城巴962/962X的分工

原帖由 KC3555 於 2010-7-10 23:26 發表
仲要係乜野時間做實驗先？
非繁忙時間，962B快過962有乜咁出奇？
962B唔駛上小欖斜，962小欖前多人等車，無人揀962B。

當然係非繁忙時間啦，因為而家重組既關鍵係962非繁時應否加經深井,而同時令962X每天全日.

其實 962X , 962B 可以考慮合併
置樂經屯公直出小欖 , 再落青公去深井上番公路去港島
可能呢個係平衡到各方其中一個方法

原帖由 FBI2 於 2010-7-10 23:33 發表


當然係非繁忙時間啦，因為而家重組既關鍵係962非繁時應否加經深井,而同時令962X每天全日.

如果962仲係龍門居開的話，一定無可能。屯門碼頭區居民一定遊行。
而且荃灣區議會早在青山公路巴士路線的議題上和屯門區議會不咬弦，你郁一郁深井，
班議員一定同你死過。
962X全日一定無現時962咁好客，現時962一定無辦法郁到。
現時屯門區問題係，碼頭班保皇黨堅決要962P全日行走，
置樂白鴿黨唔會俾962X郁一條毛。所以，非繁忙時間整死962X，係城巴最佳的收入保證。

睇黎係城巴當初拆得太多線, 非繁時都拆兩條分支出黎
搞到而家每個小區都要保留非繁時特快服務, 同時又要有直車出CWB
所以而家咁難收科

其實根本就咁開 962 再加 962B 就係最好，
雖然 962 摺檔，962x 就可以全日去到銅鑼灣，
但如果咁計，962B 只需要o係三聖開車就可以，連去置樂都慳返。
反正就算 962x 全日都唔見得快過 962 幾多，但黃金海岸就變o左無車落銅鑼灣。

既然 962x 快唔到 962 幾分鐘，不如咪開，
學上面板友講，就咁由 962B 做晒佢，先上屯公，去到小欖先落青公仲好。

原帖由 3ASV174 於 2010-7-11 02:35 發表
其實根本就咁開 962 再加 962B 就係最好，
雖然 962 摺檔，962x 就可以全日去到銅鑼灣，
但如果咁計，962B 只需要o係三聖開車就可以，連去置樂都慳返。
反正就算 962x 全日都唔見得快過 962 幾多，但黃金海岸就變o左無車落銅鑼灣 ...

睇完咁多位發文, 感覺真係好好笑!!!

962有今日拆線法, 已經係經過3次重整, 先講962, 不論繁時非繁時, 都係唔多夠車, 中午時段都還好D, 早繁因為要顧埋962A, 962P, 962X, 0700-0800一段時間962要17-18分鐘一班(過海線計算係"壯舉")!!! 呢個正正係0830-0900要返中環/灣仔工既高峰時間, 青公一帶巴士站通常有10人以上候車, 一般962到小秀村已經打爆, 開始有客要"掛爐", 雖然有962S輔助, 但係962S都自身難保!!!

以繁時計, 962B係慢962大約15分鐘, 關鍵係除左深井之外, 豪景花園都係個大客倉, 星期一至五早繁, 會有3-4部特車泊嘉龍村, 由豪景起載, 紅小都加入戰團, 收$20過灣仔!

咁......你地話962, 962B點CUT? 叫青公居民轉工? 唔好去中環灣仔返工?

*補充: 記得十多年前, ,城仔曾於98年入紙申請開辦967(兆康--港島), 但係比TD以有960服務而反對, 962X就係呢個情況之下"必"出黎, 而962B同962X都係962第三次重整之下既產物.

[ 本帖最後由 牛奶仔 於 2010-7-11 11:20 編輯 ]

原帖由 牛奶仔 於 2010-7-11 11:15 發表


睇完咁多位發文, 感覺真係好好笑!!!

962有今日拆線法, 已經係經過3次重整, 先講962, 不論繁時非繁時, 都係唔多夠車, 中午時段都還好D, 早繁因為要顧埋962A, 962P, 962X, 0700-0800一段時間962要17-18分鐘一班(過 ...

現在根本不宜把962系於繁忙時間的服務作出調節,反而962系於非繁忙時間出現資源不均的問題,是需要作出修改的.

原帖由 FBI2 於 2010-7-11 11:19 發表


現在根本不宜把962系於繁忙時間的服務作出調節,反而962系於非繁忙時間出現資源不均的問題,是需要作出修改的.

其實962同大部份往返新界同市區路線既處境係類同, 甚至可能更嚴重! (因為路途遙遠!) 繁時可以喪爆, 非繁時可以烏蠅都冇隻! 而且要回車係艱巨動作! 遠水救不了近火......

所以我覺得有人產生錯覺, 只睇到某個時間既客量, 以為962系冇人搭, 以偏概全係正常; 巴士公司派大量車隊服務某條線, 就足以反映條線既重要性, 巴士公司都係一間商營公司, 賺錢第一, 唔會斷然亂派車攪到公司蝕本......

原帖由 牛奶仔 於 2010-7-11 11:32 發表


其實962同大部份往返新界同市區路線既處境係類同, 甚至可能更嚴重! (因為路途遙遠!) 繁時可以喪爆, 非繁時可以烏蠅都冇隻! 而且要回車係艱巨動作! 遠水救不了近火......

所以我覺得有人產生錯覺, 只睇到某個時間 ...

不過,城巴係大西北既拓展真的有點過份,當然,我們不可或缺B3X這個成功例子啦,可是我們也不能不檢討962系和967的失敗例子.

第一,967其實開兩味已夠做,因為九巴本身有欖隧轉車站,與其執多幾個乘客,不如慳多幾架車好過.城巴偏偏將佢做全日,結果經常非繁時遊街.
第二,962本身定線不錯,只是繁忙時間太繞路,所以城巴在繁忙時間不斷拆線,以應付沿途上班的需求,合乎成本效益.問題就是非繁忙時間,這樣
拆線發生了什麼問題呢?
1) 962照樣兜餐飽,而快線962X卻又疏又不快,而且只是去到金鐘,結果原本要兜路既乘客,拆左線之後照樣係要坐兜路那條線,變相開多左幾架空氣出來.
2) 962B是城巴新增的版圖,原本開兩味是有不錯的客量,足夠應付上下班需求,卻突然開全日,現時非繁時每班車的客量,隨時連西隧費都唔夠俾.

如果城巴不是吸取962,967這些教訓,930A都有可能玩全日.反觀一直要求全日的373,935,948,卻多年望天打掛.

原帖由 FBI2 於 2010-7-11 11:46 發表


不過,城巴係大西北既拓展真的有點過份,當然,我們不可或缺B3X這個成功例子啦,可是我們也不能不檢討962系和967的失敗例子.

第一,967其實開兩味已夠做,因為九巴本身有欖隧轉車站,與其執多幾個乘客,不如慳多幾架車好 ...

FBI2兄所講既多多少少同TD班ENGINEER有關, 好多時城仔入建議, TD總有一兩個"理由"去推卻, 記得99年時, 老細叫我諗931點走法好, 初步我話由麗城開, 上石圍角, 象山, 梨木樹, 和宜合道, 葵涌道上三號仔, 但係SCHEDULE未上TD, 已經話九記反對而告吹......

所以有時唔係巴士公司唔做, 而係處處受制......

[ 本帖最後由 牛奶仔 於 2010-7-11 11:59 編輯 ]