛講借
機會招攬更多未知咩事嘅憤青加入攪事. 然後大
陸佬扮到置身事外....果然係"玩舖勁"

頭先路過銅記教協，見到班人走去抗議民主黨。

咁講啦，民主黨輸定贏好難講，
而民主黨就算輸，d票又係咪自動"過戶"落公社兩黨都係個問題。

其實憤青唔捧民主黨都唔係而家的事，
我唔相信會搞到大量選票流失。

如果真係會過主，今次方案通過，
對公、社取得議會席位有利無害，
單係區議會選舉可能就已經可以見到效果。

但如此一來，恐怕就又反過來證明
民主黨的妥協是正確的了。