[ 問 ] 馬鞍山 80年代尾 / 90年頭道路網

原帖由 himchan 於 2010-7-20 01:33 發表


接駁到那個冇人用出口的行人路為了遷就那條臨時支路所以向入移了，於是令那個冇人用出口的一幅原應藏於斜坡的磚牆外露了出來，後來便用石屎覆蓋了磚牆 ...

真係無人用不如唔好開好過....


PS:今晚有非法紅小做MK->馬鞍山
      收$20
      小弟六是坐上客之一...

我又加把口，我係有85M後才有機會入馬鞍山，相比之下算係較遲。

我最記得，以前馬鞍山路近城安一段，兩方向慢線都用石壆封住，每個方向只有兩線行車。
有一晚，入馬鞍山好塞車，我搭緊老虎蘭85M，被困車龍期間，見到旁邊被石壆隔住的慢線有架3N@87K向前行，
去到石壆完的位置才六個轆逐個跨欄出返路面，當時車上滿載乘客架喎。

我讀大學期間，都可謂睇住馬鞍山繞道興建，
恆安對出一段馬鞍山路，入馬鞍山方向都唔係話冇改過，闊咗同加咗隔音屏障囉。

我亦都搭過未入錦泰前的286M，當時真係快到離譜，當然亦少客到離譜。

由恆德街往西沙路的天橋，當年係「斷橋」咗好耐，好似幾乎同馬鐵同步建築，
可能係為免馬鐵興建期間要封車路施工（馬鐵一段跨過西沙路入西貢方向），就索性唔起住。

馬鞍山路入恆泰路個路口都改建過，以前係微S型的，旁邊又多雜草，
同個同學搭286M入馬鞍山，佢話好似上大陸咁。

[ 本帖最後由 DIH 於 2010-7-24 19:41 編輯 ]

非法紅小好似經常性地都有，但聽聞係同國松傾過

原帖由 DIH 於 2010-7-24 19:36 發表
馬鞍山路入恆泰路個路口都改建過，以前係微S型的，旁邊又多雜草，
同個同學搭286M入馬鞍山，佢話好似上大陸咁...

城安個入口係完全的改變過來, 和當年臨屋區時代差得遠..

最早期時, 唔止係微S..係同今時今日完全唔同..
成個城安, 唯一一樣既, 就係個水務署那個直角位..

以前油站係城安往馬鞍山的出口...連續兩個180度彎..

原帖由 hkbw 於 2010-7-26 00:24 發表
以前油站係城安往馬鞍山的出口...連續兩個180度彎.. ...

可否詳細解說一下?

其實大家認為入馬鞍山既道路規劃算唔算做得差？最起碼行高速公路去錦泰富安要兜路，上利安/錦英堆巴士又cover唔到大水坑站以北既新發展區

原帖由 李志豪 於 2010-7-26 01:54 發表

可否詳細解說一下?

以前是 S 字形的，現在拉直了

人龍一轉左兩三個彎,就成日會有紅小..
係鳳凰班人做既

同國松傾過?真係會..?
個站長一見人龍長就會企去後面睇住咖喇WOR..
應該就唔似傾過喇...

試坐嘅，因為馬鞍山唔可能有紅小，有得搭都應該試一次半次
但係如果晚晚都坐呢，要小心出意外啦，因為保險應該唔claim 架啦
而家部紅van 唔係踩下界出左少少營業區入禁區，而係突破封鎖咁衝入去，一出事保險公司一定咬實呢樣野
805S 都唔係咁差姐，起碼入到去錦英最篤呀，好過大埔58S 呀

