巴士企位幾問

我想問巴士企位係點計呢?

例如AVBE 寫住下層企位係42人..
如果乘客企於黃線之後(同埋唔企樓梯)，咁呢部車係咪真係可以容納42人?

仲有，你覺得有邊款巴士的下層企位係被高估呢?

先謝

原帖由 Ads29 於 2010-6-25 11:27 PM 發表
我想問巴士企位係點計呢?

例如AVBE 寫住下層企位係42人..
如果乘客企於黃線之後(同埋唔企樓梯)，咁呢部車係咪真係可以容納42人?

仲有，你覺得有邊款巴士的下層企位係被高估呢?

先謝 ...

是可以的﹐不過要乘客配合﹐唔好只企車頭位置﹐要企到車尾位置﹐同埋盡量企密。


以前我都有懷疑﹐究竟個企位數字是否真係企到相應的人數﹐結果有一次我迫上一部ats﹐全車坐滿及企滿﹐我正想下車時﹐企在樓梯的第一級﹐無聊地數企的乘客數目﹐看看是否同可企人數(發牌)相符﹐發現由車頭頂閘數起﹐去到車尾走廊位﹐一共有3x人﹐係符合33個企位的。

咁我就想問下層企位人數(發牌)係咪要計埋黃線以外(車頭) 既人數?
因為我見過"黃線以外不准企立"notice

既然「黃線以外不准企立」，法定企位怎能包括黃線以外之位置？

原帖由 Ads29 於 2010-6-26 01:30 發表
咁我就想問下層企位人數(發牌)係咪要計埋黃線以外(車頭) 既人數?
因為我見過"黃線以外不准企立"notice

我諗應該唔計 ,佢叫得你唔好企黃線之外既位就應該一早要預左減番幾多人先(黃線之外既位)
可能車排佢計排隊咁排法(係超迫果隻)

但係, 通常見到頂閘嘅車, 後閘到車尾都係企唔滿, 所以就算企出黃線, 都唔會點超載嘅

原帖由 Ads29 於 2010-6-26 01:30 AM 發表
咁我就想問下層企位人數(發牌)係咪要計埋黃線以外(車頭) 既人數?
因為我見過"黃線以外不准企立"notice

當時的3x人﹐係成35以上的﹐扣番車頭黃線外的人﹐都有成30-33人﹐仲要剛剛有人在中門下車﹐中門有些少位未補位的﹐即係﹐合法的企位範圍﹐絕對是可企33人以上﹐同發牌人數相符。

原帖由 HR889@3C 於 2010-6-26 01:42 AM 發表

我諗應該唔計 ,佢叫得你唔好企黃線之外既位就應該一早要預左減番幾多人先(黃線之外既位)
可能車排佢計排隊咁排法(係超迫果隻)

以我上次經驗﹐當時部ats 只是有3-4位企中軸及之後位置﹐算唔算你講排隊咁排法﹐你自己覺得啦。

至於其他位置﹐前門至中門一段走廊位咪同平時一樣好迫﹐中門及水塘位﹐都是合理地企滿人﹐但仲有少少位鬆動的。

宜家較少見巴士「頂閘」程度可以去到該架巴士企立人數極限,前閘爆滿,但部車實際得廿幾人企。板友有時講某D巴士線的載客量點供不應求,但部車實際企位空間未用盡就要求加車 。有D「頂閘」只係前閘爆但企十幾人,車尾有大量企位空間。

嚴格來講,一架表面上「頂閘」的巴士,實際仍有空間再容納一部分乘客,不過你講出有「乘客過份堆積車門或附近位置令巴士提早頂閘」的實況。