原來您是纜車司機 - 伴我纜車深度行

原帖由 solomon 於 2010-7-10 12:39 發表
原來現時系統是以大輪做中心, 單纜運作! 以前舊系統是
分兩大輪, 但同時同方向運作, 即時兩組纜是獨立的. 正是
兩輪是拼在一起運行, 如我前文所說, 一條上出, 一條下出,
所以兩纜便可以分別上下行了. 這是當年換系 ...

請問幾時由兩組纜獨立換做單纜運作呢??因為我當時真係好有印象係一條纜郁緊,而另一條係停左在度,而o個d 接觸住纜鋼纜的轆都係咁..........thxthx~

都係兩組纜, 而且由同一巨輪運作!
圖片可見左右兩邊分別是上下行纜,
而運作都是同一方向轉動, 同時帶動兩組纜!

舊系統是有人坐於這巨輪上方, 由他控制開停,
車長負責通知, 緊急停車同收中途客錢, 那緊急
停車控捍是要騎住的!!

我想問點解要2根軌道變成3根軌道再變成4根軌道?
唔兩邊都2根軌道變4根軌道?

另問樓主纜車有冇得響安?
未聽過纜車響安

其實山頂纜車，講得簡單D就係一部有人的升降機
普通升降機係一個機箱同一個平衡鉈
機箱上升鉈下降，反之亦然，原因係可以減輕摩打的負荷

而山頂纜車，只係將平衡鉈換左做機箱

請問為何部分路段有 3 根軌道? 有甚麼作用?

原帖由 OTIS401 於 2010-7-10 22:57 發表
其實山頂纜車，講得簡單D就係一部有人的升降機
普通升降機係一個機箱同一個平衡鉈
機箱上升鉈下降，反之亦然，原因係可以減輕摩打的負荷

而山頂纜車，只係將平衡鉈換左做機箱 ...

如果我冇理解錯，應該係兩部車互為對方的平衡鉈。

至於軌道二分三再分四，其實並非必然，
樓主的相都有幾張係二軌同四軌直接相連，
但為何要有三軌的出現呢？我都不明白。

另外海洋公園的高峰列車是有冷氣，那樣是怎樣供電給車上的冷氣機、大量 LCD 顯示器呢？至於運作方式應該與山頂纜車差不多，只是在中間有兩條路軌及管道以便雙方的纜車駛過，而不會像山頂纜車有一段是3條路軌，以及全程是直路。

原帖由 DIH 於 2010-7-10 23:26 發表

如果我冇理解錯，應該係兩部車互為對方的平衡鉈。

至於軌道二分三再分四，其實並非必然，
樓主的相都有幾張係二軌同四軌直接相連，
但為何要有三軌的出現呢？我都不明白。 ...

如果touchwood其中一部斷纜，有否安全措施煞停纜車？乘客又如何疏散(比如在最斜路段)?
真的不希望再類似富善恰老伯的事件

冇記錯纜車同升降機一樣，都有安全裝置的
問題只係唔知係夾住條軌定係個車輪

原帖由 Choi 於 2010-7-10 23:47 發表


真的不希望再類似富善恰老伯的事件

纜車又唔係雜廠保養

再補充幾句:

1. 現在的系統是1989年中安裝的, 由瑞士製造

2. 纜車有得響安, 入站時多數都聽到, 因為花園道及山頂站都沒有黃線

    好多乘客都企到好出, 司機入站響安叫人不要靠近月台邊緣, 以免發生

    意外.

3. 2根軌>4根軌>3根軌, 綠色纜車年代已經有, 但用意何在, 我的朋友都不知

    現職的工程師都不知, 只說前人造落已經是這樣.

4. 纜車本身有緊急制動, 若果touchwood斷纜, 或者纜索與列車分離, 纜車都會

    施行緊急制動, 緊急制動的制動力, 比起正常制動大好多陪, 即使在最斜的路段

    斷纜, 纜車都不會直衝落山, 其實纜索可承受的重量, 遠遠超出纜車滿載乘客的

    重量, 所以正常情況下, 應該不會斷, 但世事無絕對, 世上有好多意料之外的事.

    如果纜車在中途真的斷纜, 纜車煞停後, 乘客仍然會留在車上, 等待救援. 車上

    依照是一個安全的地方. 沿著纜車軌道旁, 全路段都有一條緊急行人道, 好窄

    好窄的, 平日供維修人員使用, 如果真的在中途疏散乘客, 最起碼可以沿著那條

    行人道前往最近的車站離開, 不過我相信無人想發生這些事故.

最後, 真的要誠心向各位板友致謝, 本文由貼文起計僅僅30多小時, 閱讀人數已高達

2200多, 每次當我登入時, 總會收到大家的寶貴評分, 而且評分的分數及人數, 遠遠

高於我的估計, 多謝大家, (感動而落淚). 有大家的支持下, 我會努力發掘更多新的

題材, 新的文章, 提升本板文章的趣味性及可讀性.

[ 本帖最後由 前KMB員工家屬 於 2010-7-11 01:26 編輯 ]