話分兩頭，又難怪亞公角街問題搞到大家劍拔弩張，講真，馬市、恆耀係真係識遷就路線錦恆總站出車，唔係每班車都入去serve 佢條邨、佢個屋苑，87K 做奶媽度度都照顧，朝早咪一樣照拆做87S, 但係，有d 路線唔放人走，實在係太惡，86K 唔方走仲情有可原，佢大涌橋路富豪、帝都一帶要捱市區線貴車出去，但係40X, 89D 唔放走就真係講唔通，城隧線有原則，基本上該小區有路線就盡量唔重疊，而89C 同89D 亦然，已經重疊，以89C 營運情況，就算加經77 區，仍然有巴打指出89C 屬虧蝕路線之列，89C 再不擴大專有服務範圍，情況只會更不樂觀

（以下段落與香港巴士大典、681巴士總站、巴打們的描述可能有出入，並根據1993 年通用圖書公司的香港街道地方指南所撰）剛才提到亞公角街係大水坑同馬鞍山路匯合時提到的恒德街，其實佢嘅出現同取消係同有一條巴士線有莫大關連——84K
基本上，沙田馬鞍山嘅8 字頭K 線，數落去係好齊整：
80,81,82,83 時，係無左84
84K 係曾經出現過，富安花園——大學火車站(1993-1994), 本身路線取恆德街，轉出馬鞍山路，繼而與87K 共用同一立交橋往大學站，然而，相信係年內發生的事，恆德街改道，建成今日恆信街橋底，恆德街改為單程落斜，入亞公角，84K 失去最快、最直接的引道，被迫往外兜至石門交匯處，費時失事，加上富安有獨立晨特線85P 往火車站，84K 被殺，亦不是很大的問題

反之，富安居民在坐擁晨特線之下，不願放生86K, 真是有點兒那個

這又難怪的，上面提到87K 架3N 跨欄而出，代表著可能引路工程未完全完成就已經開左線，的確，87K 係搶閘誕生之產物，1992 年8 月1 日開線時，巴士年鑑曾經報導過，九鐵已申請緊大學去馬鞍山的K 巴，九巴為還擊，提早開辦已經獲批的87K, 相信道路工程、大學巴總亦未必完全配合好。

最後感謝各位分享馬鞍山蒼海桑田的故事，馬鞍山可以說是完全由填海得黎，觀乎一眾新市鎮，大都是靠近原來原居民村，就算同期開發的將軍澳，填海地內亦有數個原本海邊腹地漁村，然而，馬鞍山最接近的已是烏溪沙村，也是區內唯一一個，有別於其他新市鎮多個，整個馬鞍山腹地、聯外道路也是填海所得，這真是新市鎮中一大特色

原帖由 DT716@71A 於 2010-7-31 04:27 發表

話分兩頭，又難怪亞公角街問題搞到大家劍拔弩張，講真，馬市、恆耀係真係識遷就路線錦恆總站出車，唔係每班車都入去serve 佢條邨、佢個屋苑，87K 做奶媽度度都照顧，朝早咪一樣照拆做87S, 但係，有d 路線唔放人走，實在係太惡，86K 唔方走仲情有可原，佢大涌橋路富豪、帝都一帶要捱市區線貴車出去，但係40X, 89D 唔放走就真係講唔通，城隧線有原則，基本上該小區有路線就盡量唔重疊，而89C 同89D 亦然，已經重疊，以89C 營運情況，就算加經77 區，仍然有巴打指出89C 屬虧蝕路線之列，89C 再不擴大專有服務範圍，情況只會更不樂觀


反之，富安居民在坐擁晨特線之下，不願放生86K, 真是有點兒那個

這又難怪的，上面提到87K 架3N 跨欄而出，代表著可能引路工程未完全完成就已經開左線，的確，87K 係搶閘誕生之產物，1992 年8 月1 日開線時，巴士年鑑曾經報導過，九鐵已申請緊大學去馬鞍山的K 巴，九巴為還擊，提早開辦已經獲批的87K, 相信道路工程、大學巴總亦未必完全配合好。

無啦...慢慢行就慢慢行啦....d區議員咁惡...咪等成個馬市就吓富安LOR

如果做到K巴...咁接落鐵路就可以唔洗$啦(仲可以駁埋錦英>馬鐵)