同一路線單雙層車混合派車，對乘客的意義在於哪裏？

(1A) 乘客要睇運氣，好運會等到下班係雙層會有位坐，唔好運等到單層就要企
(1B) 乘客要睇運氣，好運會等到下班係雙層可以上到車，唔好運遇到單層滿載就要再等下一班
(2) 單層車的班次(距離上一班車)會較密，雙層車班次會較疏（如同一時段，單層車於上班車5分鐘後開；雙層車於上一班車10分鐘後開）
(3) 會將單層車固定安排於該路線全日平均客量最少的字軌，減少單層車遇正繁忙時間的人潮
(4) 受路面影響，班次一定不平均，單雙層與每班車乘客數量的關係只會是一個或然率，單雙混合派車純粹為滿足總客量需要
(5) 純粹空調與非空調的服務要求
(6) 其他.....

究竟單雙層混合派車的路線背後的意義是以上哪樣???

我的理想是3(會將單層車固定安排於該路線全日平均客量最少的字軌，減少單層車遇正繁忙時間的人潮)，
現時的運作上雙層及單層是分開輪字軌的，不過現實上未必是3，會有很多因素影響。

[ 本帖最後由 pcckw 於 2010-7-17 00:03 編輯 ]

我o既理想係 (2) "單層車的班次(距離上一班車)會較密，雙層車班次會較疏（如同一時段，單層車於上班車5分鐘後開；雙層車於上一班車10分鐘後開)"

其實可以參考下輕鐵, 唔知佢地單雙卡同班次/客量高峰有冇配合好?

原帖由 leochill 於 2010-7-17 10:27 發表
我o既理想係 (2) "單層車的班次(距離上一班車)會較密，雙層車班次會較疏（如同一時段，單層車於上班車5分鐘後開；雙層車於上一班車10分鐘後開)"

其實可以參考下輕鐵, 唔知佢地單雙卡同班次/客量高峰有冇配合好? ...

輕鐵單雙卡派車唔少都係亂黎
我覺得係 (3) , 減少浪費資源 , 派 D 大車去比 D 更有需要既線

例如新巴796B/694、城巴690/25A非繁換車

我覺得係客量太過懸殊。

如果是
(3) 會將單層車固定安排於該路線全日平均客量最少的字軌，減少單層車遇正繁忙時間的人潮
又引起其他問題......

(a)  一架全日車由開工到收工十幾個鐘，經歷上下午繁忙時間，真的有一/多個固定字軌明顯地平均少人搭嗎（已經唔好計少一半人搭）
(b) 繁忙時間人潮理論上應該是又少漸漸多再漸漸少，如果以上是成立的，單雙層派車應是一批連續單層班次，然後一批連續雙層班次，再一批單層班次......但現在單雙層混合派車似是平均安插，梅花間竹的。
(c) 在計算全程行車時間、司機休息時間、班次等因素，某些路線，結果會是不合理的。如273B有幾架雙層及一架單層，但全程行車時間只有20分鐘。我諗Peak Hour應該唔止半粒鐘掛？架單層點都會撞正人潮，最終只會出現(1A) 及(1B)情況。相反，某D班次疏落長途線會相對合理，如74A。

實際運作時，好像通常是令乘客無位坐，甚至上唔到車，令乘客印象欠佳。

原帖由 kay 於 17-7-2010 11:41 發表
例如城巴690/25A非繁換車

我覺得係客量太過懸殊。

690 非繁可以慳隧道費 ; 25A 咁啱放學時間架 Man 要頂閘 , 互惠互利

原帖由 ccchhhuuunnn 於 2010-7-17 13:31 發表
(c) 在計算全程行車時間、司機休息時間、班次等因素，某些路線，結果會是不合理的。如273B有幾架雙層及一架單層，但全程行車時間只有20分鐘。我諗Peak Hour應該唔止半粒鐘掛？架單層點都會撞正人潮，最終只會出現(1A) 及(1B)情況。相反，某D班次疏落長途線會相對合理，如74A。

74A應該純粹屬於樓主提及的第4個情況

(4) 受路面影響，班次一定不平均，單雙層與每班車乘客數量的關係只會是一個或然率，單雙混合派車純粹為滿足總客量需要

24都應該屬於第4個情況