[ 問 ] 馬鞍山 80年代尾 / 90年頭道路網

原帖由 DT716@71A 於 2010-7-31 04:27 發表
試坐嘅，因為馬鞍山唔可能有紅小，有得搭都應該試一次半次
但係如果晚晚都坐呢，要小心出意外啦，因為保險應該唔claim 架啦
而家部紅van 唔係踩下界出左少少營業區入禁區，而係突破封鎖咁衝入去，一出事保險公司一定咬實呢樣野
805S 都唔係咁差姐，起碼入到去錦英最篤呀，好過大埔58S 呀
話分兩頭，又難怪亞公角街問題搞到大家劍拔弩張，講真，馬市、恆耀係真係識遷就路線錦恆總站出車，唔係每班車都入去serve 佢條邨、佢個屋苑，87K 做奶媽度度都照顧，朝早咪一樣照拆做87S, 但係，有d 路線唔放人走，實在係太惡，86K 唔方走仲情有可原，佢大涌橋路富豪、帝都一帶要捱市區線貴車出去，但係40X, 89D 唔放走就真係講唔通，城隧線有原則，基本上該小區有路線就盡量唔重疊，而89C 同89D 亦然，已經重疊，以89C 營運情況，就算加經77 區，仍然有巴打指出89C 屬虧蝕路線之列，89C 再不擴大專有服務範圍，情況只會更不樂觀
（以下段落與香港巴士大典、681巴士總站、巴打們的描述可能有出入，並根據1993 年通用圖書公司的香港街道地方指南所撰）剛才提到亞公角街係大水坑同馬鞍山路匯合時提到的恒德街，其實佢嘅出現同取消係同有一條巴士線有莫大關連——84K
基本上，沙田馬鞍山嘅8 字頭K 線，數落去係好齊整：
80,81,82,83 時，係無左84
84K 係曾經出現過，富安花園——大學火車站(1993-1994), 本身路線取恆德街，轉出馬鞍山路，繼而與87K 共用同一立交橋往大學站，然而，相信係年內發生的事，恆德街改道，建成今日恆信街橋底，恆德街改為單程落斜，入亞公角，84K 失去最快、最直接的引道，被迫往外兜至石門交匯處，費時失事，加上富安有獨立晨特線85P 往火車站，84K 被殺，亦不是很大的問題
反之，富安居民在坐擁晨特線之下，不願放生86K, 真是有點兒那個
這又難怪的，上面提到87K 架3N 跨欄而出，代表著可能引路工程未完全完成就已經開左線，的確，87K 係搶閘誕生之產物，1992 年8 月1 日開線時，巴士年鑑曾經報導過，九鐵已申請緊大學去馬鞍山的K 巴，九巴為還擊，提早開辦已經獲批的87K, 相信道路工程、大學巴總亦未必完全配合好。
最後感謝各位分享馬鞍山蒼海桑田的故事，馬鞍山可以說是完全由填海得黎，觀乎一眾新市鎮，大都是靠近原來原居民村，就算同期開發的將軍澳，填海地內亦有數個原本海邊腹地漁村，然而，馬鞍山最接近的已是烏溪沙村，也是區內唯一一個，有別於其他新市鎮多個，整個馬鞍山腹地、聯外道路也是填海所得，這真是新市鎮中一大特色

講真，我係旺角站頭等805S咁多次，我都未試過見到有紅小出來載人。有時條隊排到去上旺角東站條天橋，睇下果陣幾點，如果過左12點就費事搏搭東鐵線。805S過左12點會好d，因為有時會多d車清客。

89C同89D呢個問題，真係要改十幾年前都改左啦！講真，而家要搞真係好難。要89D唔入亞公角街，有巴迷試過將有關建議send比運吉，但連運吉都唔批，原因話會令果邊冇車去藍田。而鄉土果邊都有住77區既巴迷，佢地都唔想89D(甚至佢地用唔著既89P)離開亞公角街，原因係唔想靠要兜石門和第一城既89C。我都曾經提出過，如果要89D離開亞公角街，89C係要改特快、用低地台同埋非繁開5分鐘一班車(89D非繁做5分鐘一班出觀塘)。但石門工業區班友又點諗呢？如果89C唔改特快，你估77區班人會唔識用特快M線孖寶(85M和286M)出老隧轉其他觀塘線咩？既有轉乘優惠，又停少幾個站，班次又密d。根本好多人都唔知道除左89D外，同89C有扯客情況既仲有：89X、286M、85M、聽濤去鑽鐵既村巴。我諗40X都會比運吉用相近既原因唔批，可能會話冇直車去葵涌工業區，並且會話繁時城隧好難轉車。

回正題：睇番有關帖文，都諗番起而家馬鞍山d路點來。

原帖由 yyy5138 於 2010-7-31 04:49 發表

如果做到K巴...咁接落鐵路就可以唔洗$啦(仲可以駁埋錦英>馬鐵)

如果呢條 K 巴真係開得成0既話，我諗去到 05
年，都會落得同 K11 一樣0既下場。

原帖由 DT716@71A 於 2010-7-31 04:27 發表
84K 係曾經出現過，富安花園——大學火車站(1993-1994), 本身路線取恆德街，轉出馬鞍山路，繼而與87K 共用同一立交橋往大學站，然而，相信係年內發生的事，恆德街改道，建成今日恆信街橋底，恆德街改為單程落斜，入亞公角，84K 失去最快、最直接的引道，被迫往外兜至石門交匯處，費時失事，加上富安有獨立晨特線85P 往火車站，84K 被殺，亦不是很大的問題

當年84k一開始就取道石門交匯處的

原帖由 DT716@71A 於 2010-7-31 04:27 發表
試坐嘅，因為馬鞍山唔可能有紅小，有得搭都應該試一次半次
但係如果晚晚都坐呢，要小心出意外啦，因為保險應該唔claim 架啦
而家部紅van 唔係踩下界出左少少營業區入禁區，而係突破封鎖咁衝入去，一出事保險公司一定咬實呢樣野
8 ...

諗返起當年 87K 的確係搶閘，佢一開時個總站係設於現時馬鞍山公園外的巴士站，當時那裡荒蕪一片，只有剛落成的福安花園，連市中心的道路也未啟用。

另送上一張 84K 照片

原帖由 kiwai 於 2010-7-31 20:31 發表


當年84k一開始就取道石門交匯處的

的確如此..
因為恆德街入馬鞍山封路之時, 也正正是87K那條橋開通之時, 那時是1992年左右的事..
所以, 84K冇可能經過恆德街出馬鞍山路上橋.

原帖由 himchan 於 2010-7-19 10:21 發表


係喎，你唔講都唔記得
當時舊嗰邊要進行一些改裝工程，如加建大型路牌，所以改行新路
仲記得大老山隧道公路係第一條公路用快速公路標誌，當時的快速公路仲係用緊藍色底路牌

原帖由 ~~Knysna~~ 於 2010-7-20 01:09 發表

個時政府仲拍左條宣傳片教人正確使用快速公路
http://www.youtube.com/watch?v=b_rx4-Y0Vuw

大老山公路通車這一年(1991年)是香港快速公路法例生效的年份，大老山公路同時是使用較新的快速公路標準設計及建造。

原帖由 williamlaw8914 於 6-8-2010 23:12 發表




大老山公路通車這一年(1991年)是香港快速公路法例生效的年份，大老山公路同時是使用較新的快速公路標準設計及建造。

記得當年快速公路路牌藍轉綠個陣
過渡期係先將一塊綠底新牌(比原有牌size細)釘落原有藍底牌上面
過左一排先再成塊換成綠底牌

原帖由 hkbw 於 2010-7-17 12:42 發表


當年馬鞍山對外交通的確曾因暴雨癱瘓.

印象中應該係大概1994至1995年左右, 那次的暴雨先令馬鞍山路V位水浸, 同日稍後時間更
令麥邊山泥傾瀉, 西沙路受阻上數星期.

而個次暴於亦令天文台採用現時所用的暴雨警報 ...

暴雨警告的出現源自1992年5月8日的經典大雨，請避免散播錯誤資訊。

原帖由 kaiyip24 於 2010-8-7 01:12 發表


暴雨警告的出現源自1992年5月8日的經典大雨，請避免散播錯誤資訊。

翻查從前的舊照片, 該次令V位水浸的應該是92年這場.至於95年那場, 又是另一回事..

年代久遠, 記不起那麼清楚, 多謝板友指正.

擔單問問
西沙路同錦英路交界附近個"巴士站"係用泥做咩?
有無做個有巴士停GE巴士站?